完整藏文原文 · 德格版页 当前仅加载第 11 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་ལ་ཡིད་ལ་ཟུང་ཤིག་དང་བཤད་པར་བྱའོ། །ཡོངས་སུ་ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་ལས་ལ་མི་དགའ་བ་དང་། སྨྲ་བ་ལ་མི་དགའ་བ་དང་། གཉིད་ལ་མི་དགའ་བ་དང་། བྲེ་མོའི་གཏམ་ལ་མི་དགའ་བ་དང་། འདུ་བ་ལ་མི་དགའ་
D6.011.0232b01.01བ་དང་། འདུ་འཛི་ལ་མི་དགའ་བར་གྱུར་ཏེ། གནས་པ་དང་། རྙེད་པ་དང་། བཀུར་སྟི་དང་། ཚིགས་སུ་བཅད་པ་དང་། འདུ་ཤེས་གཞན་རབ་ཏུ་སྤངས་ནས་སྦྱོར་བ་རྗེས་སུ་བརྩོན་པར་གནས་ཤིང་ཅུང་ཟད་ཙམ་དང་། ངན་ངོན་ཙམ་གྱིས་ཆོག་པར་འཛིན་ཅིང་། དེས་གོང་
D6.011.0232b02.01ནས་གོང་དུ་བྱ་བ་སྒྲུབ་པ་ལས་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་ཀུན་དུ་སྤྱོད་ལ། དགེ་སློང་དག་ཡོངས་སུ་
D6.011.0232b03.01ཉམས་པར་མི་འགྱུར་བའི་ཆོས་འདི་བདུན་ཀུན་དུ་སྣང་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གཞན་ཡང་ངས་ཁྱེད་ལ་ཡོངས་སུ་ཉམས་པར་མི་འགྱུར་བའི་ཆོས་བདུན་བསྟན་པར་བྱས། དེ་རབ་ཏུ་
D6.011.0232b04.01ཉོན་ལ་ཡིད་ལ་ཟུང་ཤིག་དང་བཤད་པར་བྱའོ། །ཡོངས་སུ་ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་དད་པ་དང་། ངོ་ཚ་ཤེས་པ་དང་། ཁྲེལ་ཡོད་པ་དང་། བརྩོན་འགྲུས་བརྩམས་པ་དང་། དྲན་པ་ཉེ་བར་གཞོག་པ་དང་། མཉམ་
D6.011.0232b05.01པར་གཞོག་པ་དང་། ཤེས་རབ་དང་ལྡན་པར་གྱུར་པ་ལས་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་ཀུན་དུ་
D6.011.0232b06.01སྤྱོད་ལ། དགེ་སློང་དག་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཀུན་དུ་སྣང་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གཞན་ཡང་ངས་ཁྱེད་ཅག་ལ་ཡོངས་སུ་ཉམས་པར་མི་འགྱུར་
D6.011.0232b07.01