完整藏文原文 · 德格版页 当前仅加载第 11 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་བཞིན་དུ་སོང་ན་ནི་དགེ་སྦྱོང་མ་མགོ་རེག་མའོ་ཞེས་ཟེར་ནས་ཆེ་ཞིང་ཆེ་བའི་ལྷ་དང་མིས་བཅོམ་ལྡན་འདས་བསྐོར་བས་ནང་དུ་འགྲོར་ཡང་མི་སྟེར་གྱིས་ཅི་ནས་བདག་ནི་རྫུ་འཕྲུལ་གྱིས་འགྲོའོ་སྙམ་དུ་བསམས་ཏེ། དེ་འཁོར་ལོས་སྒྱུར་བའི་རྒྱལ་པོའི་ཆ་ལུགས་སུ་བདག་ཉིད་མངོན་དུ་སྤྲུལ་ཏེ་རིན་པོ་
D6.011.0092b01.01ཆེ་སྣ་བདུན་གྱིས་ཐོག་མར་དྲངས། བློན་པོ་སྟོབས་ཀྱི་མཆོག་ས་ཡ་ཕྲག་བདུན་བཅུ་རྩ་དགུས་ནི་བསྐོར། རྣམ་པ་སྣ་ཚོགས་ཀྱི་རྒྱན་གྱིས་བརྒྱན་པའི་བུ་སྟོང་གིས་ཀྱང་ཟླ་བ་ཁམ་པ་བཞིན་དུ་བསྐོར། མུ་སྟེགས་ཅན་དང་། བྲམ་ཟེ་དང་། ཕོངས་པ་དང་། དམན་པ་དང་། མིའི་མཆོག་སྟོང་
D6.011.0092b02.01གིས་ནི་རྗེས་སུ་འབྲང་། རྩིབས་མ་བརྒྱ་པའི་གདུགས་སྤྱི་བོར་འཛིན། ཉི་མའི་འོད་ཟེར་སྟོང་ཤར་ཅིང་འཕྲོ་བ་དང་། ཟླ་བ་དང་། སྐར་མ་དང་། གཞལ་མེད་ཁང་མཛེས་པར་བཅས་པ་ཟིལ་གྱིས་གནོན་ཅིང་བཅོམ་ལྡན་འདས་ཀྱི་དྲུང་དུ་སོང་བ་དང་། འཁོར་དེ་དག་གིས་དགེ་སློང་མ་ཨུཏྤ་ལའི་
D6.011.0092b03.01ཁ་དོག་མ་རྒྱང་མ་ནས་མཐོང་ངོ་། མཐོང་ནས་ཡ་མཚན་དུ་གྱུར་ཏེ་མིག་ཚུགས་ཀྱིས་ལྟ་ཞིང་རྟོག་པ་སྣ་ཚོགས་སུ་གྱུར་ཏོ། །ཁ་ཅིག་ནི་ཀྱེ་རྒྱལ་པོ་འདི་ལྟ་བུ་གང་ནས་འོངས་ཞེས་སྨྲ། ཁ་ཅིག་གིས་ནི་འདི་རྒྱལ་པོའི་སའི་སྟེང་ན་འདི་ལྟ་བུ་དམག་ཕུན་སུམ་ཚོགས་པ་ནི་ག་ལ་ཡོད་ཀྱི་འདི་
D6.011.0092b04.01ནི་འཁོར་ལོས་སྒྱུར་བའི་རྒྱལ་པོ་འཇིག་རྟེན་གཞན་ནས་བཅོམ་ལྡན་འདས་ལ་བལྟ་བའི་ཕྱིར་འོངས་ཡང་དག་ཅེས་ཟེར་རོ། །དེ་དག་གིས་འཁོར་ལོས་སྒྱུར་བ་དེའི་ལོངས་སྤྱོད་དེ་ལྟ་བུ་མཐོང་ནས་ཨེ་མའོ་བདག་ཅག་ཀྱང་འདི་ལྟ་བུའི་དངོས་པོར་མངོན་པར་སྒྲུབས་ཤིག་ཅེས་ཆགས་པ་སྐྱེས་ཏེ། དེ་དག་
D6.011.0092b05.01གིས་གོ་ཡང་ཕྱེའོ། །དེའི་དུས་ན་ཚེ་དང་ལྡན་པ་འཆར་ཀ་འཁོར་འདུས་པ་དེའི་ནང་ན་འདུག་སྟེ། དེས་སྨྲས་པ། ཀྱེ་འདི་ནི་འཁོར་ལོས་སྒྱུར་བ་མ་ཡིན་གྱི་འདི་ནི་དགེ་སློང་མ་ཨུཏྤ་ལའི་ཁ་དོག་མ་སྟེ། རྫུ་འཕྲུལ་གྱིས་བཅོམ་ལྡན་འདས་བལྟ་བའི་ཕྱིར་འོངས་སོ། །དེ་དག་གིས་སྨྲས་པ། འཕགས་པ་
D6.011.0092b06.01འདི་དགེ་སློང་མ་ཨུཏྤ་ལའི་ཁ་དོག་ཡིན་པར་ཁྱོད་ཀྱིས་ཇི་ལྟར་ཤེས་དེ་སྨྲས་པ། ཀྱེ་ཨུཏྤ་ལའི་དྲི་ཤིན་ཏུ་མནམ་པས་ན་འདི་ནི་ཨུཏྤ་ལའི་ཁ་དོག་མ་སྟེ། རྫུ་འཕྲུལ་གྱིས་བཅོམ་ལྡན་འདས་ཀྱི་དྲུང་དུ་འོངས་སོ། །དེ་ནས་དགེ་སློང་མ་ཨུཏྤ་ལའི་ཁ་དོག་མས་རྫུ་འཕྲུལ་མངོན་པར་འདུས་བྱས་པ་
D6.011.0092b07.01