完整藏文原文 · 德格版页 当前仅加载第 11 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། འཚོ་བྱེད་འདི་ཡང་རེ་ཞིག་བདག་གིས་གནང་བ་མེད་པར་བྱས་ན་ཡང་བྱ་བ་ལྟ་སྨོས་ཀྱང་ཅི་དགོས་ཏེ། བཅོམ་ལྡན་འདས་ཀྱིས་གནང་ངམ་མི་གནང་གི་གཏོལ་མེད་དོ། །དེས་སྨྲས་པ། འཕགས་པ་བཅོམ་ལྡན་འདས་ནི་ཐུགས་རྗེ་ཅན་ལགས་པས་ཅིའི་ཕྱིར་གནང་བར་མི་འགྱུར།
D6.011.0036b01.01སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གང་མཁས་པ་དེས་གློན་དུ་གནང་ངོ་། །བཅོམ་ལྡན་འདས་ཀྱིས་དགེ་སློང་གང་མཁས་པ་དེས་གློན་དུ་གནང་ངོ་ཞེས་བཀའ་སྩལ་པ་དང་། དེ་དག་གིས་
D6.011.0036b02.01ཁྱམས་དང་། རྫིང་དྲུང་དང་། སྒོ་ཁང་དང་། བང་རིམ་དག་ཏུ་གླན་པ་དང་། བཅོམ་ལྡན་འདས་ཀྱིས་བཀའ་སྩལ་པ། དབེན་པའི་ཕྱོགས་སུ་གྱིས་ཤིག །གཞན་དུ་བྱས་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །བྲམ་ཟེ་དང་ཁྱིམ་བདག་དད་པ་ཅན་
D6.011.0036b03.01དག་གཙུག་ལག་ཁང་དུ་འོངས་ནས་དགེ་སློང་རྣམས་ལ་འཕགས་པ་བདག་ནད་འདི་ལྟ་བུ་དང་འདི་ལྟ་བུས་ཐེབས་ན་བདག་གིས་གཡར་ཟས་ནི་ཇི་ལྟ་བུ་ཞིག་འཚལ་བར་བགྱི། སྨན་ནི་ཇི་ལྟ་བུ་ཞིག་བསྟེན་པར་བགྱི་ཞེས་ཟས་ཀྱི་ཆོ་ག་དྲིས་པ་དང་། དེ་ན་དགེ་སློང་གང་དག་མི་ཤེས་པ་དེ་དག་ནི་ཅི་
D6.011.0036b04.01ཡང་མི་སྨྲའོ། །ཤེས་པ་རྣམས་ནི་ཐེ་ཚོམ་དུ་གྱུར་ནས་མ་སྨྲས་པ་དང་། བྲམ་ཟེ་དང་ཁྱིམ་བདག་དད་པ་ཅན་རྣམས་མི་དགའ་བཞིན་དུ་དོང་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་
D6.011.0036b05.01སློང་གང་མཁས་པ་དེས་ཁ་ཟས་ཀྱི་ཆོ་ག་དང་། སྨན་དཔྱད་རྣམས་སྟོན་པར་གནང་གིས་འདི་ལ་འགྱོད་པར་མི་བྱའོ། །གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་ཆོ་འཕྲུལ་ཆེན་པོ་བསྟན་པས་མུ་སྟེགས་ཅན་རྣམས་ནི་ཐག་བཅུག །ལྷ་དང་མི་རྣམས་ནི་ཀུན་དགའ་
D6.011.0036b06.01བར་མཛད། སྐྱེས་བུ་དམ་པ་རྣམས་ནི་མགུ་བར་མཛད་པ་དེའི་ཚེ་ཡུལ་ཐ་དད་པ་ན་གནས་པའི་མི་མ་ཡིན་པ་དག་གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་དེ་དང་དེ་དག་དང་། འཇིག་རྟེན་གྱི་ཁམས་གཞན་ནས་ཀྱང་མཉན་ཡོད་དུ་འོངས་སོ། །བཅོམ་ལྡན་འདས་
D6.011.0036b07.01