完整藏文原文 · 德格版页 当前仅加载第 11 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་ཀྱང་གསོལ་ཅིག །བཙུན་པ་འཛམ་བུའི་གླིང་གི་འཁོར་བཞི་པོ་དག་བཅོམ་ལྡན་འདས་ལ་བལྟ་བར་འཚལ་ན་བཙུན་པ་སུམ་བཅུ་རྩ་གསུམ་གྱི་ལྷའི་གནས་སུ་འཛེག་ཅིང་བཅོམ་ལྡན་འདས་ཀྱི་དྲུང་དུ་བཅོམ་ལྡན་འདས་ལ་བལྟ་བ་དང་བསྙེན་བཀུར་བའི་ཕྱིར་མཆིར་འཛམ་
D6.011.0089a01.01བུའི་གླིང་གི་མི་རྣམས་ལ་དེ་འདྲ་བའི་རྫུ་འཕྲུལ་དང་མཐུ་མ་མཆིས་སོ། །གང་སུམ་བཅུ་རྩ་གསུམ་གྱི་གནས་ཀྱི་ལྷ་དེ་རྣམས་ནི་འཛམ་བུའི་གླིང་དུ་བབས་ཏེ། བཅོམ་ལྡན་འདས་ཀྱི་དྲུང་དུ་བཅོམ་ལྡན་འདས་ལ་བལྟ་བ་དང་། བསྙེན་བཀུར་བགྱིད་དུ་མཆི་བར་ནི་སུམ་བཅུ་རྩ་གསུམ་གྱི་ལྷ་ལ་
D6.011.0089a02.01རྫུ་འཕྲུལ་དང་། མཐུ་མཆིས་ན། བཅོམ་ལྡན་འདས་སུམ་བཅུ་རྩ་གསུམ་གྱི་ལྷའི་གནས་ནས་འཛམ་བུའི་གླིང་དུ་གཤེགས་པར་ཐུགས་རྗེར་དགོངས་ན་ལེགས་སོ་ཞེས་གསུང་ཤིག་ཅེས་སྨྲས་པ་དང་། ཚེ་དང་ལྡན་པ་མཽད་གལ་ཡ་ན་ཆེན་པོས་འཁོར་བཞི་པོ་རྣམས་ལ་ཅང་མི་སྨྲ་བར་
D6.011.0089a03.01གནང་ངོ་། །དེ་ནས་འཁོར་བཞི་པོ་དག་ཚེ་དང་ལྡན་པ་མཽད་གལ་ཡ་ན་ཆེན་པོས་ཅང་མི་སྨྲ་བས་གནང་བར་རིག་སྟེ། ཚེ་དང་ལྡན་པ་མཽད་གལ་ཡ་ན་ཆེན་པོའི་རྐང་པ་ལ་མགོ་བོས་ཕྱག་འཚལ་ནས་སྟན་ལས་ལངས་ཏེ་དོང་ངོ་། །དེ་ནས་ཚེ་དང་ལྡན་པ་མཽད་གལ་ཡ་ན་ཆེན་པོས་འཁོར་བཞི་པོ་དག་
D6.011.0089a04.01དོང་ནས་རིང་པོ་མ་ལོན་པར་རིག་པ་དང་དེ་འདྲ་བའི་ཏིང་ངེ་འཛིན་ལ་མཉམ་པར་གཞག་གོ། །ཇི་ལྟར་སེམས་མཉམ་པར་གཞག་པ་ན་འདི་ལྟ་སྟེ། སྟོབས་དང་ལྡན་པའི་སྐྱེས་བུས་དཔུང་པ་བསྐུམ་པ་ལས་བརྐྱང་བའམ། བརྐྱང་བ་ལས་བསྐུམ་པ་ཙམ་དུ་དེ་ལྟར་དེ་བཞིན་ཚེ་དང་ལྡན་པ་མཽད་
D6.011.0089a05.01གལ་ཡ་ན་ཆེན་པོ་མཉན་དུ་ཡོད་པ་ནས་མི་སྣང་བར་གྱུར་ཏེ། སུམ་བཅུ་རྩ་གསུམ་གྱི་ལྷའི་གནས་ལ་བ་རྡོ་དཀར་ལས་ཤིང་པ་རི་ཛཱ་ཏ་ཀ་དང་། ཀོ་བི་ད་ར་ཀ་དང་། ཤིན་ཏུ་མི་རིང་བ་ཞིག་ཏུ་དེའི་དུས་ན་བཅོམ་ལྡན་འདས་ལྷའི་འཁོར་བརྒྱ་སྟོང་དུ་མའི་མདུན་ན་བཞུགས་ཤིང་ཆོས་འཆད་པ་ཚེ་
D6.011.0089a06.01དང་ལྡན་པ་མཽད་གལ་ཡ་ན་ཆེན་པོས་མཐོང་ངོ་། །བཅོམ་ལྡན་འདས་ལྷའི་འཁོར་བརྒྱ་སྟོང་དུ་མའི་མདུན་ན་བཞུགས་ཤིང་ཆོས་འཆད་པ་མཐོང་ནས་འཛུམ་པ་བྱས་ཏེ། བཅོམ་ལྡན་འདས་འདི་ན་ཡང་ལྷ་མང་པོ་དང་བཞུགས་པ་ནི་འདི་ལྟ་སྟེ། འཛམ་བུའི་གླིང་གི་འཁོར་བཞི་པོ་
D6.011.0089a07.01