完整藏文原文 · 德格版页 当前仅加载第 11 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་བཀའ་སྩལ་པ། ལག་པ་གཅིག་པུ་མ་གཏོགས་པར་གཞན་ཅི་དང་ཅིས་ཀྱང་རུང་སྟེ། མ་ཕྱི་ཤིག་འཕྱི་ན་འདས་པ་དང་བཅས་པར་འགྱུར་རོ། །འདུལ་བ་ཕྲ་མོའི་དངོས་པོའི་སྒོ་བདུན་པ་རྫོགས་སོ།། །།བསྡུས་པའི་མདོ་སྡེ། དགེ་སློང་མ་ཡི་
D6.011.0172b01.01བཀུར་སྟི་བྲི། །བསྒོ་བ་དང་ནི་ལྕགས་ཀྱི་སྣོད། །བུད་མེད་གཉིས་ཀྱིས་བལྟ་བ་དང་། །དེ་བཞིན་ནག་པོ་ཨུ་དི་ཀ།། །།མདོར་ན། བསྟི་སྟང་མེད་དང་ཀུན་མ་ཡིན། །ལུས་བསྟན་པ་ནི་མ་གཏོགས་སོ། །བཀྱིགས་པ་ལས་ཀྱང་མི་སྦྱིན་པ། །གསོ་སྦྱོང་དང་ནི་ཚུལ་ནས་བྱུང་། །སངས་
D6.011.0172b02.01རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་གྲེ་ལས་སྐྱེས་དུས་ལས་འདས་པ་དེའི་ཚེ་དགེ་སློང་མ་བཅུ་གཉིས་སྡེས་དེའི་རུས་པ་རྣམས་བསྡུས་ནས་བཀུར་སྟི་ཆེན་པོས་ས་ཕྱོགས་ཡངས་པར་མཆོད་རྟེན་བརྩིགས་ཏེ།
D6.011.0172b03.01དེ་ལ་གདུགས་དང་། རྒྱལ་མཚན་དང་། བ་དན་དག་ཀྱང་བཏགས། དྲི་དང་མེ་ཏོག་གིས་བརྒྱན་ཏེ་སྙན་པར་སྨྲ་བའི་དགེ་སློང་མ་གཉིས་ཀྱང་བསྐོས་ནས་དེར་ཉིན་གཅིག་བཞིན་དུ་ས་དང་། ཆུ་དང་། བདུག་པ་དང་། མེ་ཏོག་དག་འཇོག་པར་བྱེད་དོ། །དེ་ནས་དགེ་སློང་གང་དག་
D6.011.0172b04.01ཡུལ་གཞན་ནས་འོངས་པ་དེ་དག་ལ་ལག་པ་བཀྲུ་བ་བྱིན་ཏེ། མེ་ཏོག་དང་། བདུག་པ་དང་། ཚིགས་སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་འཚལ་བར་བྱེད་དོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་ཆུ་འཐུང་འཁོར་ལྔ་བརྒྱ་དང་ལྗོངས་རྒྱུ་ཞིང་མཉན་ཡོད་དུ་ཕྱིན་ཏོ། །
D6.011.0172b05.01དགྲ་བཅོམ་པ་རྣམས་ནི་མ་དགོངས་པར་ཡེ་ཤེས་མཐོང་བ་མི་འཇུག་པས་དེས་མཆོད་རྟེན་དེ་རྒྱང་རིང་པོ་ནས་མཐོང་བ་དང་། འདི་ནི་བཅོམ་ལྡན་འདས་ཀྱི་སྐྲ་དང་། སེན་མོའི་མཆོད་རྟེན་སར་པ་ཡིན་པས་སོང་ལ་ཕྱག་བྱའོ་སྙམ་དུ་བསམས་ཏེ། དེ་དག་དེར་སོང་བ་དང་། དགེ་
D6.011.0172b06.01སློང་མ་དེ་གཉིས་ཀྱིས་དེ་དག་ལ་ལག་པ་དང་། རྐང་པ་བཀྲུས་པའི་ས་དང་ཆུ་དག་བྱིན་ནོ། །དེ་ནས་མེ་ཏོག་དང་། བདུག་པ་བྱིན་པ་དང་། ཚིགས་སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་བྱས་སོ། །དེ་ལ་འཁོར་ལྔ་བརྒྱ་དང་ཕྱག་བྱས་ནས་སོང་ངོ་། །མཆོད་
D6.011.0172b07.01