完整藏文原文 · 德格版页 当前仅加载第 11 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ལ་བསྙེན་བཀུར་བྱ། དེས་སྨྲས་པ། གྲོགས་པོ་དེ་ཡང་བདེན་ན་འོན་ཀྱང་གདོན་མི་ཟ་བར་བུ་བསྐྱེད་དགོས་ཏེ་གཞན་དུ་ན་རབས་འཆད་པར་འགྱུར་ན་ཅི་སྟེ་གཞན་གྱི་བུ་མོ་སློང་བར་མི་བྱེད། དེས་སྨྲས་པ། གྲོགས་པོ་ཅི་ཕན་གང་ལ་བསླངས་པ་དེ་(ངད་,ངེད་)ཀྱི་བུ་མོ་ཅི་སྟེ་གསད་
D6.011.0031b01.01ཅེས་ཟེར་རོ། །དེས་སྨྲས་པ། གྲོགས་པོ་གལ་ཏེ་དེ་ལྟ་ན་ཡུགས་ས་མོ་དག་བསླང་ན་ཅི་ཉེས། དེས་སྨྲས་པ། གྲོགས་པོ་བདག་གིས་བསླང་ན་དེ་དག་ཀྱང་ངའི་ལུས་ཅིའི་ཕྱིར་ཡོངས་སུ་དོར་ཞེས་ཟེར་རོ། །དེས་སྨྲས་པ། གྲོགས་པོ་གལ་ཏེ་དེ་ལྟ་ན་འོད་བཟང་མ་ཅིའི་ཕྱིར་མི་
D6.011.0031b02.01བསླང་། དེས་སྨྲས་པ། གྲོགས་པོ་འཇིག་རྟེན་ཀུན་དུ་གྲགས་པ་དེས་ཇི་སྨད་འཚོང་མའི་ཁྱིམ་དུ་བྱའམ། དེས་སྨྲས་པ། གྲོགས་པོ་ཁྱོད་དད་པ་ཅན་ཡིན་པས་ཁྱོད་ཀྱིས་ཁྱིམ་དུ་དགེ་སློང་ལས་སུ་ཞིག་འོང་སློངས་ཤིག །དེས་སྨྲས་པ། གྲོགས་པོ་གལ་ཏེ་དེ་ཡང་མི་སྟེར་
D6.011.0031b03.01མོད། གྲོགས་པོ་སློངས་ཤིག་དང་། དེའི་ཕ་ཡང་སྐྱོ་ཞིང་འདུག་པས་སྟེར་བར་འགྱུར་རོ། །དེ་ཁྱིམ་བདག་དེའི་ཁྱིམ་དུ་སོང་སྟེ་དེས་སྨྲས་པ། བདེ་ལེགས་སུ་གྱུར་ཅིག །བདེ་ལེགས་སུ་གྱུར་ཅིག །ཁྱིམ་བདག་དེས་སྨྲས་པ། ཅི་ཞིག་འདོད། འོད་བཟང་མའོ། །
D6.011.0031b04.01སྦྱིན་ནོ། །དེས་དེ་དཔལ་གྱི་འབྱོར་པ་ཆེན་པོས་བག་མར་བླངས་ཏེ་ལྡེ་མིག་དང་། ལྡེ་མིག་ཀྱོག་པོ་དག་བྱིན་ནས་ཁྱིམ་གྱི་བདག་མོར་བཅུག་སྟེ་སྨྲས་པ། བཟང་མོ་ཁོ་བོ་ཅག་གི་རིགས་ཀྱི་ལུགས་ཀྱིས་ནི་སྟོན་པ་སངས་རྒྱས་དང་། དགེ་སློང་དག་སྦྱིན་གནས་ཡིན་པས་ཁྱོད་ཀྱིས་
D6.011.0031b05.01ཀྱང་དེ་དག་ལ་བྱ་བ་བྱོས་ཤིག །དེས་སྨྲས་པ། ཇོ་བོ་ལེགས་ཀྱིས་དེ་བཞིན་དུ་བགྱིའོ། །ཁྱིམ་བདག་དེའི་ཁྱིམ་དུ་དགེ་སློང་དག་ཉིན་གཅིག་བཞིན་དུ་ཟན་ཟ་བ་ལ་འོད་བཟང་མ་རང་གིས་ལག་དར་ཏེ་འབྲིམ་མོ། །དེ་ན་དགེ་སློང་གང་དག་ཁ་དོག་དང་། དབྱིབས་དང་། ལང་
D6.011.0031b06.01ཚོའི་ཁྱད་པར་ཕུན་སུམ་ཚོགས་པ་དེ་དག་དེས་མཐོང་ནས་རྣམ་པར་རྟོག་པ་སྐྱེས་པར་གྱུར་ཏོ། །དེ་དེ་དག་ལ་རྟོག་པ་འཕེལ་བས་ཡིད་བདེ་བ་སྐྱེས་པར་གྱུར་ཏོ། །ཁྱིམ་བདག་དེ་ཡང་རི་འོར་ཞིག་ཏུ་དོན་ཞིག་ཡོད་ནས་དེས་བཟང་མོ་ཁོ་བོ་ནི་རི་འོར་ཆེ་གེ་མོ་ཞིག་ཏུ་དོན་ཅིག་ཡོད་དེ།
D6.011.0031b07.01