完整藏文原文 · 德格版页 当前仅加载第 11 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་གོ། །དེས་སྨྲས་པ། ཤེས་ལྡན་དག་འབྲས་བུ་ཅིར་འགྱུར། དེ་དག་གིས་སྨྲས་པ། གཞི་དེ་ལས་ལྷ་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་འགྱུར་རོ། །རྒྱལ་པོས་སྨྲས་པ། ཤེས་ལྡན་དག་གང་གིས་ང་རྒྱལ་སྲིད་ལས་ཀྱང་ཉམས་པར་མི་འགྱུར་ཞིང་སྲོག་
D6.011.0011b01.01གི་བར་ཆད་དུ་ཡང་མི་འགྱུར་བའི་ཐབས་དེ་ལྟ་འགའ་ཡོད་དམ། དེ་དག་གིས་སྨྲས་པ། ལྷ་ཁྱོད་ཀྱིས་སྡིག་ཆེན་པོ་བྱས་ཏེ་བྲམ་ཟེ་བརྒྱད་ཁྲི་བསད་པས་དེའི་སླད་དུ་གལ་ཏེ་སྤྱོད་ན་ཐབས་གཅིག་ཅིག་མཆིས་སོ། །དེ་བྲམ་ཟེ་བསད་པ་དྲན་ནས་སྙིང་ཀུན་ཏུ་འདར་ཏེ་སྨྲས་པ། ཤེས་ལྡན་དག་
D6.011.0011b02.01ཅི་བྱ་སྨྲོས་ཤིག །དེ་དག་གིས་སྨྲས་པ། ལྷ་སྐྱེད་མོས་ཚལ་དུ་རྫིང་བུ་རྐོར་སྩལ་ཏེ། །བརྐོས་ནས་རྡོ་ཐལ་གྱི་ཉུག་ཏུ་སྩོལ་ཅིག །དེ་ནས་དེར་ཡན་ལག་གི་མཆོག་ལྔ་པོ་གསོས་པ་དང་། མདུན་ན་འདོན་དང་། བ་ལང་སྐྱོང་གི་མ་ཞི་བ་དང་། སྐྱ་བསེང་གི་བུ་མོ་སྒྲོལ་མ་དང་།
D6.011.0011b03.01གཞོན་ནུ་བ་ལང་སྐྱོང་རྣམས་བསད་དེ་བཅུག་ལ་དེ་རྣམས་ཀྱི་ཁྲག་གིས་ཁྲུས་མཛད་དེ་རྫིང་བུ་ནས་བྱུང་ལ་པུས་མོ་གཉིས་ས་ལ་བཙུགས་ནས་བྲམ་ཟེ་རྣམས་ཀྱི་རྐང་པ་ལ་ལྕེས་བལྡགས་ནས། དེ་ལྟ་ན་ཁྱོད་རྒྱལ་སྲིད་ལས་ཀྱང་ཉམས་པར་མི་འགྱུར་ཞིང་། སྲོག་གི་བར་ཆད་དུ་ཡང་མི་འགྱུར་
D6.011.0011b04.01རོ། རྒྱལ་པོས་བསམས་པ། གལ་ཏེ་བདག་གིས་ཡན་ལག་གི་མཆོག་ལྔ་པོ་གསོས་པ་དང་། མདུན་ན་འདོན་དང་། བ་ལང་སྐྱོང་གི་མ་ཞི་བ་དང་། སྐྱ་བསེང་གི་བུ་མོ་སྒྲོལ་མ་དང་། གཞོན་ནུ་བ་ལང་སྐྱོང་རྣམས་བསད་ན་བདག་རྒྱལ་པོ་བྱས་ཏེ་ཡང་ཅི་རུང་སྙམ་དུ་བསམས་ནས་བྲམ་ཟེ་
D6.011.0011b05.01རྣམས་ལ་སྨྲས་པ། ཤེས་ལྡན་དག་ཁྱེད་ཀྱིས་གང་སྨྲས་པ་དེ་ངས་ཐོས་ཀྱིས་དེང་ཤིག་དང་རེ་ཞིག་བསམས་ཏེ་བྱའོ། །བྲམ་ཟེ་རྣམས་དོང་བ་དང་དེ་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་པ་བ་ལང་སྐྱོང་གི་མ་ཞི་བས་མཐོང་སྟེ་དེས་སྨྲས་པ། ལྷ་ཅིའི་སླད་དུ་ཕྱག་འགྲམ་
D6.011.0011b06.01པ་ལ་གཏད་དེ་སེམས་ཁོང་དུ་ཆུད་ཅིང་བཞུགས། དེས་ཇི་ལྟར་གྱུར་པ་ཐམས་ཅད་དེ་ལ་བསྙད་པ་དང་། དེས་སྨྲས་པ། ལྷ་བྲམ་ཟེ་དེ་དག་ནི་རྟག་ཏུ་མི་རིགས་པ་བསྟེན་པ་ལགས་པས་དེ་དག་ཅི་འཚལ། བཞུད་ལ་འཕགས་པ་ཀ་ཏྱའི་བུ་ཆེན་པོ་ལ་ཞུས་ཤིག །དེས་སྨྲས་པ། ཞི་བ་ལེགས་
D6.011.0011b07.01