完整藏文原文 · 德格版页 当前仅加载第 11 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
ཐལ་མོ་རྡོབ། ཁ་ཅིག་ནི་རྒོད། ཁ་ཅིག་ནི་འདི་སྐད་དུ་གླུ་ལེན་ཏེ། སྦྲང་མ་དག་གིས་ཟླ་བ་ཟོས། །རྣམ་ཐོས་བུ་ནི་གཉེར་པས་དེད། །ས་གཞི་ནགས་བཅས་མཁའ་ལ་འཕགས། །སྨད་འཚོང་མས་ནི་རབ་སྣང་ཁྲིད། །ཅེས་བྱས་པ་དང་། འཕགས་
D6.011.0004a01.01རྒྱལ་ན་གནས་པ་རྣམས་ཀྱིས་བསམས་པ། ཅིའི་ཕྱིར་ཚོང་པ་འདི་དག་དེ་སྐད་ཅེས་ཟེར་སྙམ་པ་ལས། དེ་རྣམས་སྒོ་གཞན་དུ་བྱུང་སྟེ། སྨྱགས་བཅད་དེ་བྲོས་ཏེ་སོང་ངོ་། །གསོས་པ་ཡང་ཕན་ཚུན་དུ་རྒྱལ་པོ་ཚོལ་ཞིང་དེ་རིམ་གྱིས་ཀཽ་ཤཱམྦཱིར་སོང་ངོ་། །བློན་པོ་དག་
D6.011.0004a02.01གིས་རྒྱལ་པོ་ཤར་བ་ལ་སྨྲས་པ། ལྷ་དགྱེས་པར་མཛད་དུ་གསོལ། རྒྱལ་པོ་རབ་སྣང་ནི་འདིར་ཁུགས་ལགས་སོ་ཞེས་བྱས་པ་དང་། རྒྱལ་པོ་ཤར་བས་སྨྲས་པ། ཤེས་ལྡན་དག་དེང་ལ་དེ་ཐོགས་ཏེ་ཐག་པའི་ལས་སློབ་ཏུ་ཆུག་ཤིག །རྒྱལ་པོ་རབ་སྣང་འདིར་འོངས་པར་ནོར་
D6.011.0004a03.01ལྷས་བྱིན་ལ་སུ་ཡང་མ་ཟེར་ཅིག་པར་ཁྲིམས་སུ་ཡང་ཆོས་ཤིག་ཅེས་བསྒོའོ། །ཇི་ཙམ་དུས་གཞན་ཞིག་ན་རྒྱལ་པོ་ཤར་བའི་བུ་ནོར་ལྷས་བྱིན་དང་ལྷན་ཅིག་ཏུ་ཁང་{བཟངས་ཀྱི་,བཟང་གི་}སྟེང་དུ་བྱུང་སྟེ་འདུག་པ་ན་རྒྱལ་པོ་གཏུམ་པོ་རབ་སྣང་ཐགས་ཀྱི་གྲ་ཁང་ནས་བྱ་བ་ཞིག་གི་ཕྱིར་སྒོར་
D6.011.0004a04.01བྱུང་བ་དང་རྒྱལ་པོ་ཤར་བས་དེ་མཐོང་ནས། དེས་ནོར་ལྷས་བྱིན་ལ་སྨྲས་པ། མི་འོ་ནི་སུ་ཡིན་ཁྱོད་ཀྱིས་ཤེས་སམ། དེས་ཀྱང་རིང་ཞིག་དུ་བརྟགས་པ་དང་། རྒྱལ་པོ་དེ་སྤྱི་གཅེར་ཡིན་པས་ངོ་ཤེས་ནས་དེ་མཆི་མས་བརྣངས་བཞིན་དུ་འདུག་སྟེ་དེས་བསམས་པ། རྒྱལ་པོ་
D6.011.0004a05.01ངན་པ་འདིས་ངའི་ཕ་འདི་འདྲ་བའི་གནས་སྐབས་སུ་བྱས་ཀྱིས་གལ་ཏེ་རྒྱལ་པོ་ངན་པ་འདི་མ་བསད་ན་ནོར་ལྷས་བྱིན་མ་ཡིན་དུ་ཟད། ཇི་ལྟར་བསད་པ་ཡང་བདག་ཉིད་ཀྱིས་མི་ཚོར་བ་དེ་ལྟར་གསད་དོ་སྙམ་མོ། །རྒྱལ་པོ་དེ་ཡང་ཡིད་རྣོ་བ་ཞིག་པས་དེ་ཁྲོས་པར་ཤེས་ནས་དེས་སྦྱོར་
D6.011.0004a06.01བ་འཆང་ལ་བསྒོ་བ། སྦྱོར་བ་འཆང་དགྲ་ལ་ཤ་ལོན་ཟིན་གྱིས་སོང་ལ་རྒྱལ་པོ་གཏུམ་པོ་རབ་སྣང་ཁྲོལ་ཏེ་ཁྲུས་(གྱིས་,ཀྱིས་)ཟན་བྱིན་ལ་བཀུར་སྟི་ཆེན་པོས་འཕགས་རྒྱལ་དུ་སྐྱོལ་ཅིག་ཅེས་བསྒོ་བ་དང་། དེས་ཀྱང་ཇི་ལྟར་བསྒོ་བ་བཞིན་དུ་འཕགས་རྒྱལ་དུ་བསྐྱལ་ཏོ། །ནོར་ལྷས་བྱིན་
D6.011.0004a07.01