完整藏文原文 · 德格版页 当前仅加载第 11 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
མཉན་ནས་ཆོས་དང་མཐུན་པའི་ཁང་{བཟངས་ཀྱི་,བཟང་གི་}ཤོད་དུ་གསེར་ལས་བྱས་པའི་གདན་བཟང་པོ་བཤམས་ཏེ་རྒྱལ་པོ་ལེགས་མཐོང་ཆེན་པོ་ག་ལ་བར་སོང་ནས་ཕྱིན་ཏེ་རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷ་ཆོས་དང་མཐུན་པའི་ཁང་{བཟངས་ཀྱི་,བཟང་གི་}ཤོད་དུ་གསེར་
D6.011.0272a01.01ལས་བགྱིས་པའི་གདན་བཟང་པོ་བཤམས་ལགས་ན། ལྷ་ད་དེའི་དུས་ལ་བབ་པར་དགོངས་སུ་གསོལ། དེ་ནས་རྒྱལ་པོ་ལེགས་མཐོང་ཆེན་པོ་ཆོས་དང་མཐུན་པའི་ཁང་{བཟངས་,བཟང་}ནས་འབབ་པ་ན་བུད་མེད་དེ་ཐམས་ཅད་རྒྱན་སེར་པོ་དང་། གོས་སེར་པོ་དང་། ཕྲེང་བ་དང་། ཕྱང་ཕྲུལ་དང་། བྱུག་
D6.011.0272a02.01པ་སེར་པོ་དང་། འཁོར་སེར་པོར་ཆས་པ་མཐོང་ངོ་། །མཐོང་ནས་ཀྱང་ཀྱེ་མ་བུད་མེད་འདི་དག་ནི་ཆགས་པར་འགྱུར་རོ་སྙམ་དུ་རིག་ནས་གནམ་དུ་ལྟ་ཞིང་འདུག་པ་དང་། བཙུན་མོ་རིན་པོ་ཆེས་རྒྱལ་པོ་ལེགས་མཐོང་ཆེན་པོ་གནམ་དུ་ལྟ་ཞིང་འདུག་པ་མཐོང་ངོ་། །མཐོང་ནས་འདི་སྙམ་དུ་
D6.011.0272a03.01སེམས་ཏེ། ཇི་ལྟར་ལྷས་བདག་ཅག་མཐོང་ནས་གནམ་དུ་ལྟ་ཞིང་འདུག་པ་དང་སྦྱར་ན། ལྷས་བདག་ཅག་ལ་གནོད་པ་ཞིག་བྱེད་པར་མི་འགྱུར་གྲང་སྙམ་མོ། །དེ་ནས་རྒྱལ་པོ་ལེགས་མཐོང་ཆེན་པོ་ཆོས་དང་མཐུན་པའི་ཁང་{བཟངས་,བཟང་}ནས་བབས་ནས་གསེར་ལས་བྱས་པའི་སྟན་བཟང་པོ་
D6.011.0272a04.01བཤམས་པ་ལ་འདུག་པ་དང་། བཙུན་མོ་རིན་པོ་ཆེ་རྒྱལ་པོ་ལེགས་མཐོང་ཆེན་པོ་ག་ལ་བ་དེར་སོང་སྟེ་ཕྱིན་ནས་རྒྱལ་པོ་ལེགས་མཐོང་ཆེན་པོའི་རྐང་པ་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཙུན་མོ་རིན་པོ་ཆེས་རྒྱལ་པོ་ལེགས་མཐོང་
D6.011.0272a05.01ཆེན་པོ་ལ་འདི་སྐད་ཅེས་སྨྲས་སོ། །བུད་མེད་བརྒྱད་ཁྲི་བཞི་(སྟང་,སྟོང་)པོ་འདི་དག་ནི་ལྷའི་ལགས་ཀྱིས། ལྷ་འདི་དག་ལ་དགྱེས་པ་བསྐྱེད་པ་དང་འཚོ་བའི་སླད་དུ་གཟིགས་སུ་གསོལ། བློན་པོ་རིན་པོ་ཆེ་ལ་སོགས་པ་མཐའི་རྒྱལ་ཕྲན་བརྒྱད་ཁྲི་བཞི་སྟོང་དང་། གླང་པོ་ཆེའི་རྒྱལ་པོ་ཉེ་བའི་
D6.011.0272a06.01གསོ་སྦྱོང་ལ་སོགས་པ་གླང་པོ་ཆེ་བརྒྱད་ཁྲི་བཞི་སྟོང་དང་། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང་། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་དང་། རྒྱལ་པོའི་ཕོ་བྲང་རྩྭ་ཅན་ལ་སོགས་པ་གྲོང་ཁྱེར་བརྒྱད་ཁྲི་བཞི་སྟོང་དང་། ཁང་
D6.011.0272a07.01