完整藏文原文 · 德格版页 当前仅加载第 11 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་གླང་པོ་ཆེ་ཐོང་ཤིག་ཅེས་བྱས་པ་དང་། དེས་མྱུར་བ་མྱུར་བར་ཤིང་གི་ཡལ་ག་ལ་འཇུས་སོ། །གསོས་པས་ཀྱང་ཤིང་གི་ཡལ་ག་ལ་འཇུས་པ་དང་འདམ་བུའི་རི་འདས་ཏེ་སོང་ངོ་། །རྒྱལ་པོས་གསོས་པ་ལ་སྨྲས་པ། གསོས་པ་སོང་ལ་མ་ཚོར་བར་ཞི་བ་ལ་ལྷ་ནི་བྱོན་ནས་སྐྱེད་མོས་ཚལ་ན་བཞུགས་སོ། །
D6.011.0008b01.01ཞེས་གྱིས་ཤིག །དེ་སོང་ནས་དེ་ལ་བརྗོད་པ་དང་། དེ་དགའ་བ་སྐྱེས་ནས་ཅང་མི་ཟེར་བར་འདུག་གོ། །རྒྱལ་པོས་ཀྱང་སྟོར་ཁུང་ནས་འཛུལ་བར་བརྩམས་པ་ལས། རེ་ཞིག་ན་བུ་མོ་གཉིས་ཤིག་བཤང་སར་བྱུང་བ་དང་། དེ་ན་གཅིག་གིས་སྨྲས་པ། གྲོགས་མོ་ལྷ་འོངས་སོ་ཞེས་གྲག་གོ། །ཅིག་ཤོས་
D6.011.0008b02.01ཀྱིས་དེ་སྟོར་ཁུང་ནས་འཛུལ་ལོ་ཞེས་སྨྲས་པ་དང་། རྒྱལ་པོས་ཐོས་ནས་དེས་བསམས་པ། གསོས་པ་ལ་བདག་གིས་ཁྱོད་ཀྱིས་མ་ཚོར་བར་ཞི་བ་ལ་སྨྲོས་ཤིག་ཅེས་བསྒོ་ན་དེས་ཁྱིམ་ན་འདུག་པ་རིལ་ལ་སྨྲས་སོ་སྙམ་དུ་བསམས་ཏེ་དེ་ཁྲོས་ནས་དེས་གསོས་པ་ལ་ཇི་ལྟར་གྱུར་པ་དྲན་པར་བྱས་ནས་ཀླན་ཀ་བཙལ་
D6.011.0008b03.01བ། གསོས་པ་ཁྱོད་ཀོ་ང་ལ་གནོད་པ་བྱེད་པར་ཞུགས་པ་ལྟ་ང་གཅིག་པུ་སས་འཚོ་བ་ཡིན་ནམ། ཅི་ན་གང་གི་ཕྱིར་ཁྱོད་ང་ལ་ཕྱོགས་ཆེ་གེ་མོ་ཞིག་ཏུ་གང་དག་སས་འཚོ་བ་དེ་དག་ནི་འདི་ལྟར་འགྱུར་རོ་ཞེས་ཟུར་ཟ། སྨད་འཚོང་མ་ངའི་སྤྱོད་ཡུལ་མ་ཡིན་ནམ་ཅི་ན་ཡང་ཕྱོགས་ཞིག་ཏུ་གང་དག་སྤྱོད་ཡུལ་མ་ཡིན་
D6.011.0008b04.01པར་སྤྱོད་པ་དེ་དག་ནི་འདི་ལྟར་འགྱུར་རོ་ཞེས་ཟུར་ཟ། སྨད་འཚོང་མ་ངས་དོན་དུ་གཉེར་བར་བྱ་བ་མ་ཡིན་ནམ་ཅི་ན་ཡང་ཕྱོགས་ཞིག་ཏུ་ཡང་གང་དག་དོན་དུ་གཉེར་བར་བྱ་བ་མ་ཡིན་པ་དོན་དུ་གཉེར་བ་དེ་དག་འདི་ལྟར་འགྱུར་རོ་ཞེས་ཟུར་ཟ། ད་གཟོད་ཀྱང་ང་སྐྱེད་མོས་ཚལ་ན་འདུག་པས་ཁྱོད་སོང་ལ་མ་ཚོར་བར་ཞི་བ་
D6.011.0008b05.01ལ་ལྷ་བྱོན་ཏེ་སྐྱེད་མོས་ཚལ་ན་བཞུགས་སོ་ཞེས་གྱིས་ཤིག་ཅེས་བསྒོ་བསྒོ་ན། ཁྱོད་ཀྱིས་ཁྱིམ་ན་འདུག་པ་རིལ་ལ་སྨྲས་པས་ཁྱོད་ནི་ང་ལ་གནོད་པ་བྱེད་པར་ཞུགས་སོ། །དེ་དོགས་ཤིང་མི་དགའ་ནས་ཡིད་ཆེས་པར་བྱ་བའི་ཕྱིར་སྨྲས་པ། ལྷ་སྡིག་པས་ནི་བརླག་སྟེ་བདག་གིས་ལྷ་ལ་ཟུར་བགྱིས་པ་མ་མཆིས་སོ། །
D6.011.0008b06.01བདག་གིས་ལྷ་ལ་ཇི་ལྟར་ཟུར་བགྱིས། ལྷ་འདི་སྐད་དུ་གནས་ཆེ་གེ་མོ་ཞིག་ཏུ་ཁྱོད་ཀྱིས་ང་ལ་གང་དག་སས་འཚོ་བ་དེ་དག་ནི་འདི་ལྟར་འགྱུར་རོ་ཞེས་ཟུར་བྱས་སོ་ཞེས་གསུང་བ་གང་ལགས་པ་ནི་ཕྱོགས་དེར་རྫ་མཁན་གྱི་སྣོད་སོ་མ་བཏང་བ་དག་ཅིག་འདམ་བུའི་རིའི་རྐང་པས་བརྫིས་ནས་རྫ་མཁན་དེས་མྱ་ངན་
D6.011.0008b07.01