完整藏文原文 · 德格版页 当前仅加载第 11 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
མོ་ཁང་དུ་སོང་ནས་འཕྲེས་ཏེ་འདུག་གོ། །དེའི་མཁན་མོས་མཐོང་ནས་གཞོན་ནུ་མ་ཁྱོད་ཅི་ཞིག་ཉེས་ན་འཕྲེས་ཏེ་འདུག་ཅེས་སྨྲས་པ་དང་། དེས་མཁན་མོ་སློབ་དཔོན་གྱིས་སྤྱོས་ན་ཇི་ལྟར་བྱ་མི་ཤེས་སོ་ཞེས་སྨྲས་སོ། །བུ་དེ་ལ་གཞན་ཅི་ཞིག་བྱར་ཡོད། སློབ་དཔོན་དང་། མཁན་
D6.011.0170b01.01པོ་ནི་བསྟན་པ་གནས་པར་བྱ་བའི་ཕྱིར་སྦྱོར་བར་ཟད་ཀྱི་སོང་ལ་བཟོད་པ་གསོལ་ཅིག་ཅེས་སྨྲས་པ་དང་། དེས་ལེགས་ཀྱིས་དེ་ལྟར་བྱས་བཟོད་པ་གསོལ་དུ་འགྲོའོ་ཞེས་ཟེར་ཏེ་ཛེ་ཏའི་ཚལ་དུ་སོང་སྟེ་མི་སྣང་བ་དང་། དེས་དེ་བཙལ་ནས་ཇི་ཙམ་ཞིག་ན་དེ་གཙུག་ལག་ཁང་གི་ཕྱི་
D6.011.0170b02.01རོལ་གྱི་འཆག་ས་ན་འཆག་ཅིང་འདུག་པ་དང་། དེས་དེའི་རྐང་པ་ལ་ཕྱག་འཚལ་བ་དང་། དགེ་སློང་དེ་མ་གུས་པར་སོང་ངོ་། བྱིས་པ་དག་གིས་མཐོང་ནས་དེ་དག་ཉོན་མོངས་པའི་དབང་གིས་གཟིར་ཏེ། འཕགས་མ་ཁྱོད་ཀྱི་དོན་ཅིའི་ཕྱིར་ཁྱོད་ཀྱིས་བཟོད་པ་བྱ་བ་བདག་ཅག་ཤེས་ཏེ།
D6.011.0170b03.01དེས་ནི་མ་བཟོད་ན་ཚུར་ཤོག །བདག་ཅག་གིས་ཁྱོད་ཀྱིས་དོན་བསྒྲུབ་བོ་ཞེས་སྨྲས་པ་དང་། དེ་ངོ་ཚ་ནས་ཅང་མི་སྨྲ་བར་སོང་ངོ་། །དེ་ལྟ་བུར་གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། གང་ཉེས་
D6.011.0170b04.01པའི་དམིགས་སུ་གྱུར་པ་ནི་དགེ་སློང་མ་ལ་སྤྱོས་ནས་བཟོད་པ་གསོལ་ན་ཡང་རིམ་གྲོ་མི་བྱེད་པར་འགྲོ་སྟེ། བྱིས་པ་དག་གིས་ཀྱང་ཕྱི་ཕྱིར་མི་དགེ་བ་གཞན་དུ་རྟོག་གིས་དེ་ལྟ་བས་ན་དགེ་སློང་མས་དགེ་སློང་ཕ་ལ་གཙུག་ལག་ཁང་གི་ཕྱི་རོལ་དུ་བཟོད་པ་མ་གསོལ་ཞིང་དགེ་སློང་ཕས་དགེ་སློང་
D6.011.0170b05.01མ་ལ་མ་གུས་པ་བཞིན་དུ་འགྲོ་བར་མི་བྱ་བར་དགོངས་ཤིང་མཁྱེན་ནས་བཀའ་སྩལ་པ། དགེ་སློང་དག་བྱིས་པ་རྣམས་ཕྱི་ཕྱིར་མི་དགེ་བ་ལ་རྟོག་པར་འགྱུར་གྱིས་དེ་ལྟ་བས་ན་དགེ་སློང་མས་དགེ་སློང་ཁྲོས་པ་ལ་གཙུག་ལག་ཁང་གི་ཕྱི་རོལ་དུ་བཟོད་པ་མ་གསོལ་ཅིག །དེ་ལྟ་ཡང་
D6.011.0170b06.01དགེ་སློང་མས་དགེ་སློང་ཕ་ལ་བཟོད་པ་གསོལ་ནས་མ་གུས་པར་བྱས་ཏེ་མ་འགྲོ་ཤིག །དགེ་སློང་མས་དགེ་སློང་ཕ་ལ་གཙུག་ལག་ཁང་གི་ཕྱི་རོལ་དུ་གསོལ་ལམ། དགེ་སློང་མས་དགེ་སློང་ལ་བཟོད་པ་གསོལ་བ་ལ་མ་གུས་པར་སོང་ན་གཉིས་ཀ་ལ་ཡང་འདས་པ་དང་བཅས་པར་
D6.011.0170b07.01