完整藏文原文 · 德格版页 当前仅加载第 11 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
ཟེའི་ཁྱེའུ་མ་སྡུག་ལ་བྲན་མོའི་ཁྱེའུ་ཞེས་ཧ་ཅང་ཚིག་ཏུ་མ་སྨྲ་ཤིག །དེ་ཅིའི་ཕྱིར་ཞེ་ན། འདི་དེའི་ཚེ་དྲང་སྲོང་རྫུ་འཕྲུལ་ཆེ་བ། མཐུ་ཆེ་བ་ཞིག་ཏུ་གྱུར་པ་ལས་རྒྱལ་པོ་བུ་རམ་ཤིང་སྐྱེས་ཀྱིས་ཉེས་པ་འགའ་ཁོ་ནའི་ཕྱིར་བྲམ་ཟེའི་ཆད་པས་བཅད་དོ། །བྲམ་ཟེའི་ཆད་པས་བཅད་པ་དང་། དེ་ཕྱིས་
D6.011.0203b01.01རྒྱལ་པོ་བུ་རམ་ཤིང་སྐྱེས་འཇིགས་སྐྲག་བྱེད་སྤུ་ཟིང་ཞེས་བྱེད་ནས་ལག་པ་གཡོན་པས་བུ་མོ་ཆེན་མོ་རྒྱན་ཐམས་ཅད་ཀྱིས་བརྒྱན་པ་བཟུང་ལག་པ་གཡས་པས་གསེར་གྱི་བྱ་མ་བུམ་ཐོགས་ཏེ་དྲང་སྲོང་དེ་ལ་ཆུང་མར་བྱིན་ན་དྲང་སྲོང་གིས་དེ་མ་བླངས་སོ། །དེ་ནས་བཅོམ་ལྡན་འདས་ཀྱིས་བྲམ་
D6.011.0203b02.01ཟེའི་ཁྱེའུ་མ་སྡུག་ལ་བྲན་མོའི་བུ་ཡིན་ནོ་ཞེས་བཀའ་སྩལ་པས་ཞུམ་ཞུམ་པོར་གྱུར་ནས་ཕྲག་པ་བཅུམ། མགོ་སྨད་དེ་སྤོབས་པ་མེད་ཅིང་གཏད་ཁོང་དུ་ཆུད་ནས་ཅང་མི་སྨྲ་བར་འདུག་གོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ་བྲམ་ཟེའི་ཁྱེའུ་མ་སྡུག་འདི་བྲན་མོའི་བུ་ཡིན་ནོ་ཞེས་ངས་ཚིག་
D6.011.0203b03.01ཏུ་སྨྲས་པས་ཞུམ་ཞུམ་པོར་གྱུར་ཏེ། ཕྲག་པ་བཅུམ་ནས་མགོ་སྨད་དེ་སྤོབས་པ་མེད་ཅིང་གཏད་ཁོང་དུ་ཆུད་ནས་མི་སྨྲ་བར་གྱུར་གྱིས་མ་ལངས་འདི་ལ་ཕྱིས་གཏམ་འདྲེ་བར་བྱའོ་སྙམ་དུ་དགོངས་ནས། བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ་དཔེར་ན་རྒྱལ་
D6.011.0203b04.01རིགས་གཞོན་ནུ་དང་། བྲམ་ཟེའི་བུ་མོར་ལྷན་ཅིག་འདུས་པར་གྱུར་ཏེ། དེ་གཉིས་ལྷན་ཅིག་འདུས་པ་ལས་ཁྱེའུ་ཞིག་བཙས་ན་དེ་བྲམ་ཟེ་རྣམས་ལས་སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གཽ་ཏ་མ་འཐོབ་ལགས་སོ། །དེ་ལ་རྒྱལ་རིགས་རྣམས་
D6.011.0203b05.01ཀྱིས་རྒྱལ་རིགས་ཀྱི་དབང་བསྐུར་བས་དབང་སྐུར་རམ། ཀྱེ་གཽ་ཏ་མ་དབང་སྐུར་ལགས་ཏེ། དེ་ཅིའི་སླད་དུ་ཞེ་ན། སྤུན་གྱི་བུ་ལགས་པས་རྒྱལ་རིགས་རྣམས་ཀྱིས་ཚ་བོ་དབང་སྐུར་ལགས་སོ། །བྲམ་ཟེའི་ཁྱེའུ་དཔེར་ན་བྲམ་ཟེ་གཞོན་ནུ་དང་རྒྱལ་རིགས་ཀྱི་བུ་མོར་ལྷན་ཅིག་འདུས་
D6.011.0203b06.01པར་གྱུར་ལ། དེ་གཉིས་ལྷན་ཅིག་འདུས་པ་ལས་བུ་ཁྱེའུ་ཞིག་བཙས་ན། དེ་བྲམ་ཟེ་རྣམས་ལས་སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གཽ་ཏ་མ་འཐོབ་ལགས་སོ། །དེ་ལ་རྒྱལ་རིགས་ཀྱིས་དབང་བསྐུར་བས་དབང་སྐུར་རམ། ཀྱེ་གཽ་ཏ་མ་དབང་
D6.011.0203b07.01