完整藏文原文 · 德格版页 当前仅加载第 11 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་བསྐྱེད་བསྲིངས་ཏེ་རྫིང་གི་པདྨ་བཞིན་དུ་སྐྱེ་དྲག་པར་གྱུར་ཏོ། །དེ་གང་གི་ཚེ་ཆེན་མོར་གྱུར་པ་དེའི་ཚེ་གཟུགས་དང་། ལང་ཚོ་མཛེས་པ་དང་། གཡེར་བ་དང་། སྒྱུ་རྩལ་གྱི་ཡོན་ཏན་གྱི་ཁྱད་པར་དང་ལྡན་པས་ནགས་ཚལ་མེ་ཏོག་རྒྱས་པའི་ནང་ན་ནགས་ཚལ་གྱི་ལྷ་
D6.011.0030b01.01བཞིན་དུ་ཁྱིམ་དེ་ན་མཛེས་སོ། །དེའི་གཟུགས་དང་། ལང་ཚོ་དང་། ཁ་དོག་དང་། རྒྱུ་བ་དང་། གནས་པའི་ཁྱད་པར་གྱིས་འཇིག་རྟེན་པའི་ལམ་གྱིས་འདོད་ཆགས་དང་བྲལ་བའི་དྲང་སྲོང་དག་ཀྱང་སེམས་འཕྲོག་པར་བྱེད་ན་ཐོག་མ་མེད་པའི་དུས་ནས་ཉོན་མོངས་པ་ཀུན་
D6.011.0030b02.01དུ་སྤྱོད་པ་བསགས་པ་རིགས་དང་། གཟུགས་དང་། ལང་ཚོ་དང་། དབང་ཕྱུག་གི་དྲེགས་པས་རྒྱགས་པའི་མི་རྣམས་ལྟ་སྨོས་ཀྱང་ཅི་དགོས། ཁྱིམ་བདག་དེ་ཡང་ནང་མིའི་སྐྱེ་བོའི་འཁོར་དང་བཅས་ཏེ་དེ་སྲུང་བ་ལྷུར་ལེན་ཅིང་གཉིད་ཀྱང་མི་ལོག་གོ། །ཡུལ་ཀོ་ས་
D6.011.0030b03.01ལའི་རྒྱལ་པོ་གསལ་རྒྱལ་བཙུན་མོའི་འཁོར་དང་། གཞོན་ནུ་དང་། བློན་པོ་དང་། ཕོ་བྲང་འཁོར་གྱི་མི་དང་བཅས་པ་དང་། གཞན་ཡང་འདབ་ཆགས་ན་གནས་པའི་རྒྱལ་པོ་དང་། བློན་པོའི་བུ་དང་། མདུན་ན་འདོན་གྱི་བུ་ལ་སོགས་པས་བསླང་བར་བསམས་ཀྱང་
D6.011.0030b04.01བུ་མོ་འོད་བཟང་མ་སྐྱེས་བུ་ལྔ་བརྒྱ་དང་ལྷན་ཅིག་དགའ་མགུར་སྤྱོད་པར་མཚན་མཁན་གྱིས་ལུང་བསྟན་པས་ན་འཇིག་རྟེན་གྱི་དཔྱས་སུ་དོགས་པའི་ཕྱིར་སུས་ཀྱང་མ་བསླངས་སོ། །དེ་ཡང་དེའི་ཁྱིམ་གྱི་སྐར་ཁུང་དྲ་བ་ཅན་དང་། སྐར་ཁུང་དང་། སྟེགས་བུ་དང་། ཁང་ཐོག་
D6.011.0030b05.01ཏུ་འདུག་ནས་སུ་སློང་སྙམ་ཞིང་སྐྱེས་པ་དག་ལ་ལྟ་བར་བྱེད་དོ། །ཁྱིམ་བདག་དེས་དེའི་སྤྱོད་པ་མཐོང་ནས་རང་གི་རིགས་རྒྱུད་དང་མཐུན་པ་གཞན་དག་ལ་མི་སློང་ཡང་དེ་བཞིན་དུ་སྦྱིན་པར་བརྩམས་ན་འགའ་ཡང་ལེན་དུ་མ་བཏུབ་པོ། །དེ་ནས་ཁྱིམ་བདག་དེ་དེ་སུ་ཡང་མ་འདོད་པས་
D6.011.0030b06.01ཡིད་མི་བདེ་བ་སྐྱེས་ཏེ་བྱ་བ་ཐམས་ཅད་ཀྱི་བློ་བཏང་ནས་དེ་སྦྱིན་པའི་ཐབས་སེམས་པས་ལུས་སྐྱ་བོ་བསེང་བསེང་པོ་ཤ་བྲི་ངན་པ་རྐེ་བ་ཤིག་ཤིག་པོ་ཞིག་ཏུ་གྱུར་ཏོ། །དེའི་ཚེ་མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་གནས་པ་དེས་རིགས་
D6.011.0030b07.01