完整藏文原文 · 德格版页 当前仅加载第 11 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
བློས་བླངས་སོ། །ཁྱོད་ཀྱིས་སྨྲས་སོ། །ངས་མ་སྨྲས་སོ་ཞེས་དེ་གཉིས་འཐབས་པར་གྱུར་ནས། ཞི་བས་དེའི་མགོར་ཞོའི་ཕོར་བས་བསྣུན་པ་དང་། རྒྱལ་པོ་དེ་སྤྱི་གཅེར་ཞིག་པས་དེའི་ཀླད་པ་ཞོམ་མོ། །དེས་ལག་པས་མནམས་ཏེ་བསམས་པ། བདག་གི་ཀླད་
D6.011.0017a01.01པ་ཡང་ཞོམ། བདག་གི་ཀླད་རྒྱས་ཀྱང་ལུག་པས་འདིས་ཡེ་བདག་བསད་ཀྱིས་ཇི་སྲིད་སྲོག་དང་མ་བྲལ་གྱི་བར་དུ་ཇེ་འདི་བསད་དོ་སྙམ་ནས། དེས་གསོས་པ་ལ་བསྒོ་བ། གསོས་པ་ངས་བ་ལང་སྐྱོང་གི་མ་ཞི་བ་ཡོངས་སུ་བཏང་གིས་སོད་ཅིག །གསོས་པས་བསམས་པ། དེ་འདི་
D6.011.0017a02.01ལ་ཤིན་ཏུ་འཕངས་ན་འདི་ཁྲོས་པའི་ཀུན་ནས་དཀྲིས་པས་འདི་སྐད་དུ་ཟེར་བར་ཟད་པས་འཕྲལ་ལ་གསད་པར་མི་བྱའི་ཀུན་ནས་དཀྲིས་པ་དང་བྲལ་ནས་བསམ་པ་ཤེས་པར་བྱ་སྟེ་གསད་ཀྱིས་རེ་ཞིག་གནས་དབེན་པ་ཞིག་ཏུ་གཞག་གོ་སྙམ་དུ་རིག་ནས། སྨྲས་པ། ལྷ་དེ་ལྟར་འཚལ་ཏེ་དགུམ་མོ་
D6.011.0017a03.01ཞེས་བྱས་ནས། དེས་དེ་གནས་དབེན་པ་ཞིག་ཏུ་བཞག་གོ། །རྒྱལ་པོས་ཀུན་ནས་དཀྲིས་པ་དང་བྲལ་ནས་སྨྲས་པ། གསོས་པ་བ་ལང་སྐྱོང་གི་མ་ཞི་བ་ག་རེ། དེས་སྨྲས་པ། ལྷ་ཁྱོད་ཀྱིས་ངས་བ་ལང་སྐྱོང་གི་མ་ཞི་བ་ཡོངས་སུ་བཏང་གིས་སོད་ཅིག་ཅེས་བཀའ་སྩལ་པས་བདག་
D6.011.0017a04.01གིས་དེ་ལྷའི་བཀའ་བཞིན་དུ་བཀུམ་ལགས་སོ། །དེས་སྨྲས་པ། གསོས་པ་ལེགས་སོ། །ད་ནི་ང་དང་། སྐྱ་བསེང་གི་བུ་མོ་སྒྲོལ་མ་དང་། གཞོན་ནུ་བ་ལང་སྐྱོང་དང་། མདུན་ན་འདོན་ཀྱང་སོང་ལ་ཁྱོད་ཉིད་ཅོད་པན་ཆིངས་ཏེ་རྒྱལ་སྲིད་བྱེད་ལ་རག་གོ། །ངས་ཀོ་དེས་ང་ལ་མ་གུས་པ་བྱས་
D6.011.0017a05.01པས་ངས་དེ་ནན་ཐུར་བྱས་ལ་ཕྱིས་དགའ་བར་བྱའོ་སྙམ་དུ་བསམ་བསམ་ན་ཁྱོད་ཀྱིས་མོད་ཁོ་ན་ལ་བསད་པ་ལྟ་ཞིག །དེས་སྨྲས་པ། ལྷ་འདི་ན་སྐྱེས་བུ་མཁས་པ་ཁ་ཅིག་སྨྲས་པའི་དོན་དཔེས་ཀྱང་ཀུན་འཚལ་བར་འགྱུར་བས་རེ་ཞིག་དཔེ་གསན་དུ་གསོལ། བསྡུས་པའི་སྡོམ་ནི། ཁྲ་
D6.011.0017a06.01བོ་དང་ནི་སྒྲེན་མོ་དང་། །རྙེད་པར་དཀའ་དང་སླུ་བ་དང་། །མི་ངོམས་པ་དང་གཉིད་གཏོགས་པར། །བསྡུས་པའི་སྡོམ་དུ་ཡང་དག་བསྡུས། །སྡོམ་ནི། ཁྲ་བོ་སྤྲེའུ་དང་འཇིག་རྟེན་ན། །ལོང་བ་དག་སྟེ་ཐ་མ་ཡིན། །རྒྱལ་པོ་ཆེན་པོ་སྔོན་བྱུང་བ་རིའི་ཕྱོགས་མི་འདུ་བ་དང་འཇིགས་པ་མ་
D6.011.0017a07.01