完整藏文原文 · 德格版页 当前仅加载第 11 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག། དགེ་སློང་མས་དབྱར་མོ་ཁང་གླར་བཏང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་སྦོམ་དགའ་མོས་བྱིས་པ་གཞོན་ནུ་དག་ལུས་འཁྲུ་བའི་ནང་དུ་ཞུགས་ཏེ། སོ་ཕག་གིས་ལུས་དྲུད་ཅིང་ཁྲུས་བྱས་པ་དང་།
D6.011.0172a01.01དེ་དག་ཆགས་པར་གྱུར་ཏེ་ཀུན་ཏུ་ལྟ་ཞིང་གཏམ་དུ་འཛེར་བ་ནི་ཀྱེ་ལྟོས་ཤིག །དགེ་སྦྱོང་མགོ་རེག་མ་ཕ་བི་གྱད་ཆེན་པོ་གོ་ཆར་བགོས་པ་དང་འདྲ་བ་ཞིག་ལུས་ཕ་གུས་ཕྱི་ཞིང་ཕྱིས་ནས་འཕྱི་ཞིང་འདུག་གོ། །དེ་དག་དེ་ལ་འཕྱ་བར་གྱུར་ཏོ། །དེ་འཕྱ་བ་དང་དེ་ལ་དེ་དག་རབ་ཏུ་དགོད་དེ། དེ་
D6.011.0172a02.01ལྟ་བུར་གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་བྱིས་པ་གཞོན་ནུ་དེ་དག་ནི་འཕྱ་བ་གནས་ཡིན་ཏེ། མི་རིགས་པའི་ལས་བྱས་པ་མཁྱེན་ནས་བཀའ་སྩལ་པ། དགེ་སློང་དག་སྦོམ་དགའ་མོས་མི་མཛེས་ཤིང་ལས་
D6.011.0172a03.01ངན་པ་བྱས་ཏེ་བྱིས་པ་གཞོན་ནུ་དེ་དག་འཕྱ་བའི་གནས་ཡིན་ཏེ། དེ་ལྟ་བས་ན་དགེ་སློང་མ་དག་ལུས་ཕ་གུས་མ་ཕྱི་ཤིག །དགེ་སློང་མ་དག་གིས་ལུས་ཕ་གུས་ཕྱིས་ན་འདས་པ་དང་བཅས་པར་འགྱུར་རོ།། །།མདོར་ན། ལུས་ལ་ཕ་གུས་ཕྱི་མི་བྱ། །རྡོ་ལེབ་དག་ཀྱང་དེ་བཞིན་ཏེ། །
D6.011.0172a04.01གོས་དཀྲིས་དང་ནི་ཁུ་ཚུར་གྱིས། །ཅི་དང་ཅིས་ཀྱང་མི་ཕྱིའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་མ་དག་ལུས་ཕ་གུས་མ་ཕྱི་ཤིག་ཅེས་བཀའ་སྩལ་པ་དང་། རྡོ་ལེབ་
D6.011.0172a05.01ཀྱིས་ཕྱིས་ཏེ་དེ་ཡང་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་རྡོ་ལེབ་ཀྱིས་མ་ཕྱི་ཤིག་ཅེས་བཀའ་སྩལ་པ་དང་། དེ་དག་གིས་གོས་དཀྲིས་པས་ཕྱིས་སོ། །དེ་ཡང་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་གོས་དཀྲིས་པས་མ་ཕྱི་ཤིག་ཅེས་
D6.011.0172a06.01བཀའ་སྩལ་པ་དང་། དེ་དག་ཁུ་ཚུར་གྱིས་ཕྱིས་ནས་དེ་ཡང་ཉེས་པའི་དམིགས་སུ་གྱུར་ཏེ། བཅོམ་ལྡན་འདས་ཀྱིས་ཁུ་ཚུར་གྱིས་མ་ཕྱི་ཤིག་ཅེས་བཀའ་སྩལ་པ་དང་། དེ་དག་གིས་ཅི་དང་ཅིས་ཀྱང་ཕྱིས་པ་དང་། དེ་ཡང་ཉེས་པའི་དམིགས་སུ་གྱུར་ནས། བཅོམ་ལྡན་
D6.011.0172a07.01