完整藏文原文 · 德格版页 当前仅加载第 11 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དགེ་སློང་མ་གཉིས་གཏང་བར་བྱའོ། །དེ་དག་གིས་ཟླ་བ་ཕྱེད་ཅིང་སོང་ལ་ཡོངས་སུ་དག་པ་བརྗོད་པར་བྱའོ། །བཅོམ་ལྡན་འདས་ཀྱིས་གསོ་སྦྱོང་ལེན་པའི་དགེ་སློང་མ་གཉིས་གཏང་བར་བྱའོ་ཞེས་བཀའ་སྩལ་པ་དང་། དགེ་སློང་མ་སྤོབས་པ་མེད་པ་དག་བཏང་སྟེ། དེ་
D6.011.0178a01.01དག་བག་ཁུམས་ནས་ཡོངས་སུ་དག་པ་བརྗོད་མ་ནུས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ་སྤོབས་པ་ཅན་ལ་གསོལ་བ་གདབ་པར་བྱའོ། །སྤོབས་པ་ཅན་གཉིས་མེད་ནས། བཅོམ་ལྡན་འདས་
D6.011.0178a02.01ཀྱིས་བཀའ་སྩལ་པ། སྤོབས་པ་ཅན་གཅིག་ལ་གསོལ་བ་གདབ་པར་བྱའོ། །དེ་དག་གཙུག་ལག་ཁང་དུ་འོངས་པར་གྱུར་པ་དང་། དགེ་སློང་གི་དགེ་འདུན་མང་པོ་གང་ལ་བརྗོད་པ་དེ་དག་གིས་མ་ཤེས་ནས། དེ་དག་དེ་ཉིད་ནས་ལོག་སྟེ་དགེ་སློང་མའི་དགེ་འདུན་གྱིས་གསོ་
D6.011.0178a03.01སྦྱོང་མ་བྱས་པའི་སྐབས་དེ་དགེ་སློང་རྣམས་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཅིག་ལ་གསོལ་བ་གདབ་པར་བྱ་སྟེ། གན་དུ་འོངས་ནས་དེ་ལ་བརྗོད་པར་བྱའོ། །དགེ་སློང་དག་གིས་དགེ་
D6.011.0178a04.01སློང་གཅིག་ལ་གསོལ་བ་བཏབ་པ་དེ་དག་གིས་དེ་མ་ཤེས་ཏེ། དེ་བཞིན་དུ་ཉེས་དམིགས་སུ་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གང་ལ་གསོལ་བ་བཏབ་པར་གྱུར་པ་དེས་ནན་ཏན་གྱིས་སྒོ་ཁང་དུ་འདུག་པར་བྱའོ། །དེ་དག་གིས་སོང་སྟེ། དེ་
D6.011.0178a05.01ལ་བརྗོད་པར་བྱའོ། །དེས་ཀྱང་དགེ་སློང་གི་དགེ་འདུན་ལ་བརྗོད་པར་བྱའོ། །དགེ་སློང་གི་དགེ་འདུན་གྱིས་ཀྱང་སྟོན་པའི་དགེ་སློང་གསོལ་བ་དང་གཉིས་ཀྱི་ལས་ཀྱིས་བསྐོ་བར་བྱའོ། །དེས་ཀྱང་དགེ་སློང་མ་རྣམས་ལ་གདམས་ངག་སྦྱིན་པར་བྱའོ།། །།སྡོམ་ནི། མི་
D6.011.0178a06.01འབྲོས་པར་ནི་བསྒོ་བ་དང་། མིང་རུས་དག་ནི་དྲི་བ་དང་། །ཞྭ་དང་ལྷུང་བཟེད་ཁ་གཡོགས་དང་། །ཕྲེང་བ་རྒྱུད་པ་དགེ་སློང་མའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་
D6.011.0178a07.01