完整藏文原文 · 德格版页 当前仅加载第 11 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་ཏེ་དགེ་སློང་གཞན་དག་དང་། ཕྱི་བཞིན་འབྲང་བའི་དགེ་སྦྱོང་དག་དང་། གྲོང་ཁྱེར་རྩྭ་ཅན་གྱི་གྱད་རྣམས་ཀྱི་འདུན་ཁང་ག་ལ་བར་སོང་སྟེ་ཕྱིན་པ་དང་། དེའི་ཚེ་གྲོང་ཁྱེར་རྩྭ་ཅན་གྱི་གྱད་རྣམས་ཀྱི་འདུན་ཁང་ན་གྱད་ལྔ་བརྒྱ་ཙམ་ཞིག་བྱ་བ་དག་ཅིག་གི་ཕྱིར་འདུས་ཤིང་འདུག་
D6.011.0292b01.01པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས་གྲོང་ཁྱེར་རྩྭ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩྭ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་གནས་འཇོག་དག་ཉོན་ཅིག །དེང་གི་མཚན་མོའི་གུང་ཐུན་ལ་སྟོན་པ་ཕུང་པོ་ལྷག་མ་
D6.011.0292b02.01མེད་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདས་ཀྱིས། གང་ཁྱེད་ཀྱིས་བྱ་བ་དང་སྒྲུབ་པ་དག་དེར་བྱོས་ལ་ཕྱིན་ཆད་འདི་སྐད་ཅེས་གྲོང་གི་ཉེན་ཀོར་བ་དག་བདག་ཅག་གི་སྟོན་པ་ཕུང་པོ་ལྷག་མ་མེད་པའི་དབྱིངས་སུ་ཡོངས་སུ་མྱ་ངན་ལས་འདས་ཏེ། བདག་ཅག་གིས་དེ་
D6.011.0292b03.01ལ་མཆོད་ཅིང་བརྩོན་པར་བྱེད་མ་ནུས་སོ་ཞེས་ཡིད་ལ་གཅགས་པར་མ་བྱེད་ཅིག་ཅེས་སྨྲས་ནས། གྲོང་ཁྱེར་རྩྭ་ཅན་གྱི་གྱད་ཁ་ཅིག་ནི་ས་ལ་འགྲེ་ལྡོག །ཁ་ཅིག་ནི་དཔུང་པ་ནས་བཟུང་ནས་ཀུ་ཆོ་འདོན། ཁ་ཅིག་ནི་སྡུག་བསྔལ་གྱིས་སེམས་གཟིར་ཅིང་འདུག །ཁ་ཅིག་ནི་ཆོས་ཉིད་
D6.011.0292b04.01ལ་བརྟེན་ནས་གང་འདི་ལྟར་བདག་ཅག་ལ་བཅོམ་ལྡན་འདས་ཀྱིས་རྣམ་གྲངས་དུ་མར་ཀུན་དུ་བསྟན་ཏེ། ཐམས་ཅད་ཀྱི་སྙིང་དུ་སྡུག་ཅིང་ཕངས་པ། དགའ་བ་དང་། ཡིད་དུ་འོང་བ་དང་བྲལ་ནས་མེད་པ་དང་། ཞིག་པ་དང་། བྱེ་བར་གྱུར་ཏོ། །དེ་ནས་གྲོང་ཁྱེར་རྩྭ་ཅན་གྱི་གྱད་རྣམས་ཇི་ཙམ་
D6.011.0292b05.01གྲོང་ཁྱེར་རྩྭ་ཅན་གྱི་དྲི་དང་། ཕྲེང་བ་དང་། བདུག་སྤོས་དང་། ཕྱེ་མ་དང་། རོལ་མོའི་ཆ་བྱད་དག་ཐོགས་ཏེ། དེ་དག་གི་བུ་དང་། ཆུང་མ་དང་། བྲན་ཕོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་དང་། དེ་དག་གི་མཛའ་བཤེས་དང་། ཉེ་དུ་དང་། བློན་པོ་དང་། སྣག་གི་
D6.011.0292b06.01གཉེན་མཚམས་རྣམས་གྲོང་ཁྱེར་རྩྭ་ཅན་ནས་བྱུང་ནས་ཤིང་སཱ་ལ་ཟུང་གཉིས་ཀྱི་ཚལ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་སེང་གེ་ལྟ་བུར་གཟིམས་པ་ལ་དྲི་དང་། ཕྲེང་བ་དང་། བདུག་སྤོས་དང་། ཕྱེ་མ་དང་། རོལ་མོས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་
D6.011.0292b07.01