完整藏文原文 · 德格版页 当前仅加载第 11 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་གྱི་མི་དང་བཅས་པས་དེའི་སྐུ་གདུང་ལ་བཀུར་སྟི་ཆེན་པོས་སྐུ་གདུང་གི་མཆོད་པ་བྱས་ནས་རིན་པོ་ཆེ་སྣ་བཞིའི་མཆོད་རྟེན་ཁོ་ར་ཁོར་ཡུག་ཏུ་དཔག་ཚད་གཅིག་པ་ཕང་དུ་དཔག་ཚད་ཕྱེད་པ་གཅིག་བརྩིགས་སོ། །དེ་ན་ཚོང་དཔོན་གྱི་བུ་མོ་ཞིག་དད་
D6.011.0034a01.01པ་སྐྱེས་ནས་སྲོག་ཤིང་ལ་མེ་ལོང་ཅིག་བཏགས་སོ། །དགེ་སློང་དག་ཇི་སྙམ་དུ་སེམས། ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་དད་པ་སྐྱེས་ནས་སྲོག་ཤིང་ལ་མེ་ལོང་བཏགས་པ་གང་ཡིན་པའི་ཚོང་དཔོན་གྱི་བུ་མོ་དེ་ནི་ཁྱིམ་བདག་གི་ཆུང་མ་འོད་
D6.011.0034a02.01བཟང་མ་འདི་ཉིད་ཡིན་ཏེ། དེའི་ཚེ་དེའི་དུས་ན་གང་འདིས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་གྱི་སྲོག་ཤིང་ལ་མེ་ལོང་བཏགས་པ་དེའི་ལས་ཀྱི་རྣམ་པར་སྨིན་པས་འོད་དང་ལྡན་བཞིན་དུ་སྐྱེས་ལ་སྐྱེས་མ་ཐག་ཏུ་ཡང་ཁྱིམ་ཐམས་ཅད་འོད་ཀྱིས་སྣང་
D6.011.0034a03.01བར་གྱུར་པ་ཡིན་ནོ། །གང་ཡང་ཤི་ནས་སྐྱེས་བུ་ལྔ་བརྒྱས་ཀཱར་ཥཱ་པ་ཎ་ལྔ་བརྒྱ་བྱིན་ནས་དགའ་མགུར་སྤྱད་པ་དེ་ཡང་ཉོན་ཅིག །དགེ་སློང་དག་སྔོན་བྱུང་བ་བཱ་རཱ་ཎ་སཱིའི་གྲོང་ཁྱེར་ན་རྒྱལ་པོ་ཚངས་བྱིན་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། རྒྱལ་སྲིད་འབྱོར་པ་དང་། རྒྱས་
D6.011.0034a04.01པ་དང་། བདེ་བ་དང་། ལོ་ལེགས་པ། སྐྱེ་བོ་དང་མི་མང་པོས་གང་བ། ཐབ་མོ་དང་། རྩོད་པ་དང་། ནང་འཁྲུག་དང་། འཁྲུག་གློང་རབ་ཏུ་ཞི་བ། ཆོམ་རྐུན་དང་། ནད་དང་བྲལ་བ་སཱ་ལུ་དང་། བུ་རམ་ཤིང་དང་། བ་ལང་དང་། མ་ཧེ་ཕུན་སུམ་ཚོགས་པ། ཆོས་ཀྱི་
D6.011.0034a05.01རྒྱལ་པོས་ཆོས་བཞིན་བྱེད་དུ་འཇུག་གོ། །དེའི་ཚེ་དེའི་དུས་ན་བཱ་རཱ་ཎ་སཱི་ན་གཟུགས་ཀྱིས་འཚོ་བ་བཟང་མོ་ཞེས་བྱ་བ་གཟུགས་བཟང་བ། མཛེས་པ། བལྟ་ན་སྡུག་པ། སྐྱེས་པའི་ཡིད་དུ་འོང་བ། སྔོན་རྒྱལ་པོ་ཚངས་བྱིན་གྱི་ཞང་པོས་ཡོངས་སུ་སྤྱད་པ་ཞིག་འདུག་གོ། །
D6.011.0034a06.01རེ་ཞིག་དུས་གཞན་ཞིག་ན་དགའ་འདུན་པ་ལྔ་བརྒྱ་བཟའ་བ་དང་བཅའ་བ་མང་པོ་དག་སྦྱར་ཏེ་སྐྱེད་མོས་ཚལ་དུ་དོང་ནས་ཕན་ཚུན་ཤེས་ལྡན་དག་བདག་ཅག་གིས་སྐྱེད་མོས་ཚལ་གྱི་ལོངས་སྤྱོད་ཐམས་ཅད་ནི་བཤམས་ན་བུད་མེད་མེད་ཀྱིས་དོང་ལ་སྨད་འཚོང་འགའ་ཞིག་དགུག་གོ་ཞེས་
D6.011.0034a07.01