完整藏文原文 · 德格版页 当前仅加载第 11 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཀྱང་བསད་ནས་རྒྱལ་པོ་ལ་སྨན་ཆེན་པོས་གསོལ་པ། འདི་ལྟར་བདག་ཉིད་དངོས་དེར་མཆིས་ལ་ཐོབ་བམ་མི་ཐོབ་བརྟག་པར་བགྱིའོ། །ཞེས་སྨྲས་སོ། །གང་གི་ཕྱིར་དེ་དེར་བདག་ཉིད་ཀྱི་དཔུང་དང་བཅས་ནས་ལྔ་ལེན་གྱི་རྒྱལ་པོའི་ཡུལ་དུ་སོང་བ་དང་། ལྔ་ལེན་གྱི་རྒྱལ་པོས་
D6.011.0079b01.01གྲོང་ཁྱེར་གྱི་ནང་དུ་ཤོག་ཤིག་ཅེས་སྨྲས་སོ། །དེས་སྨྲས་པ། སྐྱེད་མོས་ཚལ་འདི་ཉིད་དུ་མཆིས་སོ། །ཇི་སྟེ་ཡང་བདག་ངེས་པར་ནང་དུ་མཆི་ན། བློན་པོ་ཆེ་གེ་མོ་ཞིག་གི་ཁྱིམ་དུ་མཆི་བར་འཚལ་ལོ། །དེ་ནས་ལྔ་ལེན་གྱི་རྒྱལ་པོ་བག་ཚ་སྟེ། ཅིའི་ཕྱིར་འདི་འདི་སྐད་དུ་སྨྲ།
D6.011.0079b02.01རེ་ཞིག་གཞན་ཡང་བདག་དང་བློན་པོ་དག་དབྱེན་བྱེད་དོ་སྙམ་སྟེ། དེ་ལྟར་དགའ་ན་དེ་ཉིད་དུ་འདུག་ཤིག་ཅེས་སྤྲིང་ངོ་། །དེའི་བློན་པོ་རྣམས་ཀྱིས་འདི་ལ་བགྲོས་པ། བདག་ཅག་གི་ཕ་ཆུད་གསན་པར་བྱས་པ་དེ་ཐམས་ཅད་ནི་སྨན་ཆེན་པོ་འདི་ཡིན་པས་བདག་ཅག་གིས་སྔོན་གྱི་ཤ་ཁོན་
D6.011.0079b03.01རྗེས་སུ་དྲན་པར་བྱས་ཏེ། རྒྱལ་པོ་ལ་དེ་བཞིན་དུ་གལ་གྱིས་བཅུས་ལ་དེ་ལྟར་འདི་ཕྱིར་མི་འགྲོ་བར་བྱའོ་ཞེས་འདུས་ནས་རྒྱལ་པོ་ལ་དེ་དག་གིས་སྨྲས་པ། རྒྱལ་པོ་སྐྱེད་པ་གང་ལ་བློའི་དཔྱོད་ཚུལ་འདི་ལྟ་བུ་དེ་ནི་སྨན་ཆེན་དེའི་ལགས་སོ། །དེ་ལ་རྒྱལ་པོ་སྐྱེད་པ་ནི་ཕ་རོལ་
D6.011.0079b04.01ལ་གནོད་པ་བགྱིད་མི་ནུས་ཏེ། དེ་ལྟར་ན་དེ་འདི་ཉིད་ན་མཆིས་པའི་ཚེ་བདག་ཅག་གིས་གཞན་ནས་རྒྱལ་པོ་སྐྱེད་པའི་དྲུང་དུ་མཆིའོ། །དེས་སྨྲས་པ། ལེགས་པར་སྨྲས་སོ། །དེ་ནས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། གླང་པོ་ཆེའི་ཚོགས་དང་། རྟ་པའི་
D6.011.0079b05.01ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་དག་རྒྱལ་པོའི་ཕོ་བྲང་གང་ན་བ་དེར་སོང་ངོ་། །རྒྱལ་པོ་སྐྱེད་པ་འདིས་ཀྱང་སྟ་གོན་བྱས་སོ། །སྨན་ཆེན་པོས་ཀྱང་ལྔ་ལེན་གྱི་རྒྱལ་པོ་ལམ་ཆེ་གེ་མོ་ཞིག་ནས་རྒྱལ་པོ་སྐྱེད་པའི་ཡུལ་དུ་སོང་བར་ཤེས་སོ། །དེས་ཀྱང་
D6.011.0079b06.01དེར་ཅུང་ཟད་ཞིག་འདུག་ནས་ཕྱོགས་ཆེ་གེ་མོ་ཞིག་ན་རྒྱལ་པོའི་མཛོད་ཡོད་དེ། མཛོད་དེ་ན་རྒྱལ་པོའི་བུ་མོ་སྨན་ལྡན་མ་ཞེས་བྱ་བ་འདུག་པར་ཤེས་སོ། །དེ་ནས་དེས་ནང་འཁོར་མ་ཞིག་ཁྲིད་དེ་འཁོར་བཞག་ནས་ཇི་ཙམ་ན་རྒྱལ་པོའི་མཛོད་དུ་ཞུགས་ཏེ་མཛོད་ཕྱེ་ནས་བུ་མོ་དང་། འབྱོར་
D6.011.0079b07.01