完整藏文原文 · 德格版页 当前仅加载第 11 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
གཅོད་པ་སངས་རྒྱས་བཅོམ་ལྡན་འདས་ལ། བཙུན་པ་དགེ་སློང་མ་ཆོས་སྦྱིན་མས་ལས་ཅི་ཞིག་བགྱིས་ན་དེ་ཁྱིམ་ན་མཆིས་བཞིན་དུ་ཕྲིན་པས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོ་ཐོབ་ནས་དེ་ཉིད་དུ་དགྲ་བཅོམ་པ་མངོན་དུ་བགྱིས་ནས།
D6.011.0169a01.01བཅོམ་ལྡན་འདས་ཀྱིས་ཆོས་ཀྱི་གཏམ་སྨྲ་བའི་ནང་ན་མཆོག་ཏུ་གསུངས་ཞེས་གསོལ་པ་དང་། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་ཆོས་སྦྱིན་མས་ལས་བྱས་ཤིང་བསགས་པས་ཚོགས་རྙེད་པ་དང་། རྐྱེན་སྦྱིན་པ་ནི་ཆུ་བོ་བཞིན་དུ་ཉེ་བར་གནས་
D6.011.0169a02.01ཏེ་གདོན་མི་ཟའོ། །ཆོས་སྦྱིན་གྱིས་ལས་བྱས་ཤིང་བསགས་པ་ནི་གཞན་གྱིས་མྱོང་བར་མི་འགྱུར་ཏེ། དགེ་སློང་དག་ལས་བྱས་ཤིང་བསགས་པ་ནི་ཕྱི་རོལ་གྱི་སའི་ཁམས་ལ་རྣམ་པར་མི་སྨིན། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་
D6.011.0169a03.01ཡིན་གྱི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་འདི་ཉིད་ལ་དགེ་བ་དང་། མི་དགེ་བའི་ལས་བྱས་པ་རྣམ་པར་སྨིན་པར་འགྱུར་རོ། །ལས་རྣམས་སྟོར་བར་མི་འགྱུར་བ། །བསྐལ་པ་དག་ནི་བརྒྱ་ལོན་ཀྱང་། །དུས་དང་འཕྲོད་ནས་ཐོབ་པ་ནི། །ལུས་ཅན་རྣམས་
D6.011.0169a04.01ལ་འབྲས་བུར་སྨིན། །དགེ་སློང་དག་སྔོན་བྱུང་བ་ན་བསྐལ་པ་བཟང་པོ་འདིའི་ཚེ་སྐྱེ་དགུའི་ཚེ་ལོ་སྟོང་ཕྲག་ཉི་ཤུ་ཐུབ་པ་ན་སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་རྐང་པར་ལྡན་པ་བདེ་
D6.011.0169a05.01བར་གཤེགས་པ། འཇིག་རྟེན་མཁྱེན་པ། བླ་ན་མེད་པ་སྐྱེས་བུ་འདུལ་ཞིང་ཁ་ལོ་སྒྱུར་བ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཡུལ་འཁོར་མོ་འཇིག་གི་གྲོང་ཁྱེར་ན་བཞུགས་ཤིང་དྲང་སྲོང་གནས་ཀྱི་{རི་དགས་,རི་དྭགས་}ཀྱི་ཚལ་ན་བཞུགས་སོ། །དེའི་དུས་ན་
D6.011.0169a06.01ཡུལ་འཁོར་མོ་འཇིག་ན་ཁྱིམ་བདག་གཞན་ཞིག་གནས་པ་དེས་རིགས་དང་མཉམ་པ་ལས་ཆུང་མ་བླངས་ཏེ་དེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པ་དང་། དེ་དུས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་
D6.011.0169a07.01