完整藏文原文 · 德格版页 当前仅加载第 11 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱས་ཏེ། གྲོང་ཁྱེར་རྩྭ་ཅན་གྱི་ནུབ་སྒོ་ནས་དབུས་ཐོག་ཐག་ཏུ་ཞུགས་ཏེ། གྲོང་ཁྱེར་རྩྭ་ཅན་གྱི་ཤར་སྒོར་བྱུང་ནས་ཆུ་བོ་དབྱིག་ལྡན་བརྒལ་ཏེ། གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལོ། །དེའི་ཚེ་གྲོང་ཁྱེར་
D6.011.0295a01.01རྩྭ་ཅན་དུ་ལྷའི་མེ་ཏོག་མན་དཱ་ར་བ་མང་པོ་པུས་མོ་ནུབ་ཙམ་དུ་བབ་པར་གྱུར་ཏོ། །དེའི་ཚེ་འཚོ་བ་ཅན་གཞན་ཞིག་གིས་ལྷའི་མེ་ཏོག་མན་དཱ་ར་བ་དེ་ལས་མང་དུ་བླངས་ཏེ་ཡུལ་སྡིག་པ་ཅན་དུ་བྱ་བ་ཞིག་གི་ཆེད་དུ་སོང་བ་དང་། དེའི་ཚེ་ཚེ་དང་ལྡན་པ་འོད་སྲུང་ཆེན་པོ་འཁོར་ལྔ་
D6.011.0295a02.01བརྒྱ་དང་ཆས་ཏེ། ཡུལ་སྡིག་པ་ཅན་གྱི་བར་ནས་གྲོང་ཁྱེར་རྩྭ་ཅན་གྱི་བར་དུ་ལམ་དུ་ཞུགས་ཏེ། བཅོམ་ལྡན་འདས་ཀྱི་སྐུ་གདུང་མ་ཉམས་པ་ལ་ཕྱག་འཚལ་བར་འདོད་པ་དང་། ཚེ་དང་ལྡན་པ་འོད་སྲུང་ཆེན་པོས་འཚོ་བ་ཅན་དེ་ལམ་ཀར་མཐོང་ངོ་། །མཐོང་
D6.011.0295a03.01ནས་འཚོ་བ་ཅན་དེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འཚོ་བ་ཅན་ཁྱོད་གང་ནས་འདིར་འོངས། གང་དུ་འགྲོ། བཙུན་པ་འོད་སྲུང་ཆེན་པོ་བདག་ནི་གྲོང་ཁྱེར་རྩྭ་ཅན་ནས་འདིར་མཆིས་ཏེ། བགྱི་བ་ཞིག་གི་ཆེད་ལ་ཡུལ་སྡིག་པ་ཅན་དུ་མཆིའོ། །ཚེ་
D6.011.0295a04.01དང་ལྡན་པ་འཚོ་བ་ཅན་ཁྱོད་ཀྱིས་ངའི་སྟོན་པ་ཤེས་སམ། འཕགས་པ་འཚལ་ལགས་ཏེ། དགེ་སློང་གཽ་ཏ་མ་ལགས་སོ། །འཕགས་པ་འོད་སྲུང་ཆེན་པོ་སྟོན་པ་དེ་ཡོངས་སུ་མྱ་ངན་ལས་འདས་ནས་དེང་དུ་དགུང་བདུན་ལོན་ལགས་ཏེ། དེའི་སྐུ་གདུང་ལ་
D6.011.0295a05.01མཆོད་པ་བགྱིས་པའི་ལྷའི་མེ་ཏོག་མན་དཱ་ར་བ་བདག་གིས་བླངས་པ་འདི་ལགས་སོ། །དེའི་ཚེ་རྒན་ཞུགས་གཞན་ཞིག་ཚུལ་མ་ཡིན་པའི་ཚིག་འདི་སྐད་དུ་སྨྲ་སྟེ། འདི་ལྟར་བདག་ནི་འགྱོད་པ་དང་རྒན་ཞུགས་ཀྱིས་འདི་ལྟར་ཀྱེ་དགེ་སློང་དག་འདི་ནི་བྱ་བའོ། །འདི་ནི་བྱ་བ་
D6.011.0295a06.01མ་ཡིན་པའོ་ཞེས་སྨྲ་བ་ལས་ཐར་བར་གྱུར་ཏེ། ད་ནི་བདག་ཅག་གིས་གང་ནུས་པ་དེ་ནི་བྱ། གང་མི་ནུས་པ་དེ་ནི་མི་བྱའོ་ཞེས་དེ་སྐད་དུ་མི་རིགས་པར་སྨྲ་བ་དང་། བར་སྣང་ལ་གནས་པའི་ལྷ་དག་གིས་བསྒྲིབས་ཏེ། ཇི་ལྟར་ཚེ་དང་ལྡན་པ་འོད་སྲུང་ཆེན་པོ་མ་
D6.011.0295a07.01