完整藏文原文 · 德格版页 当前仅加载第 11 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་སྙོམས་ཀྱང་ལེན་ཏོ། །རྒྱུ་རྣམ་པ་ལྔས་སངས་རྒྱས་བཅོམ་ལྡན་འདས་རྣམས་རྫས་ཀྱིས་བསྒྲུབས་པ་ན་བཞུགས་ཤིང་བསོད་སྙོམས་ཀྱང་ལེན་ཏོ། །རྣམ་པ་ལྔ་གང་ཞེ་ན། ནང་དུ་ཡང་དག་འཇོག་པར་བཞེད་པ་དང་། ལྷ་རྣམས་ལ་ཆོས་འཆད་པར་བཞེད་པ་དང་།
D6.011.0189b01.01ནད་པ་རྣམས་ལ་གཟིགས་པར་བཞེད་པ་དང་། མལ་སྟན་རྣམས་བརྟག་པར་བཞེད་པ་དང་། ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པ་ཡིན་ཏེ། འདིའི་སྐབས་སུ་བཅོམ་ལྡན་འདས་ཀྱིས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་
D6.011.0189b02.01བཞེད་དེ་རྫས་ཀྱིས་བསྒྲུབས་པ་ན་བཞུགས་ཤིང་བསོད་སྙོམས་ཀྱང་ལེན་ཏོ། །ཁྱིམ་བདག་དེས་ལོ་མའི་བཀད་ས་ཞིག་བྱས་ཏེ། དེའི་འོག་ཏུ་དགེ་སློང་གི་དགེ་འདུན་བཞུགས་པ་དང་ལྷས་ཆར་དབབ་པར་བརྩམས་སོ། །དགུན་གྱི་དུས་ཞིག་ཏུ་བབ་སྟེ། ཁྱིམ་བདག་དེས་
D6.011.0189b03.01དགེ་སློང་གི་དགེ་འདུན་ལ་ཐུག་པ་དང་། ཁུར་བ་དང་། འབྲས་ཁུར་དང་། ལ་ཕུག་དག་བྲིམས་པ་དང་། དེ་ལ་དགེ་སློང་ཁ་ཅིག་ནི་ཐུག་པ་འཐུང་བ་ན་ཧུབ་ཧུབ་ཅེས་སྒྲ་བྱེད་དོ། །ཁ་ཅིག་ནི་འབྲས་ཁུར་ཟ་བ་ན་ཁྲུམ་ཁྲུམ་ཞེས་སྒྲ་བྱེད་དོ། །ཁ་ཅིག་ལ་ཕུག་ཟ་བ་ན་
D6.011.0189b04.01སོལ་སོལ་ཞེས་སྒྲ་བྱེད་དོ། །ཐིགས་པ་བཀད་སར་ཟགས་ཏེ་སྒྲ་ཐིགས་ཐིགས་ཞེས་ཟེར་རོ། །དགེ་སློང་བུམ་པར་ཆུ་འཐུང་ན་སྒྲ་བླུག་བླུག་ཅེས་ཟེར་བ་དང་། དེ་ལ་རོལ་མོ་མཁན་ལས་རབ་ཏུ་བྱུང་བ་ཞིག་དྲན་པ་ཉེ་བར་མི་འཇོག་སྟེ་སྔོན་བྱས་པ་རྗེས་སུ་དྲན་ནས་རྣམ་པར་རྟོག་
D6.011.0189b05.01པའི་དབང་རྒྱས་ཏེ། ཀུན་ཏུ་རྟོག་པའི་ཤུགས་ཀྱིས་ལངས་ཏེ་སྒྲ་གྲག་པ་དེ་དང་མཐུན་པར་སྦྱར་ནས་གར་བྱས་ཏེ། བཙུན་པ་སོལ་སོལ། བཙུན་པ་ཁྲུམ་ཁྲུམ། བཙུན་པ་ཆོམ་ཆོམ། བཙུན་པ་བལྕག་བལྕག །བཙུན་པ་བླུག་བླུག་ཅེས་ཟེར་ཏེ། དེ་ལ་དགེ་
D6.011.0189b06.01སློང་གང་དྲན་པ་ཉེ་བར་མ་བཞག་པ་དེ་ལ་ཡིད་དགའ་བར་གྱུར་ཏེ་དགོད་དོ། །དྲན་པ་ཉེ་བར་བཞག་པ་དེ་དག་ནི་སྤྱོད་ལམ་ལས་མ་འཁྲུགས་ཏེ་དེ་ཉིད་ན་འདུག་གོ། །ཞལ་ཏ་བ་ཁ་ཅིག་ནི་གད་མོ་དགོད་པར་རྩོམ་མོ། །ཁ་ཅིག་ནི་འཕྱ་བར་གྱུར་ཏོ། །ཁྱིམ་བདག་ཀྱང་
D6.011.0189b07.01