完整藏文原文 · 德格版页 当前仅加载第 11 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དེ་རྣམས་ཀྱིས་འབད་བརྩལ་བསྒྲིམས་པས་འཁོར་བའི་འཁོར་ལོ་གཡོ་བ་དང་མི་གཡོ་བ་ཆ་ལྔ་པ་འདི་ཉིད་རིག་ནས་འདུ་བྱེད་ཀྱི་རྣམ་པ་ཐམས་ཅད་འཇིག་པ་དང་། ལྟུང་བ་དང་། འགྱེས་པ་དང་། འཇོམས་པའི་ཆོས་ཅན་དུ་རྟོགས་ཏེ་ཉོན་མོངས་པ་ཐམས་ཅད་
D6.011.0048b01.01སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་གྱི་འདོད་ཆགས་དང་བྲལ་བ། གསེར་དང་བོང་བར་མཉམ་པ། ནམ་མཁའ་དང་ལག་མཐིལ་དུ་འདྲ་བ། ཙན་དན་དང་སྟེ་འུར་མཚུངས་པ། རིག་པས་མ་རིག་པའི་སྒོ་ངའི་སྦུབས་བཅོམ་
D6.011.0048b02.01པ། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་རྙེད་པ་ལ་ཆགས་པ་དང་། བསྙེན་བཀུར་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དུ་བཅས་པའི་ལྷ་རྣམས་ཀྱིས་མཆོད་པ་དང་། རྗེད་པར་བྱ་བ་དང་། གུས་པར་བྱ་བར་གྱུར་ཏོ། །
D6.011.0048b03.01དེ་ནས་བཅོམ་ལྡན་འདས་འཁོར་དགྲ་བཅོམ་པ་ལྔ་བརྒྱ་དང་ཐབས་ཅིག་ཟླ་བ་ཁམ་པ་ལྟ་བུར་བསྐོར་ནས་ཆོ་འཕྲུལ་ཆེན་པོའི་འདུན་ཁང་ག་ལ་བ་དེར་གཤེགས་ཏེ་བྱོན་ནས་འཁོར་བརྒྱ་ཕྲག་དུ་མའི་གུང་ལ་སེང་གེའི་ཁྲི་ལ་བཞུགས་སོ། །དེ་ནས་དགེ་བསྙེན་མ་རྫུ་འཕྲུལ་ལེན་གྱི་མ་
D6.011.0048b04.01བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཐུགས་ཁྲལ་ཆུང་ངུར་མཛད་དུ་གསོལ། བདག་གིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་
D6.011.0048b05.01བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བགྱི་ཞིང་མུ་སྟེགས་ཅན་རྣམས་ཐག་སྩལ་བར་བགྱི། ལྷ་དང་མི་རྣམས་དགའ་བར་བགྱི། སྐྱེ་བོ་དམ་པ་རྣམས་གློ་བ་རངས་པར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྫུ་འཕྲུལ་ལེན་གྱི་མ་ཁྱོད་སེམས་ཁྲལ་ཆུང་
D6.011.0048b06.01ངུར་གྱིས་ཤིག །ཁྱོད་ཀྱིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཅིང་མུ་སྟེགས་ཅན་རྣམས་ཐག་གཞུག་པ་དང་། ལྷ་དང་མི་རྣམས་དགའ་བར་བྱ་བ་དང་། སྐྱེ་བོ་དམ་པ་རྣམས་སྙིང་རངས་པར་བྱ་བར་ནུས་མོད་ཀྱི། འོན་ཀྱང་འདི་རྣམས་
D6.011.0048b07.01