完整藏文原文 · 德格版页 当前仅加载第 11 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་བཙུན་པ་བཅོམ་ལྡན་འདས་ཀྱིས་ད་ལྟར་དུས་ལ་བབ་པར་དགོངས་ན།
D6.011.0251a01.01དགེ་སློང་ཙ་པ་ལའི་མཆོད་རྟེན་ན་ཇི་སྙེད་གནས་ཤིང་འཁོད་པ་དེ་ཐམས་ཅད་བཀད་སར་འདུས་ཤིང་མཆིས་སོ་ཞེས་གསོལ་པ་དང་། དེ་ནས་བཅོམ་ལྡན་འདས་བཀད་ས་ག་ལ་བ་དེར་གཤེགས་ཏེ་དགེ་སློང་གི་དགེ་འདུན་གྱི་མདུན་ན་གདན་བཏིང་བ་དེ་ལ་བཞུགས་སོ། །བཞུགས་ནས་བཅོམ་
D6.011.0251a02.01ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདུས་བྱས་ཐམས་ཅད་ནི་མི་རྟག་པའོ། །ཡིད་མི་བརྟན་པའོ། །འགྱུར་བའི་ཆོས་ཅན་ཏེ། དགེ་སློང་དག་འདུས་བྱས་ཐམས་ཅད་ལ་སྐྱོ་བར་བྱ་བའི་རིགས། ཡིད་འབྱུང་བར་བྱ། རྣམ་པར་ཐར་པའི་རིགས་སོ། །
D6.011.0251a03.01དེ་ལྟ་བས་ན་དགེ་སློང་དག་ཆོས་གང་ད་ལྟར་གྱི་ཚེ་ལ་ཕན་པ་དང་། ད་ལྟར་གྱི་ཚེ་ལ་བདེ་བ་དང་། ཚེ་ཕྱི་མ་ལ་ཡང་ཕན་པ་དང་། ཚེ་ཕྱི་མ་ལ་ཡང་བདེ་བར་འགྱུར་བ་དེ་ལྟ་བུ་དགེ་སློང་དག་གིས་བཟུང་བ་དང་། ཡོངས་སུ་རྫོགས་པ་དང་། དེ་ལྟ་དེ་ལྟ་བུར་གཟུང་བར་བྱ། ལེན་དུ་གཞུག་
D6.011.0251a04.01པར་བྱ། བཀླག་པར་བྱའོ། །ཇི་ལྟར་ཚངས་པར་སྤྱོད་པ་དེ་འདིར་ཡུན་རིང་དུ་གནས་ཤིང་ལྷ་དང་མིའི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་རྗེས་སུ་བརྩེ་བ་དང་། དོན་དུ་འགྱུར་བ་དང་། ཕན་པ་དང་། བདེ་བའི་ཕྱིར་བྱའོ། །དགེ་སློང་
D6.011.0251a05.01དག་ད་ལྟར་གྱི་ཚེ་ལ་ཕན་པ་དང་། ད་ལྟར་གྱི་ཚེ་ལ་བདེ་བ་དང་། ཚེ་ཕྱི་མ་ལ་ཕན་པ་དང་། ཚེ་ཕྱི་མ་ལ་བདེ་བར་འགྱུར་བའི་ཆོས་དེ་གང་ཞེ་ན། གང་དགེ་སློང་དག་བཟུང་ཞིང་ཀུན་ཆུབ་པར་བྱས་ནས་དེ་ལྟ་དེ་ལྟར་གཟུང་བར་བྱ། ལེན་དུ་འཇུག །ཀློག་པར་བྱེད་ཅིང་གང་ཚངས་པར་
D6.011.0251a06.01སྤྱོད་པ་འདི་ཡུན་རིང་པོར་གནས་པར་འགྱུར་ཞིང་ལྷ་དང་མིའི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་རྗེས་སུ་བརྩེ་བར་འགྱུར་བར་བྱའོ། །འདི་ལྟ་སྟེ། དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་
D6.011.0251a07.01