完整藏文原文 · 德格版页 当前仅加载第 11 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུག་ནས་གློ་གཡས་པ་ཕབ་སྟེ་ཞབས་ཀྱི་སྟེང་དུ་ཞབས་བཞག་ནས། སྣང་བའི་འདུ་ཤེས་དང་། དྲན་པ་དང་། ཤེས་བཞིན་དང་། བཞེངས་པའི་འདུ་ཤེས་ཐུགས་ལ་མཛད་ནས་གཟིམས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་
D6.011.0262a01.01སྐད་ཅེས་བཀའ་སྩལ་ཏོ། །ཀུན་དགའ་བོ་བྱང་ཆུབ་ཀྱི་ཡན་ལག་སྨྲོས་ཤིག །བཅོམ་ལྡན་འདས་ཉིད་ཀྱིས་དྲན་པ་བྱང་ཆུབ་ཀྱི་ཡན་ལག་མངོན་པར་མཁྱེན་ཅིང་ཡང་དག་པར་ཐུགས་སུ་ཆུད་དེ་གསུངས་པ། དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་
D6.011.0262a02.01པ་རྣམ་པར་སྤོང་བས་ཡོངས་སུ་བསྒྱུར་བ་ཆོས་རབ་ཏུ་རྣམ་པར་འབྱེད་པ་དང་། བརྩོན་འགྲུས་དང་། དགའ་བ་དང་། ཤིན་ཏུ་སྦྱངས་པ་དང་། ཏིང་ངེ་འཛིན་དང་། བཏང་སྙོམས་བྱང་ཆུབ་ཀྱི་ཡན་ལག་རྣམས་ཏེ། བཙུན་པ་བཅོམ་ལྡན་འདས་ཉིད་ཀྱིས་མངོན་པར་མཁྱེན་ཅིང་ཡང་དག་
D6.011.0262a03.01པར་ཐུགས་སུ་ཆུད་དེ་གསུངས་པ། དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ་ལགས་སོ། །ཀུན་དགའ་བོ་བརྩོན་འགྲུས་སྨྲས་སམ། བཅོམ་ལྡན་འདས་བརྩོན་འགྲུས་སྨྲས་ལགས་སོ། །ཀུན་
D6.011.0262a04.01དགའ་བོ་བརྩོན་འགྲུས་བསྟེན་ཅིང་བསྒོམས་ཏེ་ལན་གྲངས་མང་དུ་བྱས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་རོ་ཞེས་གསུངས་ནས་བཅོམ་ལྡན་འདས་བཞེངས་ཏེ་སྐྱིལ་མོ་ཀྲུང་བཅས་ནས་སྐུ་དྲང་པོར་བསྲངས་ཏེ་དྲན་པ་མངོན་དུ་བཞག་ནས་བཞུགས་སོ། །དེ་ནས་དགེ་སློང་གཞན་
D6.011.0262a05.01ཞིག་གིས་ཚིགས་སུ་བཅད་དེ་སྨྲས་པ། སྟོན་པས་ཆོས་ནི་མང་རབ་གསན་སླད་དུ། །བདག་ཉིད་བསྙུང་བར་གྱུར་ཀྱང་གསོལ་བཏབ་ནས། །དགེ་སློང་རང་ཉིད་ཀྱིས་ནི་ཆོས་སྨྲས་པ། །བྱང་ཆུབ་ཡན་ལག་དེ་ཡིས་སྟོན་པར་གྱུར། །མཁས་ཤིང་བློ་དང་ལྡན་པ་རྟོགས་པ་སྟེ། །གནས་
D6.011.0262a06.01བརྟན་ཀུན་དགའ་བོ་ཡིས་ལེགས་སྨྲས་པ། །ཐུབ་པའི་གསུང་ནི་རབ་ཏུ་དཀར་བ་ལས། །ཆོས་དེ་དེ་དག་ཁོ་ན་འཐོབ་པར་འགྱུར། །ཡང་དག་དྲན་དང་རྣམ་པར་འབྱེད་པ་དང་། །བརྩོན་འགྲུས་དགའ་བ་ཤིན་ཏུ་སྦྱངས་པའི་ལུས། །སེམས་དང་ཏིང་ངེ་འཛིན་དང་བཏང་སྙོམས་དང་། །
D6.011.0262a07.01