完整藏文原文 · 德格版页 当前仅加载第 11 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་དེ་ལྟ་བུ་དག་ཀྱང་རབ་ཏུ་འབྱིན་པ་ལས་གྱུར་གྱིས། དེའི་ཕྱིར་དགེ་སློང་གིས་དེ་ལྟ་བུ་དག་རབ་ཏུ་དབྱུང་བར་མི་བྱའོ་སྙམ་དུ་
D6.011.0038a01.01མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་རྣམས་འཕྱ་བ་ནི་ཐོག་ཏུ་བབ་བོ། །དེ་ལྟ་བས་ན་དགེ་སློང་གིས་འཁོར་སུན་པར་བྱེད་པའི་འཁོར་ཉེ་བར་གཞག་པར་མི་བྱའོ། །དགེ་སློང་གིས་འཁོར་སུན་པར་བྱེད་པའི་འཁོར་ཉེ་བར་གཞག་ན་འགལ་
D6.011.0038a02.01ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་འཁོར་སུན་པར་བྱེད་པའི་འཁོར་ཉེ་བར་གཞག་པར་མི་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཀྱིས་འཁོར་སུན་པར་བྱེད་པ་ཇི་ལྟ་བུ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་
D6.011.0038a03.01འཁོར་གྱིས་འཁོར་སུན་པར་བྱེད་པ་ནི་རྒྱུ་གཉིས་ཀྱིས་ཏེ། གང་དག་གིས་ཤེས་ན་རིགས་དང་། མཚན་མས་སོ། །དེ་ལ་རིགས་ཀྱིས་ནི་རིགས་གང་ཡང་རུང་བས་ཏེ། མ་རབས། དམན་པ། ཕོངས་པ། དཀོས་ཐག་པ། བཀྲེན་པ། བཟའ་བ་དང་། བཏུང་བ་ཆེན་པོ་མི་
D6.011.0038a04.01བདོག་པ་དེ་ལྟ་བུའི་རིགས་དག་ལས་སོ་སོར་སྐྱེས་པར་གྱུར་པ་དེ་དག་དགེ་སློང་རྣམས་རབ་ཏུ་འབྱིན་པར་བྱེད་ན་དེ་ལྟ་བུ་ནི་རིགས་ཀྱིས་ཡིན་ནོ། །མཚན་མས་ཇི་ལྟ་བུ་ཞེ་ན། སྐྲ་སེར་དང་ནི་སྐྲ་ལྗང་གུ། །དེ་བཞིན་དུ་ནི་སྐྲ་དམར་དང་། །མི་རྣམས་སྐྲ་ནི་དཀར་བ་དང་། །གླང་ཆེན་སྐྲ་དང་སྐྲ་
D6.011.0038a05.01མེད་པ། །འདི་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །འབར་འབུར་མགོ་དང་གླང་པོ་ཆེ། །མགོ་སྨྱུང་དང་ནི་མགོ་ལེབ་དང་། །བོང་བུ་ཕག་གི་མགོ་དང་ནི། །མི་གང་མགོ་ནི་གཉིས་ཡོད་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །གླང་
D6.011.0038a06.01པོའི་རྣ་དང་རྟ་རྣ་དང་། །བ་ལང་རྣ་དང་སྤྲེའུ་རྣ་དང་། །བོང་བུ་ཕག་གི་རྣ་བ་དང་། །རྣ་གཅིག་དང་ནི་རྣ་མེད་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །མིག་དམར་ཧ་ཅང་མིག་ཆེ་དང་། །མིག་ཆུང་མིག་ནི་ཧ་ཅང་སེར། །ཤེལ་མིག་དང་ནི་མིག་འབུར་དང་། །མིག་
D6.011.0038a07.01