完整藏文原文 · 德格版页 当前仅加载第 11 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོས་དགེ་སློང་ལྔ་བརྒྱ་པོ་དེ་དག་ལ་ཁྲིམས་སུ་བཅས་ནས་སྨྲས་པ། ཚེ་དང་ལྡན་པ་དག་བདག་ཇི་སྐད་སྨྲ་བ་གསོན་ཅིག །ཇི་ལྟར་བདག་ཅག་གིས་ཆོས་ཀྱི་ཚུལ་ཇི་ལྟ་བ་བཞིན་བཤད་དང་། དེ་བཞིན་གཤེགས་པ་དང་རྣམ་པར་བྲལ་བའི་སྡུག་བསྔལ་ཅན་གྱི་
D6.011.0304a01.01དགེ་སློང་ཕྱོགས་དང་ལྗོངས་གང་དང་གང་ན་གནས་པ་དེ་དང་དེ་དག་གིས་ཐོས་ནས་འདིར་འོངས་ཏེ། དེ་དག་གིས་བདག་གི་སེམས་གཡེང་བར་བྱེད་མོད་ཀྱི། འོན་ཀྱང་བཅོམ་ལྡན་འདས་ཀྱིས་ཡུལ་མ་ག་དྷཱར་བྱང་ཆུབ་ཅིང་། གང་དུ་བཅོམ་ལྡན་འདས་ཀྱིས་ཆོས་ཀྱི་སྐུ་བརྙེས་པ་དེར་ཆོས་
D6.011.0304a02.01ཀྱི་ཚུལ་བགྲོ་བར་བྱའོ། །དེ་ན་དགེ་སློང་གཅིག་གིས་ལེགས་ཀྱིས་དེ་བཞིན་དུ་བགྱིའོ་ཞེས་སྨྲས་སོ། །གཞན་ཞིག་ཀྱང་ཚེ་དང་ལྡན་པ་ཅི་བྱང་ཆུབ་ཀྱི་ཤིང་དྲུང་དུ་འདོང་ངམ། ཚེ་དང་ལྡན་པ་འོད་སྲུང་ཆེན་པོས་སྨྲས་པ། ཚེ་དང་ལྡན་པ་ཡུལ་མ་ག་དྷཱའི་རྒྱལ་པོ་ལུས་འཕགས་
D6.011.0304a03.01མའི་བུ་མ་སྐྱེས་དགྲ་རྩ་བ་མེད་པའི་དད་པ་དང་ལྡན་པ་དེ་དགེ་སློང་གི་དགེ་འདུན་གྱི་འཚོ་བའི་ཡོ་བྱད་དང་། ཆོས་ཀྱི་ཚུལ་རབ་ཏུ་སྦྱོར་བར་བྱེད་ཅིང་ཞལ་ཏ་ཡང་བྱེད་པས་རྒྱལ་པོའི་ཁབ་ཏུ་འདོང་ངོ་། །དེ་དག་གིས་སྨྲས་པ། ལེགས་ཀྱིས་དེ་བཞིན་དུ་བགྱི་ན། དེ་ལྟ་ན་ཡང་ཚེ་དང་
D6.011.0304a04.01ལྡན་པ་ཀུན་དགའ་བོ་ནི་སློབ་པའི་བྱ་བ་དང་བཅས་པ་ཡང་ཡིན་ན། བཅོམ་ལྡན་འདས་ཀྱིས་ཀྱང་མདོ་སྡེ་མཐའ་དག་གཏད་ན། དེ་ལ་ཇི་ལྟར་བསྒྲུབ་པར་བགྱི། དེ་ནས་ཚེ་དང་ལྡན་པ་འོད་སྲུང་ཆེན་པོས་སྨྲས་པ། ཚེ་དང་ལྡན་པ་དག་གལ་ཏེ་དེ་ལྟ་ན་སློབ་པའི་བྱ་བ་དང་བཅས་
D6.011.0304a05.01པའི་དགེ་སློང་གཞན་འཁོད་པ་དེ་དག་ཀྱང་འཁྲུག་པར་འགྱུར་བས་དེ་ལ་ཐབས་ཀྱི་རྣམ་པ་ཞིག་བྱས་ལ། འདི་ཆུའི་ཞལ་ཏ་བར་བསྐོ་བའི་སྤྲོ་བས་བསྐོས་ལ་ལྷག་མ་ནི་བཟློག་པར་བགྱིའོ། །དེ་དག་གིས་སྨྲས་པ། ལེགས་ཀྱིས་དེ་བཞིན་དུ་བགྱིའོ། །དེ་ནས་ཚེ་དང་ལྡན་པ་འོད་
D6.011.0304a06.01སྲུང་ཆེན་པོས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད་དགེ་སློང་གི་དགེ་འདུན་གྱི་ཆུའི་ཞལ་ཏ་བར་སྤྲོའམ། དེས་སྨྲས་པ། ཚེ་དང་ལྡན་པ་འོད་སྲུང་ཆེན་པོ་སྤྲོའོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་གསོལ་བ་དང་གཉིས་ཀྱི་
D6.011.0304a07.01