完整藏文原文 · 德格版页 当前仅加载第 11 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དེ་བསྲེགས་སོ། །གཞན་ཡང་གྲོང་ཁྱེར་གྱི་སྒོ་བཞིར་སྦྱིན་གཏོང་གི་ཁང་པ་བརྩིགས་ནས་གྲོང་ཁྱེར་དེ་ན་རྡོ་དང་། གསེག་མ་དང་། གྱོ་མོ་དག་སེལ་དུ་བཅུག་སྟེ། ཙན་དན་གྱི་ཆུས་ཆག་ཆག་བཏབ། དྲི་ཞིམ་པོའི་པོག་ཕོར་དག་ནི་བཞག །གདུགས་དང་རྒྱལ་མཚན་ནི་
D6.011.0285b01.01བསྒྲེང་། དར་གྱི་ལྡ་ལྡི་མང་པོ་ནི་བཏགས། ལྷ་རྣམས་ཀྱི་དགའ་ཚལ་གྱི་སྐྱེད་མོས་ཚལ་བཞིན་དུ་མེ་ཏོག་རྣམ་པ་སྣ་ཚོགས་ཀྱི་སིལ་མ་ཉམས་དགའ་བ་ནི་བཀྲམ་སྟེ། དུས་སྟོན་མ་ཡིན་པའི་མཆོད་སྟོན་བྱས་ནས་གྲོང་ཁྱེར་དུ་འདི་སྐད་དྲིལ་བསྒྲགས་པ། ཤེས་ལྡན་ཡུལ་བཱ་རཱ་ཎ་སཱི་ན་གནས་
D6.011.0285b02.01པའི་གྲོང་མི་རྣམས་དང་། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་དག་ཉོན་ཅིག །འདིར་ལྷའི་རྟ་ཅང་ཤེས་ཀྱི་ཕྱིར་གྲོང་ཁྱེར་གྱི་སྒོ་བཞིར་སྦྱིན་པ་གཏོང་ཞིང་དུས་སྟོན་མ་ཡིན་པའི་མཆོད་སྟོན་དང་བསོད་ནམས་བྱེད་ཀྱིས། དེའི་ཕྱིར་ཁྱེད་ཅག་རྣམས་ཀྱིས་གོས་སྣ་ཚོགས་དང་།
D6.011.0285b03.01རྒྱན་དང་། ཕྲེང་བ་དང་། འབྱོར་པ་མཆོག་གིས་ཆོས་ལ་བྱུང་ཤིག་ཅེས་བསྒོའོ། །དེ་ནས་གྲོང་མི་དག་དང་། ཡུལ་མི་དག་འོངས་ནས་དུས་སྟོན་མ་ཡིན་པའི་མཆོད་སྟོན་ཆེན་པོ་བྱས་ཏེ། གྲོང་ཁྱེར་གྱི་སྒོ་བཞིར་ཡང་འདོད་པ་སྣ་ཚོགས་ཀྱི་སྦྱིན་པ་དག་བྱིན་ནོ། །དགེ་སློང་དག་འདི་ཇི་སྙམ་
D6.011.0285b04.01དུ་སེམས། རྟ་ཅང་ཤེས་གང་ཡིན་པ་དེ་ནི་ང་ཉིད་ཡིན་ཏེ། །དེའི་ཚེ་དེའི་དུས་ན་ཡང་ང་གནད་རྣམས་ནི་ཆད། ཚིགས་རྣམས་ནི་བྱེ་བའི་ཚོར་བ་གནད་དུ་བབ་པ་བྱུང་བཞིན་དུ་དེའི་སྲོག་གི་སྐྱབས་སུ་བྱས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ལྔ་བཅུ་ལྔ་པ། དེ་
D6.011.0285b05.01ནས་ཡང་དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་རབ་བཟང་གིས་ལས་ཅི་ཞིག་བགྱིས་ན་དེས་ན་ཉན་ཐོས་རྣམས་ཀྱི་ཐ་མར་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ།
D6.011.0285b06.01དགེ་སློང་དག་དགེ་སློང་རབ་བཟང་ཉིད་ཀྱིས་ལས་བྱས་ཤིང་བསགས་པ་དང་། ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་མྱོང་བར་ངེས་པ་རབ་བཟང་གིས་ལས་བྱས་ཤིང་བསགས་པ་དག་ནི་གཞན་སུ་ཞིག་གིས་ཉམས་སུ་མྱོང་བར་འགྱུར། དགེ་
D6.011.0285b07.01