完整藏文原文 · 德格版页 当前仅加载第 11 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ནོ། །འདིར་ནི་ཚོད་མ་བླང་ངོ་། །འཕགས་མ་དེ་བཞིན་དུ་གཞན་དག་ཀྱང་ཞོག་དང་། གལ་ཏེ་ན་ཚོད་མ་མང་དུ་རྙེད་ཀྱང་སྲིད་དོ་ཞེས་སྨྲས་པ་དང་། དེ་ཅང་མི་སྨྲ་བར་འདུག་པ་དེའི་སྐབས་དེ་དགེ་སློང་རྣམས་ཀྱིས་ཐོས་ཏེ་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་
D6.011.0182b01.01དགོངས་པ་ཉེས་དམིགས་གང་ཡིན་པ་ནི་དགེ་སློང་མས་ཁར་བའི་སྣོད་བཅངས་པས་ཡིན་ཏེ། དེ་ལྟ་བས་ན་དགེ་སློང་མ་རྣམས་ཀྱིས་ཁར་བའི་སྣོད་བཅང་བར་མི་བྱའོ་སྙམ་དུ་མཁྱེན་ནས་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་མ་རྣམས་ཀྱིས་ཁར་བའི་སྣོད་བཅང་བར་
D6.011.0182b02.01མི་བྱའོ། །དགེ་སློང་མ་དག་ཁར་བའི་སྣོད་བཅངས་ན་འགལ་ཚབས་ཅན་དུ་འགྱུར་རོ། །ཡང་གཞན་ཁ་གཟར་དང་། ཚྭ་སྣོད་དང་། ཕུལ་བའི་བཏུང་ཕོར་དག་ནི་བཅང་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཞི་བཅུ་རྩ་བཞི་པ། གླེང་གཞི་ནི་མཉན་
D6.011.0182b03.01ཡོད་ནའོ། །མཉན་ཡོད་ན་ཁྱིམ་བདག་གཞན་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད་དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་ལས་བུ་མོ་གཡས་ཞར་མ་ཞིག་བཙས་ཏེ་
D6.011.0182b04.01གཡས་ཞར་མ་དེ་བཀྲ་མི་ཤིས་པས་སུས་ཀྱང་མ་བླངས་སོ། །མཉན་ཡོད་ན་ཁྱིམ་བདག་གཞན་ཞིག་གིས་ཆུང་མ་གཅིག་བླངས་པ་དང་། དེ་རང་གི་ལས་ཀྱིས་དུས་ལས་འདས་སོ། །དེ་དེ་བཞིན་དུ་གཉིས་པ་ནས་གསུམ་པ་དང་བདུན་པའི་བར་དུ་བླངས་ན་དེ་དག་ཀྱང་རང་གི་ལས་ཀྱིས་
D6.011.0182b05.01དུས་ལས་འདས་ཏེ། དེའི་མིང་ཆུང་མ་གསོད་པ་ཆུང་མ་གསོད་པ་ཞེས་ཀུན་དུ་གྲགས་སོ། །དེས་གཞན་ཞིག་གི་བུ་མོ་ཞིག་བསླངས་པ་དང་། དེས་སྨྲས་པ། ཅི་བདག་གི་བུ་མོ་ཡང་ཡོངས་སུ་གཏང་ངམ། ཡུགས་ས་མོ་ཞིག་བསླངས་པ་དང་། ཅི་བདག་ཉིད་ཀྱིས་བདག་ཉིད་ཡོངས་
D6.011.0182b06.01སུ་གཏོང་ངམ་ཞེས་སྨྲས་སོ། །དེས་རང་ཉིད་ཁྱིམ་གྱི་འཚོ་ཚིས་དག་བྱ་བར་བརྩམས་པ་དང་། དེའི་སྟེན་གྲོགས་ཤིག་ཁྱིམ་དུ་འོངས་ཏེ་དེའི་མིང་ཉིད་ནས་ག་རེ་ཞེས་དྲིས་པ་དང་། དེ་དག་གིས་སྨྲས་པ། དེ་ནང་དུ་ཞུགས་ཏེ་ཁྱིམ་གྱི་འཚོ་ཚིས་དག་བྱེད་དོ། །སྟེན་གྲོགས་ཀྱིས་སྨྲས་པ།
D6.011.0182b07.01