完整藏文原文 · 德格版页 当前仅加载第 11 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
གཞོན་ནུ་སྟོབས་འགྱེད་པ་དང་། གཞོན་ནུ་མ་རྣམས་སྟོབས་འགྱེད་དུ་འཇུག་པ་དང་། དད་པའི་བྲམ་ཟེ་དང་ཁྱིམ་བདག་དག་འཕྱ་ཞིང་སྨོད་དམ་ངན་དུ་ཟེར་ནས། འདི་ལྟར་དགེ་སློང་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཡང་བལ་གླང་འཐབ་པར་བྱེད་བྱེད་
D6.011.0100a01.01དུ་འཇུག་པའི་དགེ་སྦྱོང་མགོ་རེག་འདི་ལ་ཅི་ཕྱིར་བསོད་སྙོམས་སྦྱིན་པ་དང་། མཆོད་པར་བྱ་སྙམ་དུ་སེམས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་རྣམས་ནི་རིགས་པར་
D6.011.0100a02.01འཕྱའོ། །དེ་ལྟ་བས་ན་དགེ་སློང་དག་གིས་བལ་གླང་ལ་སོགས་པ་འཐབ་ཏུ་མི་གཞུག །བལྟ་བར་ཡང་མི་བྱའོ། །དགེ་སློང་དག་གིས་བལ་གླང་ལ་སོགས་པ་འཐབ་པར་བྱེད་དམ་བྱེད་དུ་འཇུག་གམ། བལྟས་ན་འདས་པ་དང་བཅས་པར་འགྱུར་རོ།། །།མདོར་ན། བཙའ་ཞུགས་
D6.011.0100a03.01པ་དང་དགེ་སློང་མས། །ཡོངས་སུ་དྲིས་པ་སྨྲས་པའོ། །ལས་རྣམས་དག་ཀྱང་བྱ་བ་སྟེ། །སླར་བབས་པ་ཡི་དགེ་སློང་མ། །སངས་རྒྱས་བཅོམ་ལྡན་འདས་སེར་སྐྱའི་གནས་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་ཏེ། དེ་ནས་གཽ་ཏ་མཱི་སྐྱེ་དགུའི་བདག་མོ་ཆེན་མོ་ཤཱཀྱ་མོ་ལྔ་བརྒྱ་དང་ལྷན་
D6.011.0100a04.01ཅིག་ཏུ་བཅོམ་ལྡན་འདས་གང་ན་བ་དེར་དོང་སྟེ་ཕྱིན་པ་དང་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། གཽ་ཏ་མཱི་སྐྱེ་དགུའི་བདག་མོ་ཆེན་མོ་ལ་བཅོམ་ལྡན་འདས་ཀྱིས་ཆོས་ཀྱི་གཏམ་ཡང་དག་པར་བསྟན།
D6.011.0100a05.01ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་སོ། །རྣམ་གྲངས་དུ་མར་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ཏེ་ཅང་མི་གསུང་བ་དང་། གཽ་ཏ་
D6.011.0100a06.01མཱི་སྐྱེ་དགུའི་བདག་མོ་ཆེན་མོ་སྟན་ལས་ལངས་ཏེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་སྟེ་བུད་མེད་ཀྱིས་དགེ་སྦྱོང་གི་འབྲས་བུ་བཞི་འཐོབ་པའི་སྐབས་མཆིས་ན་བུད་མེད་རྣམས་ལེགས་པར་
D6.011.0100a07.01