完整藏文原文 · 德格版页 当前仅加载第 11 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
པོས་བདག་གིས་འདི་ལྟར་འདི་མིའི་སྐད་དུ་སྨྲ་བར་བགྱིས་སོ་ཞེས་གསོལ་ཏོ། །དེ་ནས་རྒྱལ་པོ་དགྱེས་པར་གྱུར་ཏོ། །དེ་ནས་ཡང་དུས་ཕྱི་ཞིག་ན་ཡང་ཉམ་སྐྱེད་པར་འདོད་ནས་ལུག་འདི་རྣམས་ཁྱེད་ཀྱིས་བཟའ་བཏུང་ཞིམ་པོ་སྩལ་ལ་ཚིལ་མེད་ལ་མཐུ་དང་ལྡན་པར་བྱོས་ཤིག་ཅེས་བསྒོའོ། །དེ་ནས་བློན་
D6.011.0081b01.01པོ་ལྔ་བརྒྱ་པོ་དེ་དག་ནི་ཐབས་མི་ཤེས་ཏེ། དེ་གསོས་ཏེ་ཚོན་པོར་བྱས་སོ། །སྨན་ཆེན་པོས་ནི་བཟའ་བ་ཞིམ་པོ་མདུན་དུ་བཞག་ནས་ཤིང་ལ་སྤྱང་ཀིའི་གཟུགས་ཅིག་བྱས་ཏེ་ལུག་གི་མདུན་དུ་བཞག་པ་དེས་དེ་མཐོང་བས་ནི་སྐྲག་སྟེ་ཚིལ་ནི་མ་སྐྱེས་མཐུ་དང་ནི་ལྡན་པར་གྱུར་ཏོ། །དེ་དག་ཀུན་བལྟས་
D6.011.0081b02.01ན་གཞན་དག་ནི་མདོག་དང་ལྡན་ཞིང་ཚིལ་མང་བར་གྱུར་ཏོ། །སྨན་ཆེན་པོའི་ནི་ཚིལ་མེད་ལ་མཐུ་དང་ལྡན་པར་མཐོང་ནས་རྒྱལ་པོ་དགའ་སྟེ་མཛངས་སོ་ཞེས་བསྔགས་སོ། །དེ་ནས་ཡང་དུས་ཕྱི་ཞིག་ན་གང་མཁས་པ་བགམས་ཏེ་བལྟའོ་སྙམ་དུ་བསམས་ནས་བློན་པོ་དེ་དག་གི་བུ་ལྔ་བརྒྱ་པོ་དེ་དག་
D6.011.0081b03.01སྐྱེད་མོས་ཚལ་དུ་སྔོན་ཟན་བྱས་ཏེ་ཟ་འཐུང་ཞིང་འཁོད་པ་ལས་ངོ་མཚར་དང་ལྡན་པའི་གཏམ་རྩོམ་སྟེ། སུ་གང་གིས་ངོ་མཚར་གྱི་གཏམ་མམ། ཁྱིམ་ན་ཡོད་པ་ཅི་ཐོས་པ་སྨྲོས་ཤིག །དེ་དག་མཛའ་བས་གཅིག་ལ་གཅིག་ངོ་མཚར་གང་ལ་ཅི་ཡོད་པ་དང་། ཁྱིམ་དང་གཞན་གྱི་ཕྱོགས་
D6.011.0081b04.01ན་མཐོང་བ་རྣམས་སྨྲས་སོ། །དེ་ནས་ཁྱེའུ་དག་གིས་སྨན་ཆེན་པོའི་བུ་ལ་ཁྱོད་ཀྱང་སྨྲོས་ཞེས་བསྐུལ་བ་དང་། སྨན་ཆེན་པོའི་ཁྱིམ་དུ་རྡོ་ཞིག་ཡོད་དེ་དེ་ཀ་རྟེན་ཡིན་པ་ལས་དེ་ཆུའི་སྟེང་དུ་བཞག་ན་ཕན་ཚུན་དུ་འཕྱོ་ཞིང་ཉུག་ཅིང་མཉེ་བ་ལ་སོགས་པའི་ལས་ཀུན་བྱེད་དོ། །དེ་ནས་ཁྱེའུ་དེས་བདག་གི་ཁྱིམ་
D6.011.0081b05.01ན་ཡོད་པ་དེ་དག་ལ་བསྙད་དེ་ངེད་ཀྱི་ཁྱིམ་ན་ངོ་མཚར་ཡོད་པ་དེ་ལྟ་བུ་ནི་སུ་ལ་ཡང་མེད་དོ། །དེ་དག་གིས་དེའི་རྗེས་ནས་བཟུང་བ་དང་། ངེད་ཀྱི་ཁྱིམ་ན་རྡོ་བ་ཆུའི་སྟེང་ན་འཕྱོ་ཞིང་འགྲོའོ་ཞེས་སྨྲས་པ་དང་། དེ་དག་གིས་བདག་ཅག་གིས་རྡོ་ཆུའི་སྟེང་ནས་འཕྱོ་ཞིང་འགྲོ་བ་དེ་ལྟ་བུ་ནི་མ་མཐོང་མ་ཐོས་སོ། །
D6.011.0081b06.01དེ་ནས་དེ་དང་དེ་དག་གིས་གསེར་གྱི་དོང་ཚེ་ལྔ་བརྒྱ་ལ་རྒྱལ་བཀྱེའོ། །དེ་ནས་གཞོན་ནུ་དེས་ཇི་ལྟར་གྱུར་ཅིང་དེའི་ཕྱིར་བདག་དང་རྒྱལ་བཀྱེའོ་ཞེས་ཕ་ལ་སྨྲས་པ་དང་། དེས་སྨྲས་པ། བུ་མ་བསྟན་ཅིག །དེ་ནས་དེ་དག་ལྷགས་ནས་མ་བསྟན་པ་དང་། གསེར་གྱི་དོང་ཚེ་ལྔ་བརྒྱ་རྒྱལ་དུ་ཕབ་བོ། །
D6.011.0081b07.01