完整藏文原文 · 德格版页 当前仅加载第 11 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་ག་པ་ཁྱེའུ་གཞོན་ནུ་གཞན་ཞིག་རང་གི་བཟོས་འཚོ་བ་ལ་ཞུགས་ཏེ། དེ་ལ་བུད་མེད་རྒན་མོ་དེ་དུས་དུས་སུ་རས་ཀྱི་སྐུད་པ་དེ་ལ་འཚོང་ངོ་། །དེ་ནས་གཞན་ཞིག་ཏུ་དེས་སྐུད་པ་ཕྲ་མོ་ཞིག་ཁྱེར་ཏེ་དེའི་དྲུང་དུ་སོང་བ་དང་། དེས་མ་མ་ཁྱོད་ཀྱིས་སྔོན་ནི་སྦོམ་པོར་འཁོལ་ན་ད་
D6.011.0128a01.01འདི་ལྟ་བུ་གང་ནས་འོངས་ཞེས་དྲིས་པ་དང་། དེས་བུ་འདི་ནི་བདག་གིས་མ་བཀལ་ལོ། །མ་མ་འོ་ན་སུས་བཀལ། བུ་བདག་གི་ཁྱིམ་ན་བུད་མེད་གཅིག་ཅིག་འདུག་སྟེ། དེས་བཀལ་བ་འདི་ཡིན་ནོ་ཞེས་སྨྲས་པ་དང་། དེས་མ་མ་ཁྱོད་ཀྱིས་ཅིའི་ཕྱིར་ན་བདག་ལ་དེ་མི་སྦྱིན་བདག་ལ་ཡང་ཆུང་མ་
D6.011.0128a02.01མེད་དོ། །བདག་གིས་དེའི་བཟའ་བ་དང་བགོ་བ་དང་འཚོ་བའི་ཡོ་བྱད་དག་སྦྱར་རོ་ཞེས་སྨྲས་པ་དང་། མོས་བུ་རེ་ཞིག་དེ་ལ་གསོལ་བར་བྱ་སྟེ་ཅི་ཟེར་བ་ལས་ལན་ཕྱིས་སྦྱིན་ནོ་ཞེས་སྨྲས་པ་དང་། དེས་དེའི་སྐུད་པའི་རིན་རྒྱལ་བར་བྱིན། ཟན་ཀྱང་བྱིན་ནས་དེ་ནས་དྲི་དང་མེ་ཏོག་གིས་བརྒྱན་ཏེ་བཏང་བ་དང་
D6.011.0128a03.01སྐེམ་མོ་གཽ་ཏ་མཱིས་སྨྲས་པ། མ་མ་སྐུད་པ་སུ་ལ་བཙོངས་ན་རིན་རྒྱལ་ཞིང་ལེགས་ཏེ་ཁྱོད་ཀྱང་དྲི་དང་མེ་ཏོག་གིས་སུས་བརྒྱན། དེས་བུ་མོ་དྲི་དང་མེ་ཏོག་གིས་བརྒྱན་པ་འབའ་ཞིག་མ་ཡིན་གྱི་ཟན་ཀྱང་བྱིན་ན་ཞེས་སྨྲས་པ་དང་། དེའི་ཕྱིར་འདི་ལྟ་བུ་ག་ལས་བྱུང་ཞེས་འདྲིའོ། །དེས་ཀྱང་ཇི་ལྟར་
D6.011.0128a04.01གྱུར་པ་ཞིབ་ཏུ་སྨྲས་ནས་ཁྱེའུ་ཐ་ག་པའི་ཡོན་ཏན་གྱི་ཁྱད་པར་སྙན་པར་བརྗོད་དེ་སྨྲས་པ། བུ་མོ་ཁྱེའུ་ཐ་ག་པ་དེ་ཁྱོད་སློང་སྟེ། དེའི་ཆུང་མ་མེད་ཀྱིས་ཁས་ལོང་ཤིག་དང་བདེ་བར་འགྱུར་རོ། །དེས་མ་མཆོག་གིས་ཕྱིན་ཆད་འདི་སྐད་མ་སྨྲ་ཤིག །བདག་ནི་ཁྱིམ་ན་གནས་པས་སྐྱོས་ཇི་ལྟ་
D6.011.0128a05.01བུར་ཡང་རུང་དེ་ལྟ་བུའི་འཚོ་བ་མི་བྱའོ་ཞེས་སྨྲས་པ་དང་། དེས་སྨྲས་པ། བུ་མོ་བུད་མེད་རྟེན་མེད་པ་ནི་སྡུག་བསྔལ་བའི་གནས་ན་འདུག་སྟེ་ཕྱི་རོལ་གྱི་སྐྱེས་པ་དག་གླགས་ལྟ་བར་ཡང་འགྱུར་གྱིས་གནས་སུ་སོམས་ལ་ཁས་ལོང་སྟེ་འདུག་ཤིག །དེས་ཁས་མ་བླངས་ནས། དེས་དེ་ལ་ཉེས་པའི་
D6.011.0128a06.01དམིགས་སུ་འགྱུར་བར་སྨྲས་པ་དང་། གདོད་དེས་ཁས་བླངས་སོ། །དེ་ནས་ཁྱེའུ་ཐ་ག་པས་དེ་ཉི་མ་དང་ཚེས་གྲངས་དང་སྐར་མའི་རིམ་དང་སྦྱར་ཏེ་ཁྱིམ་དུ་བླངས་སོ། །དེ་ཡང་མི་སྲུན་ཅིང་སྨྱོ་ལ་ཁྲོ་བས་རྟག་ཏུ་དེ་ལ་དབྱིག་པ་དང་ཐལ་མོས་རྡེག་སྟེ། དེས་བུད་མེད་རྒན་མོ་དེ་ལ་སྨྲས་པ།
D6.011.0128a07.01