完整藏文原文 · 德格版页 当前仅加载第 11 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་པ་ཅན་གྱིས་སྡིག་པ་སྤོངས། །ཉོན་མོངས་ཟད་ནས་མྱ་ངན་འདའ། །དེ་ནས་བཅོམ་ལྡན་འདས་ཀྱིས་མགར་བའི་བུ་ཙུན་ད་ལ་ཆོས་ཀྱི་གཏམ་བསྟན་ཏེ། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བ་བསྐྱེད་དེ།
D6.011.0258a01.01རྣམ་གྲངས་དུ་མའི་ཆོས་ཀྱིས་ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བ་བསྐྱེད་དེ་སྟན་ལས་ལངས་ཏེ་སོང་ངོ་། །བཞེངས་ཏེ་གཤེགས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ལྔ་བཅུ་གཉིས་པ། བར་སྡོམ་ནི།
D6.011.0258a02.01ཙ་པ་ལ་དང་ཚེ་ཡི་འདུ་བྱེད་མཛད། །གླང་པོ་ཆེན་པོ་གཟིགས་པར་མཛད་པ་དང་། །རུ་རྟ་ལ་སོགས་གྲོང་ཁྱེར་བཅུ་རྣམས་དང་། །གཡོས་པ་མདོ་སྡེ་དག་དང་སྡིག་པ་ཅན། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གྲོང་
D6.011.0258a03.01ཁྱེར་རྩྭ་ཅན་ག་ལ་བར་འདོང་ངོ་། །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ཏོ། །དེ་ནས་བཅོམ་ལྡན་འདས་གྱད་ཀྱི་ལྗོངས་རྒྱུ་ཞིང་གཤེགས་པ་ནས། སྡིག་པ་ཅན་གྱི་བར་དང་། ཆུ་བོ་དབྱིག་ལྡན་གྱི་བར་དུ་བཅོམ་ལྡན་
D6.011.0258a04.01འདས་ཤུལ་དུ་ཞུགས་ཏེ་གཤེགས་པ་ལས་ཤུལ་ནས་གྱུ་སྟེ་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ང་རྒྱབ་མི་བདེ་སྟེ་ངལ་བསོས། དེ་བཞིན་གཤེགས་པའི་བླ་གོས་བཞི་ལྟབ་ཏུ་ལྟོབ་ལ་ཐིང་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་
D6.011.0258a05.01བོས་བཅོམ་ལྡན་འདས་ཀྱི་ལྟར་མཉན་ཏེ། རིངས་པ་རིངས་པར་བླ་གོས་བཞི་ལྟབ་ཏུ་བལྟབ་སྟེ་བཏིང་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པའི་བླ་གོས་བཞི་ལྟབ་ཏུ་བལྟབ་སྟེ་བཏིང་ལགས་ན་བཅོམ་ལྡན་འདས་ཀྱིས་ད་དེའི་དུས་ལ་
D6.011.0258a06.01བབ་པར་དགོངས་སུ་གསོལ། དེ་ནས་བཅོམ་ལྡན་འདས་ཀྱིས་ན་བཟའ་སྣམ་སྦྱར་ལྟབ་མ་མང་དུ་མཛད་ནས་ཕངས་སུ་བཅུག་སྟེ། གློ་གཡས་པས་ཕབ་ནས་ཞབས་ཀྱི་སྟེང་དུ་ཞབས་གཞག་སྟེ། སྣང་བའི་འདུ་ཤེས་དང་། དྲན་པ་དང་། ཤེས་བཞིན་དང་། བཞེངས་པའི་འདུ་
D6.011.0258a07.01