完整藏文原文 · 德格版页 当前仅加载第 11 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བགྲོས་ན། བུ་མོ་འདིའི་མིང་ཨུ་དུམ་བཱ་རི་ཀར་བཏགས་ཏེ། དེ་གསོས་བསྐྱེད་ནས་ཆེན་མོར་གྱུར་ཏོ། །དེ་ནས་བྲམ་ཟེ་གཞན་ཞིག་ལ་བུ་ཁ་དོག་ངན་པ་གཟུགས་མི་སྡུག་པ་མདོག་ངན་པ་མཚན་ངན་པ་{བཅྭ་,བཅོ་}བརྒྱད་དང་ལྡན་པ་ཞིག་བཙས་ཏེ། དེ་སྐྱེས་མ་ཐག་ཏུ་ཕ་མས་ཀྱང་འདི་ལྟ་བུ་མི་
D6.011.0082b01.01སྡུག་པ་ཡིད་དུ་མི་འོང་བའི་ཕྱིར་མིང་ཡང་གཟུགས་ངན་དུ་བཏགས་སོ། །དེ་གསོས་བསྐྱེད་ནས་ཆེར་སྐྱེས་པ་དང་། ཕས་བུ་ངོ་ཚ་བར་འགྱུར་བ་གཟུགས་ངན་པ་འདི་འདྲ་བ་ལ་བསླབས་ཏེ་ཅི་རུང་སྙམ་ནས་མ་བསླབས་སོ། །དེ་ནས་ཁྱེའུ་གཟུགས་ངན་དེ་ནམ་ཆེར་གྱུར་པ་དེ་ན་བསླབ་པར་
D6.011.0082b02.01འདོད་ན་ཕས་ནི་མ་བསླབ་ཀྱིས་ཡུལ་གཞན་དུ་འགྲོའོ་སྙམ་དུ་བསམས་ནས། བྲམ་ཟེ་གཞན་ཞིག་གི་དྲུང་དུ་ཕྱིན་ཏེ། བྲམ་ཟེའི་ཁྱེའུ་དེ་ལངས་ནས་བདག་ནི་བྲམ་ཟེ་འདི་ཞེས་བགྱི་བའི་བུ་ལགས་ཏེ་ཁྱོད་ལ་སློབ་པར་འཚལ་བའི་སླད་དུ་ཁྱོད་ཀྱི་དྲུང་དུ་མཆིས་སོ་ཞེས་གསོལ་བ་དང་། དེས་ཀྱང་དེ་
D6.011.0082b03.01བཞིན་གྱིས་ཤིག་ཅེས་དེ་ལ་སྐབས་ཕྱེའོ། །དེས་རིང་པོ་མ་ལོན་པར་བྲམ་ཟེ་དེས་ཅི་ཤེས་པ་ཐམས་ཅད་གཟུགས་ངན་པ་དེས་ཀྱང་ལོབས་སོ། །དེ་ནས་སློབ་དཔོན་དེས་འདི་སྙམ་དུ་བསམས་སོ། །བདག་གི་དྲུང་ན་སློབ་ཅིང་ཤེས་པ་ཡང་བདག་དང་མཚུངས་པར་གྱུར་པ་དེ་ལ་བུ་མོ་ཨུ་དུམ་བཱ་
D6.011.0082b04.01རི་ཀ་སྦྱིན་པར་བདག་གིས་དམ་བཅས་ནས། ད་བྲམ་ཟེ་གཟུགས་ངན་འདིས་བདག་གི་དྲུང་ན་བསླབས་ལ་ཤེས་པ་ཡང་བདག་དང་མཚུངས་པར་གྱུར་ན། འདི་གཟུགས་མི་སྡུག་མོད་ཀྱི་བདག་གིས་གཞན་བྱ་མི་ནུས་ཀྱིས་གཉེན་དུ་བྱས་ཏེ་བདག་དང་ཕ་མེས་ལ་འཇིག་རྟེན་དུ་ཡང་མི་རུང་། བྲམ་
D6.011.0082b05.01ཟེ་གཞན་དག་གིས་ཀྱང་སྨད་པར་འགྱུར་གྱིས་ཅི་ནས་ཡི་དམ་བཅས་པ་བཞིན་དུ་བྱའི་སྙམ་ནས་དེས་བུ་མོ་ཨུ་དུམ་བཱ་རི་ཀ་དེ་རྒྱན་ཐམས་ཅད་ཀྱིས་བཀླུབས་ནས་བྲམ་ཟེའི་ཁྱེའུ་གཟུགས་ངན་པ་ལ་བྱིན་ནས་དེས་དེ་བླངས་ཏེ་དེ་དང་ལྷན་ཅིག་དགའ་བར་སྤྱོད་དུ་མི་སྤོབས་སོ། །དེ་ནས་དེས་བདག་ཉིད་
D6.011.0082b06.01ཀྱི་ཁྱིམ་དུ་འོངས་པ་དང་། དེ་ན་དགའ་མགུར་བྱའོ་སྙམ་དུ་བསམས་ནས་རང་གི་ཁྱིམ་དུ་ཁྲིད་དོ། །ཨུ་དུམ་བཱ་རི་ཀ་དེ་ཡང་དེ་གཟུགས་ངན་པ་མཐོང་ན་ཡང་ཡིད་དུ་མི་འོང་སྟེ་བདག་ནི་གཟུགས་དང་ལྡན་པ། འདི་ནི་མདོག་མི་སྡུག་པ་རྣམ་པ་{བཅྭ་,བཅོ་}བརྒྱད་དང་ལྡན་པས་ན་ཁྱོ་འདི་ལྟ་བུ་དང་ལྡན་པ་
D6.011.0082b07.01