完整藏文原文 · 德格版页 当前仅加载第 11 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུབ་པའི་ལྷ་རྣམས་འདི་ལྟར་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བའི་དགེ་སློང་རྣམས་སོ་སོར་མི་རྟོག་པར་མང་དུ་གནས་སོ་ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དོ། །ཚེ་དང་ལྡན་པ་མ་འགགས་པ་ལ་ལྷ་ཇི་སྙེད་ཡོད་པ་ཤེས་སམ་ཞེས་དྲིས་པ་དང་། ཀུན་དགའ་
D6.011.0292a01.01བོ་ཇི་ཙམ་གྲོང་ཁྱེར་རྩྭ་ཅན་གྱི་བར་ནས་ཆུ་བོ་དབྱིག་ལྡན་གྱི་བར་དང་། ཇི་ཙམ་ཤིང་སཱ་ལ་ཟུང་གཉིས་ཀྱི་ཚལ་གྱི་བར་ནས། གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་བར་དཔག་ཚད་བཅུ་གཉིས་ཁོ་ར་ཁོར་ཡུག་ཏུ་དབང་ཆེ་བ། དབང་ཆེ་བར་གྲགས་པའི་ལྷ་རྣམས་ཀྱིས་མ་ཁྱབ་ཅིང་མ་གང་བ་ཅུང་ཟད་ཀྱང་
D6.011.0292a02.01མེད་དེ། ཆུང་ངུ་ན་ཁར་བ་གཟུགས་པའི་ཁྱོན་ཙམ་ཡང་མེད་པར་ལྷ་ཁ་ཅིག་ནི་ས་ལ་འགྲེ་ལྡོག །ཁ་ཅིག་ནི་དཔུང་པ་ནས་བཟུང་ནས་ཀུ་ཆོ་འདོན། ཁ་ཅིག་ནི་སྡུག་བསྔལ་གྱིས་སེམས་གཟེར་ཅིང་འདུག །ཁ་ཅིག་ཆོས་ཉིད་ལ་བརྟེན་ནས། གང་འདི་ལྟར་བདག་ཅག་ལ་བཅོམ་ལྡན་འདས་ཀྱིས་རྣམ་གྲངས་དུ་
D6.011.0292a03.01མར་ཀུན་དུ་བསྟན་ཏེ། ཐམས་ཅད་ཀྱི་སྙིང་དུ་སྡུག་ཅིང་ཕངས་པ། དགའ་བ་དང་ཡིད་དུ་འོང་བ་དང་བྲལ་ནས་མེད་པ་དང་། ཞིག་པ་དང་། གྱེས་པར་གྱུར་ཏོ། །དེའི་ནུབ་མོ་ཚེ་དང་ལྡན་པ་མ་འགགས་པས་ཚེ་དང་ལྡན་པ་ཀུན་དགའ་བོ་ལ་རྣམ་པར་ངེས་པའི་ཆོས་ཀྱི་གཏམ་སྨྲས་ནས་འཕགས་པའི་ངོ་བོར་ཅང་མི་སྨྲ་
D6.011.0292a04.01བར་འདུག་གོ། །དེ་ནས་དེའི་མཚན་མོ་ནམ་ནངས་ནས་ཚེ་དང་ལྡན་པ་མ་འགགས་པས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་སོང་ལ་གྲོང་ཁྱེར་རྩྭ་ཅན་གྱི་གྱད་རྣམས་ལ་འདི་སྐད་ཅེས་གནས་འཇོག་དག་དེང་གི་མཚན་མོའི་གུང་ཐུན་ལ་སྟོན་པ་
D6.011.0292a05.01ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ཀྱིས། ཁྱེད་ཀྱི་བྱ་བ་དང་སྒྲུབ་པ་དག་དེར་བྱོས་ལ་ད་ཕྱིན་ཆད་འདི་སྐད་ཅེས་གྲོང་གི་ཉེན་ཀོར་བ་དག་བདག་ཅག་གི་སྟོན་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་
D6.011.0292a06.01ལས་འདས་ཏེ། བདག་ཅག་གིས་དེ་ལ་མཆོད་པ་བྱ་ཞིང་བརྩོན་པར་བྱ་མ་ནུས་སོ་ཞེས་ཡིད་ལ་གཅགས་པར་མ་བྱེད་ཅིག་ཅེས་སྨྲོས་ཤིག །ཚེ་དང་ལྡན་པ་མ་འགགས་པས་དེ་སྐད་སྨྲས་ནས། ཚེ་དང་ལྡན་པ་ཀུན་དགའ་བོས་ཚེ་དང་ལྡན་པ་མ་འགགས་པའི་ལྟར་མཉན་ནས་སྣམ་སྦྱར་
D6.011.0292a07.01