完整藏文原文 · 德格版页 当前仅加载第 11 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱ། །ཁྲོ་བར་མི་བྱ། བསྡིགས་པར་མི་བྱ། དགེ་སློང་མས་དགེ་སློང་ལ་ཁ་ངན་དང་། ཁྲོ་བ་དང་། བསྡིགས་པ་མི་གནང་སྟེ། མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི་བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་དྲུག་ཏུ་བཅས་ཏེ། དེ་ལ་བུད་
D6.011.0119b01.01མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མ་ལ་བླ་མའི་ཆོས་ཤིག་བྱུང་ན། དེས་དགེ་འདུན་གཉི་ག་ལ་ཟླ་བ་ཕྱེད་ཀྱི་བར་དུ་ཡིད་དགའ་བར་བྱ་བ་སྤྱོད་ཅིག །མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི་བུད་མེད་རྣམས་ལ་དགག་ཅིང་མི་འདའ་བར་
D6.011.0119b02.01བྱ་བའི་ཕྱིར་བླ་མའི་ཆོས་བདུན་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་མས་ད་གཟོད་བསྙེན་པར་རྫོགས་པའི་དགེ་སློང་ལ་ཚིག་སྙན་པ་དང་། བསྟོད་པ་དང་། ལྡང་བ་དང་། ཐལ་མོ་
D6.011.0119b03.01སྦྱར་བ་དང་། ཕྱག་བྱ་བ་བྱས་ཏེ། མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི་བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བརྒྱད་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཅི་བླ་མའི་ཆོས་འདི་བརྒྱད་ཡང་དག་
D6.011.0119b04.01པར་བཟུང་སྟེ་སྤྱོད་དམ། སྤྱོད་དོ། །མིང་འདི་ཞེས་བྱ་བ་ཁྱོད་ཉོན་ཅིག །བཅོམ་ལྡན་འདས་ཀྱིས་བཞི་པོ་འདི་དག་ནི་སྔ་མ་བཞིན་ཏེ། ཡང་དག་པར་རྫོགས་པའི་སངས་རྒྱས་ཀྱིས་ཤེས་པའི་བར་དུ་སྦྱར་རོ། །བཞི་གང་ཞེ་ན། དེང་ཕན་ཆད་མིང་འདི་ཞེས་བྱ་བ་ཁྱོད་ངན་པར་སྨྲ་
D6.011.0119b05.01བ་ལ་སླར་མི་སྨྲ། ཁྲོས་པ་ལ་སླར་མ་ཁྲོ་ཤིག །རྡེག་པ་ལ་སླར་མི་རྡེག །འཕྱ་བ་ལ་སླར་མི་འཕྱ། མིང་འདི་ཞེས་བྱ་བ་ཁྱོད་ཉོན་ཅིག །ཁྱོད་སྔོན་འདི་ལྟར་བདག་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་ཤོག་ཤིག་ཅེས་
D6.011.0119b06.01སྨོན་པ་དེ་ནི་ཁྱོད་རབ་ཏུ་བྱུང་ཞིང་བསྙེན་པར་རྫོགས་ཏེ། མཁན་མོ་ཚུལ་ཁྲིམས་དང་ལྡན་པ་དང་། སློབ་དཔོན་ཚུལ་ཁྲིམས་དང་ལྡན་པ་དང་། དགེ་འདུན་གཉི་ག་ཚོགས་འདུས་པས། གསོལ་བ་དང་བཞིའི་ལས་ཀྱི་ཕྱིར་བྱ་བ་མེད་པ་དང་། གཞག་པར་བྱ་བ་མེད་པས་རབ་ཏུ་བྱུང་ཞིང་
D6.011.0119b07.01