完整藏文原文 · 德格版页 当前仅加载第 11 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་ཏེ། དེས་མཚན་{བཟངས་,བཟང་}མ་བསོད་སྙོམས་བྱིན་ཅིག་ཅེས་སྨྲས་པ་དང་། དེས་བདག་མི་དགའ་བས་གཟིར་བས་བསོད་སྙོམས་སྦྱིན་དུ་སུ་ཡང་མེད་ཀྱིས་བཞུད་ཅིག་ཅེས་སྨྲས་པ་དང་། དེས་སྨྲས་པ། མཚན་{བཟངས་,བཟང་}མ་ཤི་བའམ་ཅིག་མེད་དམ། དེས་
D6.011.0143a01.01འཕགས་མ་སུ་ཡང་མ་ཤི་མོད་ཀྱི་བདག་ལས་བུ་ཞིག་བྱུང་སྟེ། ཇི་ལྟར་དོར། གང་དུ་དོར་བ་བདག་གིས་མི་ཤེས་སོ་ཞེས་སྨྲས་པ་དང་། དེས་སྨྲས་པ། མཚན་{བཟངས་,བཟང་}མ་དེ་བདག་གིས་དོར་ན་བདག་ལ་བསོད་སྙོམས་སྦྱིན་ནམ། འཕགས་མ་གསོལ་ལོ། །ཕྱི་བཞིན་འབྲང་
D6.011.0143a02.01བའི་དགེ་སློང་མ་ལ་ཡང་སྦྱིན་ནམ་གསོལ་ལོ། །དགེ་སྐོས་ལ་ཡང་སྦྱིན་ནམ། གསོལ་ལོ། །ལེགས་ཀྱིས་དོར་རོ། །དེས་དེ་ལྷུང་བཟེད་ཆེན་པོར་བཅུག་སྟེ། ཁང་པ་སྟོང་པར་ཁྱེར་ནས་དེར་དོར་བ་ལ་ཞུགས་པ་དང་། ཁྱིམ་སྟོང་པ་དེར་སྔོན་སྐྱེས་པ་ཞིག་ཞུགས་པ་དེས་
D6.011.0143a03.01མཐོང་ནས་དེས་མགོ་རེག་དགེ་སྦྱོང་མ་ཅི་བྱེད་ཅེས་སྨྲས་པ་དང་། དེས་ཁྱེད་ཅག་ལྟ་བུ་ནལ་གྱི་བུ་དང་སུའི་བུ་གཏོལ་མེད་པས་རིགས་དང་ལྡན་པའི་བུད་མེད་འདི་འདྲ་བའི་ལས་བྱས་པ་དེ་འདོར་རོ་ཞེས་སྨྲས་པ་དང་། དེས་དེ་ལ་བརྒྱད་བཀག་སྟེ་སོང་ངོ་། །དེས་དགེ་སློང་མ་ཞིག་
D6.011.0143a04.01མཐོང་ནས་དགེ་སློང་མ་མི་སྲུན་པ་ཁྱོད་ཀྱི་སྦོམ་དགའ་མོས་འདི་དང་འདི་ལྟ་བུ་བྱས་སོ་ཞེས་སྨྲས་པ་དང་། དེ་ལན་མེད་ནས་ཅང་མི་ཟེར་བར་འདུག་གོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་ཕ་དག་ལ་སྨྲས་ཏེ། དགེ་སློང་དག་གིས་བཅོམ་ལྡན་འདས་ལ་གསོལ་
D6.011.0143a05.01ནས། །བཅོམ་ལྡན་འདས་ཀྱིས་དགོངས་པ། འདི་ལྟར་དགེ་སློང་མས་ལྷུང་བཟེད་ཆེན་པོ་འཆང་ན་ཉེས་པའི་དམིགས་ཡིན་ཏེ། དེ་ལྟ་བས་ན་དགེ་སློང་མ་དག་གིས་ལྷུང་བཟེད་ཆེན་པོ་མི་བཅང་བར་མཁྱེན་ནས་དགེ་སློང་དག་ལ་བཀའ་སྩལ་པ། དགེ་སློང་དག་དགེ་སྦྱོང་མ་མ་ཡིན་
D6.011.0143a06.01པའི་སྦོམ་དགའ་མོས་དགེ་སློང་མ་མ་ཡིན་པ་བྱས་ཏེ། དེ་ལྟ་བས་ན་དགེ་སློང་མས་འདི་འདྲ་བའི་ལས་མི་བྱ་སྟེ། ལྷུང་བཟེད་ཆེན་པོ་ཡང་མ་འཆང་ཤིག །དགེ་སློང་མས་དེ་འདྲ་བའི་ལས་བྱེད་དམ། ལྷུང་བཟེད་ཆེན་པོ་འཆང་ན་འདས་པ་དང་བཅས་པར་འགྱུར་རོ། །
D6.011.0143a07.01