完整藏文原文 · 德格版页 当前仅加载第 11 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གཏོགས་པ་བྲམ་ཟེ་དབྱར་བྱེད་རྣམས་ཀྱིས་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ཏེ། གྲོང་ཁྱེར་རྩྭ་ཅན་གྱི་གྱད་རྣམས་ཀྱི་དྲུང་དུ་དམག་
D6.011.0299a01.01བརྒལ་བའི་ཕྱིར་ལྷགས་སོ། །དེ་ནས་གྲོང་ཁྱེར་རྩྭ་ཅན་གྱི་གྱད་རྣམས་ཀྱིས་གྱད་ཀྱི་ཆུང་མ་དང་། གྱད་གཞོན་ནུ་དག་གྲོང་ཁྱེར་གྱི་ཕྱིར་བཀོད་དེ་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟའི་ཚོགས་དང་། ཤིང་རྟའི་ཚོགས་དང་། དཔུང་
D6.011.0299a02.01བུ་ཆུང་གི་ཚོགས་གོ་བསྐོན་ཏེ། ཕ་རོལ་པོའི་དམག་གི་ཚོགས་བདུན་པོ་དག་གི་དྲུང་དུ་དམག་བརྒལ་བའི་ཕྱིར་བྱུང་ངོ་། །དེའི་ཚེ་བྲམ་ཟེའི་རིགས་བྲེ་བོ་དང་མཉམ་པ་འཁོར་འདུས་པ་དེ་ཉིད་དུ་འོངས་ཏེ། དེ་ནས་བྲམ་ཟེའི་རིགས་བྲེ་བོ་དང་མཉམ་པས་ཕན་ཚུན་
D6.011.0299a03.01གཉིས་ཀ་ནས་གཡུལ་མང་པོ་བཤམས་པ་འཐབས་པར་གྱུར་ན་རིང་པོ་མི་ཐོགས་པར་གཅིག་ལ་གཅིག་འཆི་བར་འགྱུར་བར་རིག་ནས་གཡང་གཞི་བསྐོར་ཏེ། གྲོང་ཁྱེར་རྩྭ་ཅན་གྱི་གྱད་ག་ལ་བ་དེར་སོང་སྟེ་ཕྱིན་ནས་གྲོང་ཁྱེར་རྩྭ་ཅན་གྱི་གྱད་རྣམས་ལ་འདི་སྐད་ཅེས་
D6.011.0299a04.01སྨྲས་སོ། །གྲོང་ཁྱེར་རྩྭ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་དག་ཉོན་ཅིག །བཅོམ་ལྡན་འདས་གཽ་ཏ་མ་དེ་ནི་ཡུན་རིང་པོ་ནས་བཟོད་པ་དང་ལྡན་པ། བཟོད་པའི་བསྔགས་པ་བརྗོད་པ་ཡིན་ནོ། །ཤེས་ལྡན་དག་བཅོམ་ལྡན་
D6.011.0299a05.01འདས་གཽ་ཏ་མ་དེ་བཟོད་པ་དང་ལྡན་ཞིང་བཟོད་པའི་བསྔགས་པ་བརྗོད་པ་ཡིན་ན་སྐུ་གདུང་གི་ཕྱིར་ཕན་ཚུན་གཅིག་ལ་གཅིག་གསོད་པར་བྱེད་པ་ནི་མི་རིགས་པས་ཁོ་བོས་བཅོམ་ལྡན་འདས་གཽ་ཏ་མ་དེའི་སྐུ་གདུང་ཆ་བརྒྱད་དུ་བགོ་བར་སྤྲོ་བར་བྱས། གང་གི་ཕྱིར་བུམ་
D6.011.0299a06.01པར་སྐུ་གདུང་བཅུག་པའི་བུམ་པ་དེ་ཁོ་བོ་ལ་བྱིན་ཅིག་དང་། དེས་ན་ཁོ་བོས་བྲེ་བོའི་གྲོང་ཁྱེར་དུ་བཅོམ་ལྡན་འདས་གཽ་ཏ་མ་དེའི་སྐུ་གདུང་གི་མཆོད་རྟེན་བརྩིགས་ལ་གདུགས་དང་། རྒྱལ་མཚན་དང་། བ་དན་གཟུགས་ཤིང་། དྲི་དང་། ཕྲེང་བ་དང་། བདུག་
D6.011.0299a07.01