完整藏文原文 · 德格版页 当前仅加载第 11 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་བ་ལ་དྲིས་ནས་གཙུག་ལག་ཁང་དུ་འོང་དུ་བཅུག་ལ་གདམས་ངག་ནི་བཀྱིག་པར་བྱའོ་ཞེས་བཀའ་སྩལ་པ་དང་། དགེ་སློང་མ་རྣམས་ཀྱིས་ཇི་སྐད་དུ་དྲིས་ནས་ནང་དུ་འཇུག་པར་མི་ཤེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མས་གཙུག་ལག་ཁང་
D6.011.0174b01.01དུ་མི་འཇུག་པར་འདི་སྐད་ཅེས་འཕགས་པ་དག་བདག་ཅག་གཙུག་ལག་ཁང་དུ་འཇུག་གིས་མཁྱེན་པར་མཛོད་ཅིག་ཅེས་སྨྲོས་ཤིག །དགེ་སློང་གིས་ཀྱང་སྲིང་མོ་དག་འཁོན་ཅན་མཚོན་ཆ་དང་ཁབ་དག་འཆང་བ་མ་ཡིན་ནམ་ཞེས་དྲིས་ཤིག །དགེ་སློང་མས་མ་དྲིས་པར་ཞུགས་ན།
D6.011.0174b02.01འགལ་ཚབས་ཅན་དུ་འགྱུར་རོ། །དགེ་སློང་གིས་མ་སྨྲས་ན་ཡང་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་གདམས་ངག་བཀྱིག་པར་བྱའོ་ཞེས་བཀའ་སྩལ་པ་དང་། དྲུག་སྡེ་རྣམས་ཀྱིས་མ་བཀྱིགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D6.011.0174b03.01མ་ཉེས་པ་དང་བཅས་པ་ལ་དགེ་སློང་གི་དགེ་འདུན་མི་བཟོད་བཞིན་དུ་དགེ་སློང་གིས་གདམས་ངག་བརྗོད་པར་མི་བྱའོ། །དགེ་སློང་མ་ཉེས་པ་དང་བཅས་པ་ལ་དགེ་སློང་གི་དགེ་འདུན་མི་བཟོད་བཞིན་དུ་དགེ་སློང་གིས་གདམས་ངག་རྗོད་པར་བྱེད་ན་འགལ་ཚབས་ཅན་དུ་འགྱུར་རོ། །
D6.011.0174b04.01གདམས་ངག་ལ་ཇི་ལྟ་བ་བཞིན་དུ་གསོ་སྦྱོང་དང་དགག་དབྱེ་ལ་ཡང་དེ་བཞིན་ནོ།། །།སྡོམ་ལ། དགེ་སློང་མས་ནི་བཟོད་གསོལ་དང་། །དགག་དབྱེ་ལས་ནི་གསོ་སྦྱོང་མིན། །གཅིག་ལ་གཅིག་ཀྱང་བཟོད་པ་གསོལ། །གཉིས་ནི་རྒན་རིམས་ཇི་བཞིན་ནོ། །སངས་
D6.011.0174b05.01རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་མ་གཞན་ཞིག་དགེ་སློང་ཞིག་ལས་ཀློག་པར་བྱེད་དོ། །ཇི་ཙམ་དུས་གཞན་ཞིག་ན་དེ་ལ་ཉེས་པ་ཞིག་བྱུང་ནས་དེས་དེ་སྤྱོས་པ་དང་། དེ་དབྱར་ཁང་
D6.011.0174b06.01དུ་སོང་ནས་གློས་ཕབ་སྟེ་འདུག་གོ། །དེ་ནས་མཁན་མོས་མཐོང་ནས་སྨྲས་པ། གཞོན་ནུ་མ་ཁྱོད་ཅིའི་ཕྱིར་གློས་ཕབ་སྟེ་འདུག །དེས་སྨྲས་པ་མཁན་མོ་སློབ་དཔོན་གྱིས་བདག་ལ་སྤྱོས་ན་ཅི་ལྟར་བགྱི་བ་མ་འཚལ་ཏོ། །བུ་མོ་མཁན་མོ་དང་སློབ་དཔོན་ནི་བསྟན་པ་
D6.011.0174b07.01