完整藏文原文 · 德格版页 当前仅加载第 11 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་རྐང་པ་མེད་པ་དང་ཞེས་བྱ་བ་ནས། གང་སུ་ཡང་རུང་དེ་དག་གི་ནང་ན་འཕགས་པ་དགྱེས་པའི་ཚུལ་ཁྲིམས་མཆོག་ཏུ་གསུངས་པའི་བདེན་པ་དང་བདེན་པའི་ཚིག་དེས་དེ་ཡན་ལག་དང་ཉིང་ལག་སྔ་མཁོ་བཞིན་དུ་གྱུར་ཅིག་ཅེས་བྱ་བའི་བར་སྔ་མ་བཞིན་དུ་བྱས་པ་དང་།
D6.011.0045a01.01བདེན་པའི་ཚིག་གིས་དེའི་ཡན་ལག་དང་ཉིང་ལག་ཇི་ལྟར་སྔ་མ་བཞིན་དུ་གནས་པར་གྱུར་ནས་སྐྱེ་བོའི་ཚོགས་ཀྱིས་ངོ་མཚར་དུ་གྱུར་པའི་མིག་ཕྱེ་སྟེ། ཨ་ལ་ལ་འཕགས་པ་ཀུན་དགའ་བོས་མུ་སྟེགས་ཅན་ཕམ་པར་བྱས་སོ་ཞེས་སྒྲ་བོ་ཆེ་བཏོན་ཏོ། །དེ་ནས་ཚེ་དང་ལྡན་པ་ཀུན་དགའ་བོས་རྒྱལ་བུ་
D6.011.0045a02.01གཞོན་ནུ་ན་གུ་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་བཙུན་པ་རྒྱལ་བུ་གཞོན་ནུ་ན་གུ་དེ་ནི་འདི་
D6.011.0045a03.01ལགས་སོ་ཞེས་གསོལ་པ་དང་། དེ་ནས་རྒྱལ་བུ་གཞོན་ནུ་ན་གུས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །བཅོམ་ལྡན་འདས་ཀྱིས་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས་དེ་དང་འཚམ་པའི་ཆོས་
D6.011.0045a04.01བསྟན་པ་མཛད་དོ། །རྒྱལ་བུ་གཞོན་ནུ་ན་གུས་དེ་ཐོས་མ་ཐག་ཏུ་བདེན་པ་མངོན་པར་རྟོགས་ཏེ་ཕྱིར་མི་འོང་བའི་འབྲས་བུ་མངོན་དུ་བྱས་ཤིང་རྫུ་འཕྲུལ་ཡང་ཐོབ་པར་གྱུར་ཏོ། །ཀོ་ས་ལའི་རྒྱལ་པོ་གསལ་རྒྱལ་གྱིས་འཕགས་པ་ཀུན་དགའ་བོས་བདེན་པའི་ཚིག་ཇི་ལྟ་བ་བཞིན་དུ་བྱས་པས་རྒྱལ་
D6.011.0045a05.01བུ་གཞོན་ནུ་ན་གུའི་ཡན་ལག་དང་ཉིང་ལག་སྔ་མཁོ་བཞིན་དུ་གྱུར་ཏོ་ཞེས་ཐོས་སོ། །ཐོས་ནས་ཀྱང་རྒྱལ་བུ་གཞོན་ནུ་ན་གུ་གང་ན་བ་དེར་སོང་སྟེ་ཕྱིན་ནས། རྒྱལ་བུ་གཞོན་ནུ་ན་གུ་ལ་འདི་སྐད་ཅེས་སྨྲས་སོ། །གཞོན་ནུ་ཚུར་ཤོག་ཁྱིམ་དུ་འདོང་། དེས་སྨྲས་པ། ལྷ་བདག་ནི་བཅོམ་ལྡན་
D6.011.0045a06.01འདས་ལ་བསྙེན་བཀུར་འཚལ་ཞིང་འདི་ཉིད་དུ་མཆིས་སོ། །ལེགས་ཀྱིས་དེ་བཞིན་དུ་གྱིས་ཤིག་ཅེས་དེས་ཀུན་དགའི་ར་བའི་ནང་དེར་འཆགས་བྱས་སོ། །དེ་དེ་ན་འདུག་པ་ན་དེའི་ཡན་ལག་དང་ཉིང་ལག་དུམ་བུ་སླར་འབྱོར་པས་དེའི་མིང་དུམ་བུའི་ཀུན་དགའ་ར་བ་པ་དུམ་བུའི་ཀུན་དགའ་ར་བ་པ་
D6.011.0045a07.01