完整藏文原文 · 德格版页 当前仅加载第 11 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གཅིག་ཇི་ལྟར་རྒན་རིམས་སུ་ཕྱག་འཚལ་ཡང་མི་བསྔོའོ་ཞེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་འདི་ལྟ་བུའི་ཚིག་ཕྱིན་ཆད་མ་སྨྲ་ཤིག །དེ་ཅིའི་ཕྱིར་ཞེ་ན། གལ་ཏེ་ཀུན་
D6.011.0121a01.01དགའ་བོ་བུད་མེད་དག་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་བར་གྱུར་ན་ནི་ད་དུང་ཡང་དད་པའི་བྲམ་ཟེ་དང་། ཁྱིམ་བདག་དག་གིས་དགེ་སློང་ལ་བསོད་སྙོམས་དྲ་བ་བཀང་སྟེ་ཐེག་དྲོད་ཀྱིས་སྟེར་རོ། །ཀུན་དགའ་བོ་བུད་མེད་དག་ལེགས་པར་བཤད་པའི་ཆོས་འདུལ་བ་
D6.011.0121a02.01ལ་རབ་ཏུ་མ་བྱུང་ན་ནི་ད་དུང་ཡང་བྲམ་ཟེ་དང་། ཁྱིམ་བདག་དད་པ་དག་གིས་མ་བགོས་པའི་གོས་སར་པ་ཁ་ཚར་རིང་པོ་དག་སྲང་གི་ནང་དུ་བཏིང་སྟེ་འདི་སྐད་ཅེས་སྨྲ་བར་འགྱུར་རོ། །དགེ་སྦྱོང་དག་རས་སར་པ་ཁ་ཚར་རིང་པོ་བཏིང་པ་འདིའི་སྟེང་དུ་གཤེགས་ཤིག །བདག་ཅག་ཡུན་
D6.011.0121a03.01རིང་པོའི་དོན་དང་ཕན་པ་དང་བདེ་བར་འགྱུར་རོ། །གལ་ཏེ་ཀུན་དགའ་བོ་བུད་མེད་རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་བར་གྱུར་ན་ནི་ད་དུང་ཡང་བྲམ་ཟེ་དང་ཁྱིམ་བདག་དད་པ་དག་གིས་ཡན་ལག་གི་མཆོག་ལས་སྐྱེས་པའི་སྐྲ་ས་ལ་བཏིང་སྟེ། དགེ་སྦྱོང་
D6.011.0121a04.01དག་སྐྲ་འདིའི་སྟེང་དུ་གཤེགས་ཤིག །དེ་ནི་བདག་ཅག་ལ་ཡུན་རིང་པོའི་དོན་དང་ཕན་པ་དང་བདེ་བར་འགྱུར་ཞེས་སྨྲའོ། །གལ་ཏེ་ཀུན་དགའ་བོ་བུད་མེད་རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་བར་གྱུར་ན་ནི་ད་ཡང་ངའི་ཉན་ཐོས་པ་དག་གི་འོད་ཀྱིས་
D6.011.0121a05.01ཟླ་བ་དང་། ཉི་མ་འདི་གཉིས་ལྟ་བུ་མཐུ་ཆེ་བ་དང་རྫུ་འཕྲུལ་ཆེ་བ་ཡང་ཟིལ་ཀྱིས་གནོན་ན་མུ་སྟེགས་ཅན་རྣམས་ལྟ་ཅི་སྨོས། ཀུན་དགའ་བོ་བུད་མེད་རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་ན་ནི་ད་དུང་ངའི་བསྟན་པ་ལོ་སྟོང་ཚང་བར་ཉེས་པ་མེད་ཅིང་ཉམས་
D6.011.0121a06.01པ་མེད་པར་གནས་པར་འགྱུར་རོ། །དེ་ལྟ་བས་ན་ཀུན་དགའ་བོ་བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་མས་ཀྱང་ད་གཟོད་བསྙེན་པར་རྫོགས་པའི་དགེ་སློང་ཕ་ལ་ཚིག་སྙན་པ་དང་། བསྟོད་པ་དང་། ལྡང་བ་དང་། ཐལ་མོ་སྦྱར་བ་དང་། ཕྱག་བྱ་བ་ལ་སོགས་པའི་ལས་
D6.011.0121a07.01