完整藏文原文 · 德格版页 当前仅加载第 11 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་བྱ་དེའི་ཕྱིར་སྙིང་བརྩེ་བའི་ལྷ་རྣམས་ཀྱིས་བདག་ལ་བསྟན་པ་ནི་པཱུརྞ་ཀཙྪའི་རི་བྲགས་ཀྱི་གྲོང་ན་གང་པོ་ཞེས་བྱ་བའི་བུ་སྨན་ཆེན་པོ་ཁྱོད་ཀྱི་བློན་པོ་ཆེན་པོར་ཆུག་ཤིག་དང་། ཁྱོད་ཀྱི་ཡུལ་རྣམས་རྒྱས་པར་བྱས་པས་འབུལ་བར་འགྱུར་ཏེ། དེའི་ཚེ་ན་ཁྱོད་ཉིད་ཀྱང་ཐམས་ཅད་ལ་
D6.011.0068b01.01དབང་བའི་རྒྱལ་པོར་འགྱུར་རོ་ཞེས་ལུང་བསྟན་ཏེ། ཁྱོད་ནི་འདི་ལྟ་བུར་དགོས་པའི་ཕྱིར་བདག་གིས་རུམ་ན་འདུག་ཚུན་ཅད་བདེ་བའི་ཡོ་བྱད་ཀྱིས་བསྐྱེད་པ་ཡིན། ད་ལྟར་ཡང་བློན་པོའི་མཆོག་ཏུ་བཅུག་ན་ད་ནི་ལྷའི་ཚིག་དང་། ཁྱོད་བདག་གི་བློས་ལྕོགས་པ་སྟོན་པ་ཅི་ནས་
D6.011.0068b02.01བདག་རྒྱལ་པོའི་དབང་ཕྱུག་ཏུ་འགྱུར་བར་བྱོས་ཤིག་ཅེས་སྨྲས་པ་དང་། དེ་ནས་སྨན་ཆེན་པོས་རྒྱལ་པོ་སྐྱེད་པ་ལ་ཕྱག་བྱས་ནས་ཐུགས་བརྟན་པར་མཛོད་ཅིག་དང་། ཇི་ལྟར་བདག་གིས་ལྷ་མཉེས་པར་འགྱུར་བ་དེ་ལྟར་བགྱིའོ་ཞེས་སྨྲས་སོ། །དེ་ནས་སྨན་ཆེན་པོས་ཡུལ་དང་། གྲོང་
D6.011.0068b03.01དང་། གྲོང་ཁྱེར་དང་། རི་བྲགས་ཀྱི་གྲོང་དེ་དག་ན་གཙོ་བོ་གང་ཡིན་པ་དེ་རྣམས་དབྱེན་བཅུག་སྟེ་སོ་སོར་ཕྱེ་ནས་ཅི་ནས་ཁྱེད་བདག་ལ་དགའ་བར་གྱུར་པ་དེ་ལྟ་བུར་བདག་གིས་བྱའོ། །བློན་པོ་དེ་དག་ནི་འདོད་ཆེན་ཆེ་བས་དཔྱ་ནར་མ་དང་། བླ་སྐྱེས་དག་ཀྱང་མི་རིགས་པར་འབེབས་ཏེ།
D6.011.0068b04.01གནོད་པར་གྱུར་པས་ན་དེའི་ཕྱིར་རིག་པར་བྱས། འདི་ལྟར་བདག་གི་ཚིག་བཞིན་དུ་བྱས་ན་བདག་གིས་ཀྱང་ཁོང་དུ་ཆུད་པར་བསྟན་ཏེ་དཔྱ་ཡང་རིགས་པར་དབབ། གཞན་ཡང་བདེ་བར་དགོད་ཅིང་། བདེ་བའི་ཡོ་བྱད་རྣམས་ཀྱིས་ཀྱང་བསྐྱང་བར་བྱས། ཅི་ནས་ཁྱོད་ཅག་མི་མཐུན་
D6.011.0068b05.01པར་བྱོས་ཤིག །ཁྱེད་མི་མཐུན་པར་བྱས་པ་ལས་ཇི་སྟེ་རྒྱལ་པོ་དང་། བློན་པོ་རྣམས་ལྷགས་ན་ཡང་བདག་མེད་ཀྱི་བར་དུ་དེ་དག་གི་དབང་དུ་མ་འགྲོ་བར་འདི་སྐད་སྨྲོས་ཤིག །དེ་སྟེ་བློན་པོའི་མཆོག་སྨན་ཆེན་པོ་འོངས་ན་དེ་ལ་བདག་ཅག་གིས་བློན་པོ་དེའི་དབང་དུ་བྱའི་གཞན་ལ་
D6.011.0068b06.01མ་ཡིན་ནོ་ཞེས་སྨྲོས་ཤིག །དེ་ནས་དེས་འདི་ལྟ་བུའི་རིག་པ་སྔར་སྦྱར་ནས་ཡུལ་དེ་དག་ཀུན་མི་མཐུན་པར་བྱེད་ཅིང་བྱེད་དུ་བཅུག་པས་ན་བཀའ་རྣམས་ཀྱང་བཅོག་པར་གྱུར་ཏོ། །དེ་ནས་བློན་པོ་དེ་དག་གིས་རྒྱལ་པོ་ལ་གསོལ་པ་དང་། འདི་ལྟར་རྒྱལ་པོ་སྐྱེད་པས་བློན་པོ་དྲུག་པོ་དེ་དག་
D6.011.0068b07.01