完整藏文原文 · 德格版页 当前仅加载第 11 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་བཱ་རཱ་ཎ་སཱིའི་དྲང་སྲོང་སྨྲ་བའི་{རི་དགས་,རི་དྭགས་}ཀྱི་ནགས་ན་ཉེ་བར་རྟེན་ཅིང་བཞུགས་སོ། །དེས་དེའི་བསྟན་པ་ལས་རབ་ཏུ་བྱུང་སྟེ། དགེ་སློང་བྱམས་པ་ལ་གནས་པ་ཞེས་བྱ་བར་གྱུར་ཏོ། །དེ་ལ་དགེ་སློང་རྣམས་ཀྱིས་བྱམས་པ་ལ་གནས་པ།
D6.011.0196a01.01བྱམས་པ་ལ་གནས་པ་ཞེས་རབ་ཏུ་དགོད་དེ་སྨྲས་པ་དང་། དེས་དེ་དག་ལ་དགག་ན་ཡང་འདུག་ཏུ་མ་བཏུབ་པ་དང་། དེ་ཁྲོ་བ་དྲག་པོས་ཀུན་ཏུ་དཀྲིས་པས་དེ་དག་ལ་ངན་སེམས་ཀྱིས་ང་ནི་བྱམས་པ་ལ་གནས་པ་ཡིན་གྱི་ཁྱེད་ཅག་ནི་སྐྱེས་བུ་གདུག་པ་ཞེས་ངག་གིས་ལས་
D6.011.0196a02.01དྲག་པོ་བརྗོད་དོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་ཇི་སྙམ་དུ་སེམས། ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་བྱམས་པ་ལ་གནས་པ་ཞེས་བྱ་བ་གང་ཡིན་པ་དེ་ནི་དགེ་སློང་འདི་ཉིད་ཡིན། དེའི་ཚེ་དེའི་དུས་ན་
D6.011.0196a03.01འདི་ལྟར་ཡང་དག་པར་རྫོགས་པའི་སངས་རྒྱས་འོད་སྲུང་གི་ཉན་ཐོས་རྣམས་ལ་སྐྱེས་བུ་གདུག་པའོ་ཞེས་སྨྲས་ཤིང་ཀུན་དུ་སྤྱད་པ་དེའི་ལས་ཀྱི་རྣམ་པར་སྨིན་པས་ཚེ་རབས་ལྔ་བརྒྱའི་བར་དུ་སྦྲུལ་གདུག་པར་སྐྱེས་ཏེ། དེ་ད་ལྟར་ཡང་ལས་དེ་ཉིད་ཀྱི་ལྷག་མས་སྦྲུལ་གདུག་པ་འདིར་
D6.011.0196a04.01སྐྱེས་སོ། །གང་དེ་ཉིད་དུ་ལུང་ཕོག་པ་དང་། བཀླགས་པ་དང་། ཁ་ཏོན་བཏོན་པ་དང་། ཕུང་པོ་ལ་མཁས་པ་དང་། ཁམས་ལ་མཁས་པ་དང་། སྐྱེ་མཆེད་ལ་མཁས་པ་དང་། རྟེན་ཅིང་འབྲེལ་བར་འབྱུང་བ་ལ་མཁས་པ་དང་། གནས་དང་གནས་མ་ཡིན་པ་ལ་མཁས་པ་དག་བྱས་
D6.011.0196a05.01ཏེ། དེས་ན་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་སོ། །དེ་ལྟ་བས་ན་དགེ་སློང་དག་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན། གཅིག་ཏུ་དཀར་བ་རྣམས་ཀྱི་ནི་རྣམ་པར་སྨིན་པ་
D6.011.0196a06.01གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་ཏེ། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་ནི་སྤངས་ལ་ལས་གཅིག་ཏུ་དཀར་བ་རྣམས་ལ་ནི་བརྩལ་བར་བྱ་སྟེ། དགེ་སློང་དག་དེ་ལྟ་བུ་ལ་བསླབ་པར་བྱའོ། །བཅོམ་ལྡན་འདས་ཀྱིས་
D6.011.0196a07.01