完整藏文原文 · 德格版页 当前仅加载第 11 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུ་ན། གཞི་འདི་ལས་བདག་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་མི་འགྱུར་བ་ལགས་གྲང་། ཚེ་དང་ལྡན་པ་ཀ་ཏྱའི་བུ་ཆེན་པོས་སྨྲས་པ། རྒྱལ་པོ་ཆེན་པོ་ཁྱོད་ཀྱིས་སྒྲ་དེ་དག་དང་། རྨི་ལམ་དེ་དག་གཞན་འགའ་ཞིག་ལ་བསྙད་དམ། དེས་སྨྲས་པ། འཕགས་
D6.011.0013a01.01པ་བསྙད་དོ། །སུ་ཞིག་ལ། བྲམ་ཟེ་རྣམས་ལའོ། །དེ་དག་གིས་ཁྱོད་ལ་ཇི་སྐད་དུ་ལུང་བསྟན། དེས་ཇི་ལྟར་གྱུར་པ་རྒྱས་པར་བསྙད་པ་དང་། དེས་སྨྲས་པ། རྒྱལ་པོ་ཆེན་པོ་དེ་དག་ནི་རྟག་ཏུ་འདོད་པ་ལ་ལོངས་སྤྱོད་པ་དང་། ལྷའི་འཇིག་རྟེན་མངོན་པར་འདོད་པ་ཡིན་ཏེ། དེ་དག་
D6.011.0013a02.01ཅི་ཤེས། ཁྱོད་ཀྱིས་སྒྲ་བཟང་པོ་དག་ཅིག་ཀྱང་ཐོས། རྨི་ལམ་བཟང་པོ་དག་ཅིག་ཀྱང་མཐོང་གིས། ཁྱོད་མ་འཇིགས་ཤིག་དང་། གཞི་དེ་ལས་ཁྱོད་རྒྱལ་སྲིད་ལས་ཉམས་པར་ཡང་མི་འགྱུར། སྲོག་གི་བར་ཆད་དུ་ཡང་མི་འགྱུར་རོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་ཁྱོད་ཀྱིས་
D6.011.0013a03.01རྨི་ལམ་ན་ས་བླའི་སྒྲ་དྲུག་ཐོས་པ་གང་ཡིན་པ་དེ་གང་གི་ལྟས་ཡིན་ཞེ་ན། ཁྱོད་ཀྱི་མདུན་རོལ་གྱི་རྒྱལ་པོ་དྲུག་ཅིག་གིས་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་བཅུག་པས་ལུས་ཞིག་ནས་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་སོ།། །།འདུལ་བ་ཕྲན་ཚེགས་ཀྱི་གཞི། བམ་
D6.011.0013a04.01པོ་ཉི་ཤུ་དགུ་པ།། །།དེ་ན་གཅིག་གིས་སེམས་ཅན་དམྱལ་བའི་སྡུག་བསྔལ་གྱིས་ཉེན་ནས་ཚིགས་སུ་བཅད་པ། ལོ་ནི་སྟོང་ཕྲག་དྲུག་བཅུ་དང་། །ལོ་ནི་བརྒྱ་ཕྲག་དྲུག་བཅུ་རུ། །སེམས་ཅན་དམྱལ་བར་འཚེད་རྣམས་ཀྱི། །ནམ་ཞིག་མཐར་ནི་ཕྱིན་པར་འགྱུར། །ཞེས་བྱ་བ་སྨྲས་
D6.011.0013a05.01སོ། །གཉིས་པས་ཚིགས་སུ་བཅད་པ། མཐའ་མེད་མཐའ་ལྟ་ག་ལ་ཡོད། །ང་དང་ཁྱེད་ཅག་གཉིས་ཀྱིས་ནི། །མཐའ་ཉིད་དམིགས་པར་མི་འགྱུར་བ། །དེ་ལྟར་སྡིག་པའི་ལས་བྱས་སོ། །ཞེས་བྱ་བ་སྨྲས་སོ། །གསུམ་པས་ཚིགས་སུ་བཅད་པ། བདག་ཅག་གིས་ནི་
D6.011.0013a06.01ལོངས་སྤྱོད་དག །མཐུན་དང་མི་མཐུན་པས་བསྒྲུབས་པ། །གཞན་དག་བདེ་བས་དགའ་བྱེད་ཀྱི། །བདག་ཅག་སྡུག་བསྔལ་སྐལ་ཅན་གྱུར། །ཅེས་བྱ་བ་སྨྲས་སོ། །བཞི་པས་ཚིགས་སུ་བཅད་པ། འདི་ན་བདག་ཅག་འཚོ་བ་ངན། །བདག་ཅག་གང་བདོག་དེ་མ་བཏང་། །ལོངས་སྤྱོད་
D6.011.0013a07.01