完整藏文原文 · 德格版页 当前仅加载第 11 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
ངེད་ཀྱི་གྲོང་གི་ཉེན་ཀོར་དུ་རྟེན་པ་ལས་འདས་པར་གྱུར་པས་བཅོམ་ལྡན་འདས་དེའི་སྐུ་གདུང་ཤ་རི་རམ་གྱི་སྐལ་བ་ངེད་ཀྱིས་སྦྱིན་པར་མི་བྱའོ། །གལ་ཏེ་བྱིན་ན་དེ་ལྟ་ན་ནི་ལེགས། ཇི་སྟེ་མ་བྱིན་པར་གྱུར་ན་དམག་གིས་དབྲོག་གོ། །གྲོང་ཁྱེར་རྩྭ་ཅན་གྱི་གྱད་རྣམས་ཀྱིས་དེ་བཞིན་དུ་བྱའོ་
D6.011.0297b01.01ཞེས་མཉན་ཏོ། །ཡུལ་རྟོག་པ་གཡོ་བ་ན་གནས་པའི་རྒྱལ་རིགས་བུ་ལུ་ཀ་དང་། གྲོང་ཁྱེར་སྒྲ་སྒྲོགས་ན་གནས་པའི་རྒྱལ་རིགས་ཀྲོད་ཊྱ་དང་། ཁྱབ་འཇུག་གླིང་ན་གནས་པའི་བྲམ་ཟེ་དང་། གྲོང་ཁྱེར་སེར་སྐྱ་ན་གནས་པའི་རྒྱལ་རིགས་ཤཱཀྱ་དང་། ཡུལ་
D6.011.0297b02.01ཡངས་པ་ཅན་ན་གནས་པའི་རྒྱལ་རིགས་ལིཙྪ་བཱི་རྣམས་ཀྱིས་ཀྱང་ཐོས། ཡུལ་མ་ག་དྷཱའི་རྒྱལ་པོ་ལུས་འཕགས་མའི་བུ་མ་སྐྱེས་དགྲས་ཀྱང་བཅོམ་ལྡན་འདས་ཡོངས་སུ་མྱ་ངན་ལས་འདས་ཏེ། ཡུལ་སྡིག་པ་ཅན་གྱི་གྱད་རྣམས་དང་། ཡུལ་རྟོག་པ་
D6.011.0297b03.01གཡོ་བའི་རྒྱལ་རིགས་བུ་ལུ་ཀ་དང་། གྲོང་ཁྱེར་སྒྲ་སྒྲོགས་ཀྱི་རྒྱལ་རིགས་ཀྲོད་ཊྱ་དང་། ཁྱབ་འཇུག་གླིང་གི་བྲམ་ཟེ་དང་། ཡུལ་སེར་སྐྱ་ན་གནས་པའི་རྒྱལ་རིགས་ཤཱཀྱ་དང་། ཡུལ་ཡངས་པ་ཅན་གྱི་རྒྱལ་རིགས་ལིཙྪ་བཱི་རྣམས་དཔུང་གི་ཚོགས་
D6.011.0297b04.01ཡན་ལག་བཞི་པ་གོ་བསྐོན་ཏེ། གྲོང་ཁྱེར་རྩྭ་ཅན་དུ་སྐུ་གདུང་ལ་མཆོད་པ་བྱེད་ཅིང་དེར་སྐུ་གདུང་གི་སྐལ་བ་ལེན་དུ་སོང་ངོ་ཞེས་ཐོས་སོ། །ཐོས་ནས་ཀྱང་ཡུལ་མ་ག་དྷཱའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་འདི་སྐད་ཅེས་སྨྲས་སོ། །དབྱར་བྱེད་
D6.011.0297b05.01ངས་ནི་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་སྡིག་པ་ཅན་གྱི་གྱད་རྣམས་དང་། ཡུལ་རྟོག་པ་གཡོ་བའི་རྒྱལ་རིགས་བུ་ལུ་ཀ་དང་། གྲོང་ཁྱེར་སྒྲ་སྒྲོགས་ཀྱི་རྒྱལ་རིགས་ཀྲོད་ཊྱ་དང་། ཁྱབ་འཇུག་གླིང་གི་བྲམ་ཟེ་དང་། ཡུལ་སེར་སྐྱ་ན་
D6.011.0297b06.01གནས་པའི་རྒྱལ་རིགས་ཤཱཀྱ་དང་། ཡུལ་ཡངས་པ་ཅན་གྱི་རྒྱལ་རིགས་ལིཙྪ་བཱི་རྣམས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། གྲོང་ཁྱེར་རྩྭ་ཅན་དུ་སྐུ་གདུང་ལ་མཆོད་པ་བྱེད་ཅིང་དེར་སྐུ་གདུང་གི་སྐལ་བ་ལེན་དུ་སོང་ངོ་ཞེས་ཐོས་ན། ཁྱོད་
D6.011.0297b07.01