完整藏文原文 · 德格版页 当前仅加载第 11 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
ཁུང་བུ་བྲུས་ནས་བྱུང་ངོ་། །དེས་སྡུག་བསྔལ་རྣམ་པ་དུ་མར་བརྟགས་པས་རླུང་རབ་ཏུ་ལངས་ཤིང་ཁ་ཟས་མེད་པའི་རྐྱེན་གྱིས་སྨྱོན་མར་གྱུར་ནས་དེས་སྨད་གཡོགས་བོར་ཏེ་ལག་པ་དང་རྐང་པ་གས་ཤིང་རྩུབ་སྐྲ་རིང་ཞིང་སྐྱ་མོ་བསིང་བསིང་མོར་གྱུར་ཏེ། ཕན་ཚུན་འཁྱམ་འཁྱམ་པ་ལས་མཉན་དུ་ཡོད་པར་
D6.011.0129b01.01ཕྱིན་ཏོ། །བཅོམ་ལྡན་འདས་ཀྱིས་གསུངས་པ། སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ནི་བསམ་གྱིས་མི་ཁྱབ་པོ། །དེས་སྔོན་བྱས་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མྱོང་བར་གྱུར་ནས་སྔོན་གྱི་ལས་ཀྱིས་ཛེ་ཏའི་ཚལ་དུ་ཕྱིན་ཏོ། །དེའི་ཚེ་བཅོམ་ལྡན་འདས་ཀྱིས་དགེ་
D6.011.0129b02.01སློང་བརྒྱ་སྟོང་དུ་མའི་མདུན་དུ་ཆོས་འཆད་ཅིང་བཞུགས་པ་སྐེམ་མོ་གཽ་ཏ་མཱིའི་རྒྱང་མ་ནས་སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ནི་ཡང་དག་པར་བརྒྱན། དཔེ་བྱད་བཟང་པོ་བརྒྱད་བཅུས་ནི་སྐུ་ལ་རྣམ་པར་སྤྲས། འོད་ཀྱི་དཀྱིལ་འཁོར་ཉི་མ་སྟོང་ལས་
D6.011.0129b03.01འདས་པའི་འོད་འདོམ་གང་བ་རིན་པོ་ཆེའི་རི་འགྲོ་བ་བཞིན་པ་ཁོ་ར་ཁོར་ཡུག་ནས་བཟང་བ་མཐོང་ངོ་། །མཐོང་ནས་ཀྱང་བདག་གི་སེམས་དྲན་པ་སླར་ཐོབ་སྟེ་དེ་ངོ་ཚ་བའི་ཚུལ་དུ་གྱུར་ནས་ཕྱོགས་གཅིག་ཏུ་ཙོག་པུར་འདུག་གོ། །དེའི་བར་དུ་ཡང་སངས་རྒྱས་བཅོམ་ལྡན་འདས་ཀྱིས་མི་མཁྱེན་པའམ།
D6.011.0129b04.01མི་གཟིགས་པའམ། མི་རིག་པའམ། རྣམ་པར་མི་རིག་པ་ཅུང་ཟད་ཀྱང་མེད་དེ། སངས་རྒྱས་བཅོམ་ལྡན་འདས་ནི་ཆོས་ཉིད་ཀྱིས་ཐུགས་རྗེ་ཆེན་པོ་འཇིག་རྟེན་ལ་ཕན་འདོགས་པར་གྱུར་པ། སྲུང་བ་གཅིག་པུ་དཔའ་བོ་གཅིག་པ། གཉིས་སུ་མེད་པ་གཉིས་སུ་མི་སྨྲ་བ། ཞི་གནས་
D6.011.0129b05.01དང་། །ལྷག་མཐོང་ལ་གནས་པ། དུལ་བའི་དངོས་པོ་གསུམ་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞིའི་མཐིལ་རབ་ཏུ་བརྟན་པ། མི་འཇིགས་པ་བཞིས་བསྙེངས་པ་མེད་པ། ཡན་ལག་ལྔ་རྣམ་པར་སྤངས་པ། འགྲོ་བ་ལྔ་ལས་ཡང་དག་པར་འདས་པ།
D6.011.0129b06.01ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། གནས་དྲུག་ལ་རྟག་ཏུ་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་བརྒྱན་པ། ལམ་གྱི་ཡན་ལག་བརྒྱད་འཆང་བ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་
D6.011.0129b07.01