完整藏文原文 · 德格版页 当前仅加载第 11 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་བརྒྱ་ལྷག་ཙམ་འཁོར་གྱི་ཁྱམས་སུ་ལྷགས་སོ། །དེ་ནས་མདུན་ན་འདོན་གྱི་བུ་དེས་དེ་དག་ཐམས་ཅད་རིག་སྔགས་ཀྱི་ཞགས་པས་བཅིངས་པ་དང་། གསོས་པས་ཀྱང་དེ་རྣམས་ཁ་བཏག་གོ། །རྒྱལ་པོས་འཕགས་རྒྱལ་ན་གནས་པའི་བྲམ་ཟེ་རྣམས་བོས་ནས་ཤེས་
D6.011.0010a01.01ལྡན་དག་གིས་ཕྲ་མེན་མ་འདི་སྙེད་ཅིག་བསད་པས་བསོད་ནམས་མ་ཡིན་པ་མང་པོ་བསྐྱེད་ཀྱིས། ཁྱོད་ཀྱིས་བདག་འཁོར་བའི་དགོན་པ་དེ་ལས་དབྱུང་བའི་ཕྱིར་ཉིན་གཅིག་བཞིན་འཁོར་གྱི་ཁྱམས་སུ་འདུ་ཞིང་ཟན་ཟོ་ཤིག་ཅེས་བསྒོ་བ་དང་། དེ་རྣམས་ཀྱིས་ཤིས་པ་བརྗོད་པ་བྱས་ནས་
D6.011.0010a02.01ཁས་བླངས་སོ། །རྒྱལ་པོ་རབ་སྣང་གིས་སྒོ་བ་ལ་བསྒོ་བ། ཀྱེ་སྐྱེས་བུ་བྲམ་ཟེ་ཇི་སྙེད་ཅིག་འཁོར་གྱི་ཁྱམས་སུ་ཟན་ཟོས་ནས་འགྲོ་བ་དེ་དག་ཐམས་ཅད་ཁྱོད་ཀྱིས་ལེགས་པར་གྲོངས་ཏེ་ང་ལ་སྙོད་ཅིག །དེས་སྨྲས་པ། ལྷ་དེ་ལྟར་བགྱི་སྟེ་གསོལ་བར་འཚལ་ལོ། །རྒྱལ་པོས་
D6.011.0010a03.01བློན་པོ་རྣམས་ལ་ཡང་བསྒོ་བ་ཤེས་ལྡན་དག་འཕགས་རྒྱལ་ན་གནས་པའི་བྲམ་ཟེ་ཇི་སྙེད་ཅིག་འཁོར་གྱི་ཁྱམས་སུ་ཟན་ཟ་བ་ཐམས་ཅད་ལ་ཁ་ཟས་བསོད་པ་ཕལ་ཆེར་བྱིན་ཅིག །བྲམ་ཟེ་རྣམས་ནི་ཕལ་ཆེར་ལྟོ་མདུན་ཅན་ཡིན་པས་རྒྱལ་པོ་དེས་དེ་ལྟར་བྱེད་དུ་བཅུག་གོ་ཞེས་ཐོས་ནས་
D6.011.0010a04.01ཐམས་ཅད་ལྷགས་ནས་ཟན་བཟའ་བར་བརྩམས་སོ། །དེ་རྣམས་ཟན་ཟོས་ནས་འཁོར་གྱི་ཁྱམས་ནས་ཕྱིར་བྱུང་བ་དང་། སྒོ་བས་བགྲངས་ན་ལྷག་ཆད་མེད་པར་བྲམ་ཟེ་བརྒྱད་ཁྲི་བྱུང་སྟེ། དེས་རྒྱལ་པོ་ལ་ལྷ་ལྷག་ཆད་མ་མཆིས་པར་བྲམ་ཟེ་བརྒྱད་ཁྲི་མཆིས་སོ་ཞེས་གསོལ་ཏོ། །
D6.011.0010a05.01རྒྱལ་པོས་གང་གིས་ན་འདི་རྣམས་དུས་གཅིག་ཏུ་མགོ་བཅད་པའི་ཐབས་དེ་གང་ཡིན་སྙམ་དུ་བསམས་ནས་དེས་ཞོ་ཤས་འཚོ་བ་རྣམས་ལ་བསྒོ་བ། བྲམ་ཟེ་ཟན་ཟ་བ་རེ་རེའི་རྒྱབ་ཏུ་གཤེད་མ་མི་རལ་གྲི་ཐོགས་པ་རེ་རེ་ཞོག་ལ། གང་གི་ཚེ་ངས་ཞོ་འོན་ཅིག་ཅེས་སྨྲས་པ་དེའི་ཚེ་ཐམས་ཅད་
D6.011.0010a06.01ཀྱི་མགོ་ཆོད་ཅིག །རྒྱལ་པོ་གཏུམ་པོ་རབ་སྣང་གིས་དེ་ལྟར་བྱས་པ་དང་། འཕགས་རྒྱལ་ན་གནས་པའི་བྲམ་ཟེ་རྣམས་ལས་འཆི་བདག་གི་ཞགས་པས་ཟིན་པ་བརྒྱད་ཁྲི་ཐམ་པ་འཁོར་གྱི་ཁྱམས་སུ་འདུས་པ་དེ་དག་སྦྱོར་བ་དེས་ཅིག་ཅར་མགོ་བཅད་དོ། །དེ་ན་འཕགས་རྒྱལ་ན་གནས་པའི་
D6.011.0010a07.01