完整藏文原文 · 德格版页 当前仅加载第 11 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དབྱིངས་སུ་ཡོངས་སུ་མྱ་ངན་ལས་འདའ་བར་གྱུར་ན་བདག་ནི་ཆོས་རྣམས་ལ་ཐེ་ཚོམ་ཡོད་པར་གྱུར་ཏེ། བདག་གི་ཐེ་ཚོམ་ཡོད་པ་དེ་འདི་ལྟར་བཅོམ་ལྡན་འདས་གཽ་ཏ་མས་བདག་གི་ཐེ་ཚོམ་སེལ་སྤྱོད་པར་འགྱུར་རོ་སྙམ་དུ་བདག་སེམས་ཤིང་འདུག་སྟེ། མ་ལ་བདག་བཅོམ་
D6.011.0280a01.01ལྡན་འདས་གཽ་ཏ་མ་ག་ལ་བ་དེར་སོང་སྟེ་ཕྱིན་ནས། གལ་ཏེ་ཞུས་ནས་ལུང་བསྟན་པའི་སླད་དུ་སྐབས་ཕྱེ་ན་ཕྱོགས་འགའ་ཞིག་ཞུའོ་སྙམ་ནས་གྲོང་ཁྱེར་རྩྭ་ཅན་ནས་བྱུང་སྟེ་ཤིང་སཱ་ལ་ཟུང་གཉིས་ཀྱི་ཚལ་ག་ལ་བ་དེར་སོང་ངོ་། །དེའི་ཚེ་ཚེ་དང་ལྡན་པ་ཀུན་དགའ་བོ་ཕྱི་རོལ་དུ་བྱུང་སྟེ། བླ་གབ་
D6.011.0280a02.01མེད་པའི་འཆག་ས་ན་འཆག་ཅིང་འདུག་པ་དང་། ཀུན་དུ་རྒྱུ་རབ་བཟང་གིས་ཚེ་དང་ལྡན་པ་ཀུན་དགའ་བོ་ཕྱི་རོལ་ཏུ་བྱུང་སྟེ། བླ་གབ་མེད་པའི་འཆག་ས་ན་འཆག་ཅིང་འདུག་པ་རྒྱང་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་
D6.011.0280a03.01ཀུན་དགའ་བོ་ལ་འདི་སྐད་ཅེས་སྨྲས་སོ། །ཀྱེ་ཀུན་དགའ་བོ་བདག་གིས་དགེ་སྦྱོང་གཽ་ཏ་མ་དེང་གི་མཚན་མོའི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ་ཞེས་ཐོས་ནས་བདག་ནི་ཆོས་རྣམས་ལ་ཐེ་ཚོམ་ཡོད་པར་གྱུར་ཏེ། བདག་
D6.011.0280a04.01གི་ཐེ་ཚོམ་ཡོད་པ་དེ་འདི་ལྟར་བཅོམ་ལྡན་འདས་གཽ་ཏ་མས་བདག་གི་ཐེ་ཚོམ་སེལ་སྤྱོད་པར་འགྱུར་རོ་སྙམ་དུ་བདག་སེམས་ཤིང་མཆིས་ན། གལ་ཏེ་བཙུན་པ་ཀུན་དགའ་བོས་ནང་དུ་མཆི་བར་གནང་སྟེ། གལ་ཏེ་ཞུས་ནས་ལུང་བསྟན་པའི་སླད་དུ་སྐབས་(ཕྱ་ན་,ཕྱེ་ན་)ཕྱོགས་འགའ་ཞིག་ཞུ་བར་བགྱིའོ། །རབ་
D6.011.0280a05.01བཟང་དེ་བཞིན་གཤེགས་པ་ལ་འཚེ་བར་མ་བྱེད་ཅིག་ཆོག་གོ། །བཅོམ་ལྡན་འདས་ཀྱི་སྐུ་ནི་དུབ་བོ། །བདེ་བར་གཤེགས་པའི་སྐུ་ནི་དུབ་བོ། །ཀུན་དུ་རྒྱུ་རབ་བཟང་གིས་ལན་གཉིས་ལན་གསུམ་གྱི་བར་དུ་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཀྱེ་ཀུན་དགའ་བོ་བདག་གིས་ཀུན་དུ་
D6.011.0280a06.01རྒྱུ་སྤྱོད་པ་ཅན་རྒན་པོ་རྒན་པོ་སློབ་དཔོན་སྔ་རབས་དག་ལས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བ་ནི། བརྒྱ་ལམ་རེས་འགའ་ན། འདི་ལྟར་མེ་ཏོག་ཨུ་དུམ་བཱ་ར་བཞིན་ནོ་ཞེས་ཐོས་ཏེ། བཅོམ་ལྡན་འདས་གཽ་ཏ་མ་དེ་དེང་གི་མཚན་མོའི་གུང་ཐུན་
D6.011.0280a07.01