完整藏文原文 · 德格版页 当前仅加载第 11 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱུགས་ལ་བཟས་བསོད་སྦྱིན། །དམ་བཅའ་རྡོ་བ་རོལ་མོ་རྣམས། །ཨུ་དུམ་བཱ་ར་སྒྱུར་མོར་འདྲ། །སེ་མོ་དོ་ཡང་སྟོར་བ་སྟེ། །ནེ་ཙོ་གསང་ཡང་བསྙད་པའོ། །བར་མདོ་གཉིས་པའི་ཚིགས་བཅད་དོ། །དེ་ནས་རྒྱལ་པོས་ས་ག་མཁས་ཤིང་མཛངས་པར་ཤེས་ནས་སྨན་ཆེན་པོ་
D6.011.0077b01.01བསོད་ནམས་དང་ལྡན་པས་ནི་འདི་ལྟ་བུའི་ཆུང་མ་བློ་དང་ལྡན་པ་རྙེད་དོ་སྙམ་མོ། །དེ་ནས་རྒྱལ་པོས་སྨན་ཆེན་པོ་ལ་སྨྲས་པ། གལ་ཏེ་ཁྱོད་དགའ་བར་ལྟ་ན་ང་ལ་ཡང་ཆུང་མ་འདི་ལྟར་བློ་དང་ལྡན་པ་ཞིག་བཙལ་ཏེ་བླངས་ན་ཁྱིམ་གྱི་སྲིད་དང་། གཞན་ཡང་ཕྱི་རོལ་རྒྱལ་པོའི་ཕོ་བྲང་གི་དོན་
D6.011.0077b02.01འདི་ལ་བདེ་བར་གནས་སོ། །སྨན་ཆེན་པོས་སྨྲས་པ། གང་ནས་བཙལ་བར་བགྱི། གང་གི་ཕྱིར་རྒྱལ་པོ་སྐྱེད་པས་སྨྲས་པ། ལྔ་ལེན་གྱི་རྒྱལ་པོའི་བུ་མོ་སྨན་ལྡན་ཞེས་བྱ་བ་གཟུགས་བཟང་ཞིང་མཛེས་པ། གཞན་ཡང་དྲན་པ་དང་ཤེས་བཞིན་ཅན་འདི་ལྟར་ས་ག་ཅི་འདྲ་བའི་བློ་དང་
D6.011.0077b03.01ལྡན་པ་ཞིག་ཡོད་ཅེས་ཐོས་པ་དེ་ཆུང་མར་ལོང་ཤིག །དེ་ནས་སྨན་ཆེན་པོས་སྨྲས་པ། ལྷ་འདི་ལ་ཐབས་ཞིག་བགྱི་ན་དེ་ཡང་ལྷའི་མཚམས་ལས་གཞན་པ་དགྲ་ལྟ་བུར་མཆིས་པ་སྟེ། དེ་ལ་སྔར་ཐབས་བཙལ་བར་བགྱིའོ། །དེ་ནས་རྒྱལ་པོ་སྐྱེད་པས་བློན་པོ་མདུན་ན་འདོན་དག་བཏང་
D6.011.0077b04.01སྟེ། དེ་དག་སློང་བ་ལ་ཞུགས་སོ། །དེ་ནས་ལྔ་ལེན་གྱི་རྒྱལ་པོས་བློན་པོ་རྣམས་བསྡུས་ཏེ། ཇི་ལྟར་བྱ་ཞེས་དྲིས་པ་དང་། དེ་དག་གིས་སྨྲས་པ། རྒྱལ་པོ་སྐྱེད་པ་འདི་སྔན་ཆད་ལྷའི་བཀའ་མི་ཉན་ཏེ་དོན་འདིས་འོ་སྐོལ་གྱི་དབང་དུ་འགྱུར་བ་ནི་དེ་དག་མཆིས་ནས་ཇི་ལྟར་བགྱི་བ་གདོད་
D6.011.0077b05.01མཛད་ཀྱིས་རེ་ཞིག་སྩོལ་ཅིག་དེས་བྱིན་ནས་ཆེ་གེ་མོ་ཞིག་ན་ཟླ་བ་ཕྱེད་ཀྱི་ཉིན་པར་ཡུད་ཙམ་པ་དག་དང་སྦྱར་ཏེ། བག་མ་ལེན་དུ་ཤོག་ཤིག་ཅེས་བྱས་ནས་ཕྱིར་སོང་སྟེ། རྒྱལ་པོ་སྐྱེད་པ་ལ་བུ་མོ་སྨན་ལྡན་ནི་ཐོབ་པོ་ཞེས་ཤེས་པར་བྱས་སོ། །ཇི་ལྟར་ནམ་བླང་བར་བྱ། དེ་དག་གིས་ཚེས་
D6.011.0077b06.01གྲངས་ཆེ་གེ་མོ་ཞིག་དང་། ཡུད་ཙམ་པ་དང་སྦྱོར་ལ་ཤོག་ཤིག་ཅེས་མཆིའོ། །དུས་དེའི་འོག་ཏུ་ལྔ་ལེན་གྱི་རྒྱལ་པོས་དེས་བག་མ་གཏང་བའི་དོན་དུ་བརྩམས་པ་ནི་བཟའ་བ་དང་བཏུང་བ་དག་སྟ་གོན་བྱས་ཏེ། བཟའ་བ་དང་བཏུང་བའི་རྣམ་པ་ཐམས་ཅད་དུག་དང་བསྲེ་བ་བྱས་ནས་ལྔ་
D6.011.0077b07.01