完整藏文原文 · 德格版页 当前仅加载第 11 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་པ་བྱས་ཏེ་ངེས་པར་སླར་ཐོང་ཤིག །དེས་ཀྱང་བཟུང་སྟེ་བསྐུར་རོ། །ལྔ་ལེན་གྱི་རྒྱལ་པོ་ཁྲོས་པས་སྤུ་རིལ་ཕྱི་ནས་ཤའི་རི་ལུར་བཞག་སྟེ་འགྲོ་ན་སོང་ཤིག་ཅེས་ཕྱི་རོལ་དུ་བོར་བ་དང་། ཁྲས་ཁྱེར་རོ། །དེས་ཀྱང་ཁྲ་ལ་གསོལ་བ་བཏབ་པ། ཁོ་བོ་ཟོས་པ་ནི་ཉིན་གཅིག་གི་ཟས་སུ་ཟད་དེ་ཁོ་བོ་
D6.011.0080b01.01བཏང་ན་ནི་ཉིན་གཅིག་བཞིན་དུ་ཇི་ལྟ་བུའི་དགོས་པ་དང་བཟའ་བ་མང་པོ་དག་དེ་བཞིན་དུ་སྦྱར་བར་བྱའོ་ཞེས་དེས་ཡིད་ཆེས་པར་མནའ་བོར་ནས་བཏང་སྟེ། སྤྱོད་གསལ་གྱིས་སྨྲས་པ། ཕྱོགས་ཆེ་གེ་མོ་ཞིག་ན་རྒྱལ་པོའི་གཙུག་ལག་ཁང་དེར་ཞོག་ཤིག །དེས་དེ་བཞིན་དུ་བྱས་པ་དང་། དེ་
D6.011.0080b02.01གཙུག་ལག་(ཁོང་,ཁང་)དུ་སོང་སྟེ་བུ་ག་ཞིག་ཏུ་ཞུགས་པ་དང་། ཕྱི་དེ་ཉིན་བྲམ་ཟེ་དག་ལྷ་མཆོད་པའི་ཕྱིར་དེར་ལྷགས། ལྷ་དྲི་མ་ཕྱིས་ཏེ། བདུག་པ་དང་། མེ་ཏོག་དང་། ལྷ་བཤོས་དང་། གཏོར་མ་སྦྱིན་པར་བརྩོན་ན། སྤྱོད་གསལ་དེས་ཀྱང་སྨྲས་པ། ཀྱེ་བྲམ་ཟེ་རྒྱལ་པོ་སྡིག་
D6.011.0080b03.01པ་ཅན་ལྔ་ལེན་གྱི་རྒྱལ་པོ་ལ་ངའི་ཚིག་འདི་བརྗོད་པར་བྱའོ། །ཉེས་པ་འདི་དང་འདི་དག་བྱས་པ་དེ་ནི་ངས་གནོད་པར་བྱས་པ་ཡིན་ནོ། །གལ་ཏེ་ངའི་ཚིག་བཞིན་མ་བྱས་ན་ཕྱིར་ཡང་བྱའོ། །དེ་ལྟར་རེ་ཞིག་ཉིན་རེ་ཞིང་ཤ་རྗེན་དམར་པོ་དང་། ཏིལ་དང་། འབྲས་ཐུག་པོ་ཆེ་བྲེའུ་ཆུང་གང་གི་
D6.011.0080b04.01ལྷ་བཤོས་བྱས་པ་དང་དེ་ནས་ཕྱིས་བསམ་མོ། །སོང་ནས་དེས་ལྔ་ལེན་གྱི་རྒྱལ་པོ་ལ་ཁོང་དུ་ཆུད་པར་བྱས་སོ། །རྒྱལ་པོས་ཀྱང་དེའི་དོན་ཁོ་ནར་ལྷ་བཤོས་དང་། གཏོར་མ་བྱ་བ་ལ་ཞུགས་ཏེ། ཉིན་གཅིག་བཞིན་དུ་རྒྱལ་པོ་དང་། བློན་པོ་དང་། མདུན་ན་འདོན་དག་ལྷགས་ནས་
D6.011.0080b05.01ལྷ་ལ་གནང་ངམ་མི་གནང་བཀའ་སྩལ་པར་གསོལ་བ་བཏབ་པ་དང་། དེ་བཞིན་དུ་བྱའོ་ཞེས་སོ། །འདི་ལྟར་དུས་མང་དུ་ལོན་ནས་ནེ་ཙོ་སྤྱོད་གསལ་དེའི་གཤོག་པ་སྐྱེས་ཤིང་འཕུར་ནུས་པར་གྱུར་པ་དང་། ཡང་འགྲོ་བའི་བློ་སྐྱེས་ཏེ། དེ་ལ་ཡང་སྨྲས་པ། འདི་ལྟར་ང་ལ་
D6.011.0080b06.01གང་ཁྱེད་སྟོབས་ཀྱི་དཔུང་དང་། ལྷ་མོ་དང་། གཞོན་ནུ་དང་། བློན་པོ་དག་དང་ལྷན་ཅིག་མགོ་གཏུན་བཞིན་བྲེགས་ལ་ངའི་དྲུང་དུ་ཤོག་ཤིག་དང་། འདི་ལྟར་བཟོད་ཅིང་གནང་བར་བྱའོ། །དེས་རྒྱལ་པོ་ལ་ཁོང་དུ་ཆུད་པར་བྱས་པ་དང་། རྒྱལ་པོས་ཀྱང་དེ་བཞིན་དུ་བྱས་ཏེ།
D6.011.0080b07.01